وبالنهاية حَتعرف أنُ اللي يحسسَك بأمان
أهَم بهواي من اللي يحسسَك بالحُب ♥️.
والله فجئه وما احس الى محمد محمد وصياح وصوت عالي يا عزة شكو
خليت شالي ونزلت
اباوع ما فاهمه شي امير شجابة جوة ومحمد ليش يعيط عليه ميقات يهدي بمحمد بس ابد ماكوو
ما اسكت ما الى حق يدخل اهنا واصلا لو عنده كرامه ما يبقه شنو نسيت ميقات الي سواه.
امير كل ما يريد يحجي يسكته محمد
اششش ما اريد اسمع صوتك كاعد بيتنه تحترم اوادمك منا لحد ما تلكون بالبيت ولا تاخذ راحتك زايد عدنه بنيه غريبه وزغيرة وما مسموحلك تتقربلي نهائيا واسفك مرفووض
يريد يحجي ميقات
كله وانت هم ما الك حق تحجي هلشي راجعلي
ما اريد المحه اهنا حده الغرفه الي ينامون بيها والاستقبال غير هيج ميوصل جوة
خلة. وطلع امير راد يروح يله مارلين حضري روحج ميقات بقه مجلب بي متروح وروح ابوي متروح قبل ما تلكه بيت
ومحمد ضايج ومقهور فترة وتتصالحون وترجعون مثل اول واحسن يله فوتو نامو والصباح رباح فاتو لغرفتهم وعمتي طبت لغرفتها اني صعدت ميقات قفل الابواب وصعد
كعد ساكت وكلساع يتافف
كلي شنو رائيج بالصار
ورائيي بشنو يفيدك ميقات لا تخسر اخوك لخاطر امير
جنت تكدر تكلنه قبل لا تجيبه لبيت
ولج هو. راد يطلع اخوانه جلبو بي رادو ياخذو بس قفل ما قبل يروح وهم كاعدين بالفندق يرادلة راعيه وجماعتنه من يجونه شلون فا ميصير اخليهم يرحون بفندق
اكو هواي حلول ميقات اسرع حل تكدر تكعدهم بيت من بيوتكم
البيت مأجرة قابل
اطلع المستاجرين منه بيوم لازم اكلهم قبل بشهر اقل شي حتى يدورون غيرة
وبعدين الولد فداني بروحه معقولة اصير قليل اصل. خل يتحمل هليام لحد ما يطيب ويلكا بيت ويأثثه وينتقلون شنريد منهم
والله بعد ما ادري انت ادرة اني مالي علاقه ولا ادخل الي تشوفه صح سوي والله. يهدي النفوس
اللهم امين يله طفيلنه الضوة تعبان ومكسر تكسر
كمت طفيت الضوة وما طولت وغفيت .........
عده 10ايام على هذا الحال محمد ياكل ويفوت لغرفته ميخلي امير يشوفه وامير من يجي ميقات يكعدون بالاستقبال ومن بالدوام يكعد بالغرفة بس شنو ميقات بس وكت النومه اشوفه كمت. ضجت من هلوضع كلش مهتم بامير اكثر مني حتى. من اكمل شغل واصعد واسبح وابدل وهو ماكو مرات اغفه
وهو مصاعد بعده
امير صار زين بس شو لا يدور بيت لا شي وميقات ما يفك حلكه غير يكله دور بيت ميحجي غير هذا الشغل زاد لضعف مارلين ابد ما تساعدني ولا عمتي
الا ان اليوم عمتي ومحمد راحو علمود جرعه وميقات بالدوام بس اني ومارلين وامير بالبيت ك العاده كعدت ويا ميقات وما نمت بس ريكته وراح صعدت فوك قفلت الباب وبقيت كاعده لملمت الغرفة عزلت الجرارات غيرت النزلة
اندكت الباب شامرة الشال وثوبي هدل كمت فتحته
والكا امير بقيت مصتكه بمكاني رحت لفيت شالي
كتله خير أمر خوية محتاج شي
والله حور جوعان واريد اكل حتى اشرب علاجي
عفوا زين مارلين وين مارلين صارلي ساعه اندهه بيها ما تكوم تعبانه اخر شي كلتلها راح اكول لحوراء تسويلي كالتلي روح اصلا هي كاعده متنام من يطلع ميقات
اذا مابيها زحمه عليج
تمام انت اسبقني واني نازلة وراك
طبكت الباب بس احس كلبي حيطلع من مكانه من الخوف دخيلك ياعلي شنو هاي الصلافه العنده شعده صاعدلي فوك ع الاكل سم ان شاء الله ما الله يخلصني من هاي الزبايل
خليت ونزلت
لكيته كاعد بالهول خليت الجاي ع طباخ وطكيتله بيض وجبن واخذت الصينيه خليتها كدامه
تعاي تريكي وياي
بالعافيه
الله عليج
شكرا تريكت ويا ميقات صبح قبل لا يطلع
هنياله جا مارلين ما تتعلم مثلج تصير
بعد محتاج شي
ليش وين رايحه انظف بالغرفة
هاا
أنت تقرأ
ميقات
General Fictionعليك العباس وصيتي من اموت تدورولي مگبرة بس نسوان ودفنوني بيها وبنصهن حتى بليل يوميه اسير يم وحدة افيش انت صاحبي واخيي اعتبرها. وصية اخوك. الاخيرة كبل ما اموت ***************** وصية ميت شماتحجي اكلك صار 💔
