الدكتورة أسيرة الزعيم 🔫👩‍⚕️

الحلقة 35

فطن صباح غير فتح عينو قابلاتو راقدة و شعرها مغطي وجهها نحا يدو  من خصرها و دنالها شعرها حبط راسو دا نفس عمييق منو و باسها في خدها و ضحك على حالها و ناض  دخل للدوش ...
بدات  تفتح عينيها تشوف في الحالة كحلة و زادت  سمعت صوت الما يسيل جاي من الدوش ناضت مفزوعة حتى تفكرت بلي راهي عند ماكس ضحكت و بقات في بلاستها تتكسل حتى تشوف الباب تحل و ماكس خارج منو كان لاف منشفة على وسطو و شعرو يقطر شافت فيه و عينيها تفيكساو على الكور تاعو لي خادمو و شعرو لي يقطر و العضلات تاعو  لي بارزة بقات تشوف فيه و ساكتة شردت فيه حتى فاقلها حب يهبلها : واش لهاد الدرجة انا شباب ! هو يهدر  و هي غايسة فيه حتة راح وقف عند راسها و بدا يلعب بشعرو و القطرات يطيحو على وجهها باش فطنت
جوري: اااااه علاااه حبس حبس خااص شمختني قااع كنت قادر تهدر معايا كي الناس
ماكس: لوكان جيتي تسمعيني كي ااناس و متغيسيش فيااا و غمزلها في اخر كلامو هنا جوري تلونت حمرة من الحشمة ماكس ضحك عليها : واش حبستلك كرشك !
جوري  : اه وي ميرسي انا نروح و ناضت جات خارجة حتى حكمها من يدها و دورها ليه حتى لسقت في صدرو : مسمعتش مليح واش قلتي عاودي برك !
جوري: ر..راني رايحة للبيت.
ماكس حط يدو على خصرها و زير عليها : و راح تروحي هكدا ان شاء الله!
جوري نسات قاع واش راهي لابسة : اه وي نسيت خليني نلبس الكاراكو ماكس البيت راهي في الدورة خليني نروح  و زيد  نحي يدك وجعتني .مع لي كملت الهدرة هو زاد زير عليها حتى حست صباعتيه تغرسو لداخل : شوفي قبل واش راكي لابسة
حبطت جوري راسها و شافت و يا ريتها ماشافت حشمت منو و راحت تجري لبست البينوار تاعها و جات خارجة
ماكس: منزيدش نلقاك لابسة هاد اللبسة  .
خرجت راحت تجري لبيتها هي غير دخلت تفكرت البارح ضحكت  و راحت دوشت بما دافي و خرجت  نشفت شعرها متكيات و لبست سروال جين مع تريكو ابيض و باسكات بيضة مع فيستا جين و راحت للصبيطار تخدم ......

جازو اليامات و جوري غير تزيد تتعلق بماكس و ماكس كيفكيف مي في هاد اليامات اللخرة ولات متشوفوش بزاف لانو يدخل في الليل بعدها و يخرج صباح و ساعات ميجيش قاع للدار فقررت انها تبقى تداوم في الليل باش يمدولها كونجي باش تحبط للدزاير .....
واحد النهار ماكس كان في البيرو تاعو جاتو في بالو توحشها  عيطلها حاب يهبلها اما هي كانت مشغولة ماسمعاتوش حتى بعدما كملت لقات آبال تاعو جاتها في بالها فكرة راحت عيطت لسام و طلبت منو عنوان الشركة بلا ميعرف ماكس و هو عطالها راحت للشركة كانت شركة كبيرة مخدومة بالزجاج من الداخل و من برة كان فيها افخم الديكورات و اجملها كانت مميزة و مختلفة على باقي الشركات في نظر جوري
راحت عند الاستقبال كانت تما طفلة تبان صغيرة
جوري: مرحبا .
الطفلة : مرحبا بك كيف يمكننا مساعدتك !
جوري: كنت اريد ان ارى السيد ماكس
الطفلة: هل لكي موعد معه !
جوري: لالا فقد اردت ان اعملها مفاجاة
الطفلة: حسنا في اخر الرواق على الممر الأول من الجهة اليمنى هناك مكتب المساعدة الخاصة به هناك تستطيع الاهتمام بك .
جوري: شكرا طاب يومك
راحت جوري و شافت السوكريتار و راحت قالتاها و خلاتها تدخل ..
سمع الطبطيب : أدخل
فتحت الباب و دخلت : surpriseee
شافها ماكس و ضحك ناض عندها : اوهووو الدكتورة جوري هنا بشحمها و لحمها هذا شرف ليا و للشركة انها تدخللها شخصية كيما انت
جوري: الشرف ليا ميستر ماكس
ماكس و هو يقعد فيها و رجع لبلاصتو : ايه واش نطلب للآنسة جوري!
جوري: امم كاس جو بارد يوفي بالغرض  ؛عيط للسوكريتار و طلب منها كاس جو لجوري و كاس قهوة ليه ..
وهنا صرات الحاجة لي عمرها ما توقعتها جوري ...
تفتح الباب و دخلت طفلة بيضة طويلة شعرها صفر و عينيها زروقا كانت لابسة روب قصيرة بيضا  و مفتوحة من الظهر و الصدر تاعها نصو يبان مع طالون كحل دخلت راحت عند ماكس ديراكت قعدت فوق يد الكرسي لي كان قاعد فوقو و رمات يدها للشوميز تاعو تعدل فيها و تتعوج قدامو
صوفي : اه عزيزي ماكس ارى ان هناك ضيفة من تكون !
جوري بانفعال : انا اكون حب....
ماكس قاطعها و هدر قبلها : انها صديقة العائلة منذ زمن طوييل  الدكتورة جوري.
جوري هنا الدم نشف فيها تشوف فيه و فيها بنظرة مفهمهاش ماكس
صوفي: اه حسنا ....و انا صوفي شريكة ماكس في الشركة و اعد يده اليمنى و اقرب  صديقة له ...اليس كذلك ماكس!
ماكس شاف فيها و ضحك معاها: نعم بالتاكيد انت كذلك..
هنا دخلت لاسوكريتار و في يدها السنيوة حطت الجو قدام جوري و القهوة عند ماكس جوري شافت في الكاس و فطنت ناضت : نعم كما يقال الزيارة تكون خفيفة لذلك سوف اطلب اذنك سيد ماكس و دارت رايحة حتى تفكرت و رجعت : اه صحيح لقد نسيت مفاتيح منزلي عندك المرة الماضية هل يمكنني اخذها! و مدتلو يدها شاف فيها ماكس و في عينيها لي كانت النار تشع منهم جبد المفاتح و نحاهم من مفاتحو و مدهوملها و خرجت  تجري راحت ركبت طونوبيلتها و طارت لدارها جبدت فاليزتها و حطت حوايجها كامل لتم ابري راحت للقصر و دات الصوالح المهمة لي تسحقهم حطتهم في الطونوبيل و ماخلات حتى واحد يشوفها راحت شرات بوس جديدة و رمات القديمة بعدما كسرتها راحت حارقة الطريق تجري و ماعلابالها بحتى حاجة وجهها خالي من المشاعر لا بكى لاضحك والو وجهها مافيه حتى مشاعر كانت تصوق و غير تزيد في السرعة حتى لحقت لبلاصة بعيدة كل البعد على القصر و على عالم فيه ماكس حبست كانت  بلاصة هاادية عبارة عن بحيرة صغيرة و من الجهة المقابلة مساحات خضراء قعدت خذات نفس عميييق دخلت الهوا النقي حتى حست براحة كبيرة و بدات دموعها تحبط بكل هدوء : اصلا الغلطة كانت فيا من الاول ..الغلطة اني حبيتك و كنت عارفة و متاكدة انو راح يجي نهار و نندم مي واش دير القلب و واش يدير  اااااااااه .
تنهدت تنهيدة تهد الجبال و وقفت : راح نخليك تحوس شوية يا ميستر ماكس اما نرجع و نرجع كيما الجليد راح نرجع جوري اخرى ..
ناضت جبدت التليفون تاعها و عيطت للوكالة و استاجرت دار  في هاد المنطقة قريبة لهاد البحيرة بعتولها العنوان و راحت كانت دار عادية في مجمع سكني راحت دات المفتاح من الاستقبال و طلعت كانت دارها في الايطاج 7دخلت كانت دار عادية بيت و صالة و كوزينة دخلت حطت الطابات تاعها و راحت دوشت و رقدت....
اما الموسيو الشباب فبعدما خرج من الخدمة راح على امل يلقاها في القصر اما ماكاش حتى تفكر انو دات منو مفاتح دارها خرج و راح فتح الباب لانو كان عامل دوبل للمفتاح دخل راح لبيتها لقاها دات قاع حوايجها خبط الفازة لي كانت قدامو : ااااااااه منك ااااه
خرج التليفون تاعو و عيط للعساس تاع القصر
ماكس: هل اتت اليوم جوري!
العساس: نعم سيدي لقد اتت لكنها خرجت مسرعة بعد بضعة دقائق .كوبا عليه و دار خبط يدو في المرايا حتى ولات قاع دم قعد فوق الفراش و حط راسو بين يديه : ااااه  يا جوري اا منك و دوك كيفاش راح نفهمك اني كنت مجبور كان لازم عليا اني ندير واش درت وين راكي برك وين راكي.......