رواية لبوة ثائر
للكاتبة M. A. M
البارت 14
قــَال لهَا :
أخبري أهلكِ نحنُ إن أحببنا تزوّجْنا .. إن لـم يكُن بالرّضا فنحنُ أهـل السّلاح ❤!
༺༽لبوه༼༻
بليل تعبت من الكعده بالغرفة نزلت اشوف اهلي شنو يسون سمعت صوتهم يجي من الاستقبال وكفت يم الباب من سمعت بيبي تكول
ـ يعني شلون هسه يا علي لو ترفض لو تقبل ماكو غيرها و اذكر يالي نعرفه احسن من يالي مانعرفه
علي ـ يمه ادري ثائر زلمه و ينشد بي الظهر بس يمه والله لبوه غاليه غاليه كلش هاي شمعة بيتي مجاي اتقبل فكرت طلعتها من يمنه
ـ بس يا يمه كل ابنيه تاليتها لبيت رجلها و انت مقصرت ويا لبوه ماشاءلله سويتها بيدك صيدلانيه و نازك تعبت عليها هوايه
نازك ـ عمه بس هاي يالي انتظرتها ٨ سنوات و الله صعبه هيه جايه تملي علينا البيت
ـ عزاا لعد انتي و رجلج تريدون توكفون بقسمة البنيه والله شنو ماعدكم غيرها يمه ترا ياما ناس ماعدهم واحد يمه لا ترا العين يالي تخاف عليها تجيلها مصايب من وين متريد اليوم توكف بقسمتها باجر يجيك واحد ثاني متعرفه و تنطي الها ترا بعدين ميفيد عض الاصابع و بالاخير هي بنتك اني معليه و انتم حرين
مدري شلون اجتلي شجاعه و دخلت كعدت يم بابا و لزمت ايده
ـ بابا اذا شغله انت مراضي عليها لا تقبل بيها والله اني لا مفكر بهذا موضوع و لا جاي ابالي بابا لا تعب روحك و تفكر انوب يصيرلك شيء اني بشنو يفيدني هل سالفه كلها
ـ باباتي منو كلج اني مراضي اني راضي بس خايف عليج انتي روحي من الدنيا
نازك ـ حبيبتي احنه خايفين عليج يمه انتي تربيتي على غالي
ـ ادري ماما واني ماريد الزواج شغله انتم مامرتاحين عليها اني هم ماريدها خلص لا تضيقون نفسكم
بابا لزم راسي و باسني ـ دومج عرفت راس الي بحياتي مازعلت انو صار عندي ابنيه بدل الولد و دوم مفتخر بيج كدام الكل انتي لبوتي لبوة ابوها
ـ ان شاءالله دوم راسكم مرفوع واني اشكد ما اسوي مارح اجازي نص يالي سويته انت و ماما و بيبي علمودي لهذا يا بابا ارتاح ماكو داعي هلكد اتعب روحك
بسته بخده حضني و صار يمشي ايده بشعري
بيبي ـ اخ منج ام لسان
لبوه ـ بيبي هلكد مضوجتج اني و تردين تخلصين مني اني كاعده على كلبكم باحلى مكان هههه
بيبي ـ يمه شنو مسويتلي حتى اضوج منج يا بيبي بس والله على مودج اريد أمن عليج احنه مادايميلج
لبوه ـ اسم الله بيبي شنو هل حجي الله يديمك الي
نازك ـ امين
༺༽هبة الله ༼༻
خابرتلي جوليا و كالت اليوم النتائج رحت كلت لبابا علمود احمد يوصلني بس كلي امشي انه اخذج فرحت من كال هيج بسرعه ركضت غيرة ملابسي و لبسة العبايه شفت ماما واكفه يمه بابا و مبتسمه الي ضحكت كتلها
ـ ادعيلي يمه ترا كلش خايفه
ـ ان شاءالله تنجحين
أنت تقرأ
لبوة ثائر
Mystery / Thrillerفتاة تهرب من بين يد الارهاب﴿داعش﴾ لتقع بين ايدي ﴿رجال عشائر﴾ وتكون اسيره لعادات وتقاليد لا علاقة لها بها #لبوه..........
