لبوة ثائر

Part 13

رواية لبوة ثائر
للكاتبةM. A. M
البارت 13

يگول الها :
لا تخسريني صعب تلكين هيج
واحد يحبج مثل حبه لهله
يشهد الله من الهوا يمعوده اغار
طبعي لو حبيت احب بمرجله

༺༽لبوه༼༻

الشيخ عذاب ـ و كلنا نسوي العيد عيدين و اجينه نطلب ايد بنتك لبوه لابني ثائر

حسيت جسمي كله رجف و كلبي يدك قوي مادري شنو اوصف شعوري من سمعت هل حجي اديه يرجفنا سمعت صوت امي ورايه

بهمس ـ لبوه اش تسوين
ـ ها ماما مجاي اكدر ادك الباب

اجت دكتها هيه بمكاني طلع بابا انطيته و مشيت بسرعه رجعت للمطبخ احس كلبي راح ينفجر يمه احسن شيء اسوي اشرد لغرفتي لا خل اروح اسمع بابا شنو يرد عليهم حتى يرتاح كلبي و مابقى افكر
رحت اقتربت من يم الباب

الشيخ عذاب ـ يعني شنو رايك
ـ انطيني وكت افكر و اخذ رأيها بالموضوع اشوف هيه شنو تكول و اني جنت اريد اخذهم للعيد زياره لبغداد..... انطيني هاي فتره افكر و اردلك خبر...

من سمعت بابا هيج كال رحت صعدت لغرفتي بعد منزلت فشله افتر كدام بابا حتى اذا سالني ماراح اعرف اجواب لانو اني عن نفسي مجايه اعرف شنو يالي اريدها شعور مختلط بين الفرح و الخوف ولحزن مجايه اعرف شيء

༺༽ثائر༼༻

بليل حضرت اغراضي و ودعت اهلي مثل كل مرة و طلعت الطريق كلها افكر بيها و بحجيها ورا هاي اللبوه القوية اكو لبوه ثانيه هادئة كل هدوء عيونها عصبيتها حجيها و هدوها كلشي بيها حبيتها بين ليله و يوم شفت نفسي ميت بحبها من وصلت لكربلاء نزلت هناك ارتاح رحت زرت الامامين الحسين و العباس (عليهم السلام) و دعيت هناك من كل گلب صافي انو تكون هيه من نصيبي دخلت كلبي و تربعة بي و الشيخ معلمني من صغري الشغله يالي اريدها لازم و شلون مجان احصل عليها بعد زياره كملت طريقي للموصل
الايام مشت بدون منحس وكفنا القتال بفترة رمضان بقينا بس انطلع العوائل يالي نكدر عليهم من الموصل لانو بعد رمضان راح نكمل بعمليات تحرير هوايه عوائل كدرت تطلع و تخلص نفسها و توزعوا على محافظات بنفس الوقت اكو منهم مكدروا يطلعون و بقوا ببيوتهم طبعا الاتصالات ماكو لانو كطعوا الشبكات كلها بـ الموصل و اذا اكو فيكون ضعيف كلش فقل تواصلي ويا اهلي و نسيت سالفة الخطبه بعد مافتحتها كلت من ارجع بلكتي اكدر اقنع الشيخ و ابويه اول يوم من العيد جاي انوصل عوائل للحدود حتى من هناك يطلعون لبغداد او غير محافظه خابرلي احمد جانت الشبكه زينه شويه

ـ الو ها احمد شلونك
ـ هلا اخويه زين اهم شيء انته اشلونك
ـ زين زين الحمدلله الشيخ و ابويه و الاهل اشلونهم
ـ كلهم زينين يسلمون عليك هه
ـ ان شاءالله خير على شنو تضحك ضحكني وياك
ـ لا عيني اريد هدية بالاول
ـ جاهل و تريد هدية استاذ جامعي و كذا.. شكو صاير شيء بس لا راح تزوج بغيابي لك
ـ لا مو انه اكو غيري
ـ بله ليش متحجي مثل اوادم ترا عندي شغل ولازم اروح شكو
ـ اليوم الشيخ طلب ايد بنت عمو علي الك
بصدمه ـ احمد اذا تجذب ثق و عتقد اجي اكتلك
ـ لا والله هاي مصار نص ساعه من طلعنا من يمهم كلت ابشرك قبلهم
ـ هههه الله يبشرك بالخير بس كلي وافقوا لولا
ـ ابوها كال انطوني فترة اشوف رائي البنيه و اردلكم خبر اهم شيء عمك يحبك و حمد بخلاقك هههههه
ـ يله جا طير انته اروح اكمل شغلي انه
ـ اي ليش لا هسه اطير ههه