أسف حببتى

اقتباس من الجزء الثاني

أقتباس من الجزء الثاني
وقفت أمام المرآه لترى وجها شاحبا ارهقه الحزن كما اخبرتها عمتها أغمضت عينها لدقيقة
لتترك العنان لبعض الدموع تناسب
دلفت عمتها لغرفتها وهى تتحدث.... الجميل لبس ولا لسه كده هنتاخر على العشا ياقمر
تجفف دموعها سريعا وتبتسم..... أنا هلبس اهه ياعمتو بسرعة متقلقيش مش هنتاخر ولا حاجه
حاولت أخفاء دموعها لكن ظهرت فى نبرة صوتها
اقتربت منها والتقت يداها وجلست على حافة التخت وهى أمامها..... مهما حاولتى تخبى عن الناس كلها مش هتقدرى تخبى على عمتك حاجه
صوتك وجعك حزنك كل ده انا شيفاه قدامى يا سيلا ياحببتى لازم تتخطى بقى المرحلة وتعيشى حياتك او ترجعى مصر وتديله فرصة تانية وتسامحيه وترجعوا تانى تكملوا مع بعض
هزت رأسها بعنف..... لا لا مش هرجعله تانى لا يمكن هقدر اثق فيه تاتى لا يمكن يا عمتو عمرو كسرنى وكسر كل حاجه حلوه كانت جوايا دنر حبنا بايده هد ثقتى في أستخالة أرجعلة تانى ابدا ابدا.
ربتت على يداها لتهدء......  أهدى طيب أهدى بنت قلبى أنا معنديش أغلى منك يا حببتى
يبقى من النهارده تقفلى الصفحة دى نهائي وتبدئي حياتك من جديد
نظرت لها بخبث ومكر.... أنا شايفه مراد معجب بيكى ولمحلى كذا مرة أديله فرصة وادى لنفسك كمان فرصة متتسرعيش خدى وقتك وفكرى على مهلك واللى أنتى عيزاه هنعمله يا حببتى
ودلوقتى قومى اغسلى وشك والبسى عشان الضيوف على وصول مينفعش يشوفكى كده
حد يعيط يوم عيد ميلاده
ضمتها بمحبه وقبلت جبينها وخرجت لتدع اسيل تفكر هل ستعطى مراد فرصة.

وقفت سبارته أمام الفيلا الخاصة بها ترجل منها بكامل هيبته ووقاره
دلف لداخل حاملا باقة رائعة من الورود
يرتدى حلة سوداء ونظارة شمسى أبرزت وزادت من جاذبيته لتخطف أنظار جميع الفتيات حوله
ويتاهمس الجميع عنه وقف أمام جميله
بابتسامه واضحه نزع نظارته...... صباح الخير مدام جميلة كل سنه واسيل طيبه وبخير
ابتسمت بمجاملة له..... وانت طيب يا باشا مهندس مراد شرفتنا ونورت الحفلة ميرسى جدا على حضورك
مد يده بباقه الورود وعلبه قطيفة بها قطعه من المجوهرات...... امال فين اسيل عشان أسلم عليها أنا مش شايفها خالص.
اخذت منه الرورد...... نازلة حالا هطلع أستعجلها وانزل على طول عن أذن حضرتك.
توجهت لغرفة اسيل دقت على الباب ودخلت كانت اسيل أنتهت من ارتداء ملابسها ووضعت بعض من مساحيق التجميل الخفيفة التى اظهرت جمالها..... بسم الله ماشاء الله زى القمر ياحببتى ربنا يسعدك ويفرح قلبك خدى الورد جابه مراد
وبيسأل عليكى تحت أتمنى تكونى أخدتى قرار.
أخذت نفسا عميقا وبلعت غصه مريرة بحلقها.....
أخدت قرار يا عمتو خلاص واتمنى يكون صح المرة دى مش عاوزة اتجرح تانى ولا اتكسر تانى ابدا.
نظرت لها بحزن.....  بعد الشر عليكي من الكسرة والحزن ان شاء لله اللى جاى كله خير وسعادة ياحببتى ياله بقى عشان منتاخرش عن الناس وبعدين باباكى ومامتك على وصول.
أبتسمت اسيل لسماعها خبر وصول والدها.
.........................................................