لبوة ثائر

Part 15

رواية لبوة ثائر
للكاتبة M. A. M
البارت 15

اريد امشي على طولي وياك
😌 واغور بيك الولايه😌
وآفكس عين كلمن كال🤭
ابد متصيرلك هايه💜💜

༺༽لبوه༼༻

الصبح كعدت البنات جانوا بعدهم نايمين سديت باب الغرفة و نزلت اشوف اهلي جانوا كاعدين بالحديقة

علي ـ هلا لبوتي تعالي هنا يمي

رحت يمه كعدت بينه و بين بيبي

ام علي ـ شلونها عروستنا اليوم
ببتسامه ـ زينه بيبي
ـ ان شاءالله ايامج كلها فرح ياروح بيبيتج
ـ اكوم اني ابدل و اروح لدوام بالاخير راح يطردوني من ورا اجازاتي
علي ـ اي كومي حتى اوصلج بطريقي
لبوه ـ تمام بابا

رحت غلست وجهي و فرشية اسناني و بدلت و اني الف الشال دك موبايلي شفتها هبة الله

ـ صباح الخير هباوي
ـ صباح النور لبوه
ـ اشعجب كاعده من وكت اليوم السبت انتي معندج دوام شنو مكعدج
ـ رجلج مكعدني
ـ منو
ـ لج عمو ثائر.... مو البارحه كايلج على القعد مالت المحكمه هسه اذكر انو اليوم ماكو و كلي اخابرج
ـ اي صدك....
ـ اي يبقى على باجر ترحون..... انتي رحتي لدوام
ـ اي هسه طالعه
ـ ها جا روحي ماريد اشغلج
ـ يلا يا كلبي باي

خليت الموبايل بالجنطه و رحت وصلني بابا للمستشفى وصلني و راح كال عندي شغله محتاجها بالعياده اروح اشتريها
اول مدخلت على صيدليه لزمتني ساره تبوس و تبارك لي

ـ والله كلش فرحتلج...... بس زعلانه من عندج هيج متعزميني
ـ والله نسيت ليش اني فهمت شيء و شوفة عينج اسبوع كامل ماخذه اجازه غير تسالين تكولين وين راحت هاي خل اخابرها
ـ اي عرفت راح تنخطبين كلت اكيد مشغوله ماحبيت اشغلج اكثر....... المهم هسه الف الف مبروك زين منو العريس سعيد الحظ منو
ـ ههه تعرفي
ـ اعرفه من وين لج احجي منو
ـ يالي اجا هذاك يوم و طلب يحجي وياي
ـ هذاك يمه.... يعني من حجه وياج طلب ايدج لو شلون فهميني
ـ لا ولج اهل اجو طلبوا ايدي احنه بنفس منطقه و جده شيخ العشيره
ـ يعني ابن شيوخ بله هذا الحلو ماعنده اخ ابن عم
ـ ههههه امشي من كدامي
ـ ههههه اي امشي ليش لا

༺༽ثائر༼༻

كعدت الصبح اذكرت اليوم سبت منكدر نسوي العقد رحت كلت لهبة الله تخابرها و تكللها و انه غيرت ملابسي و رحت لديوان يم الشيخ و احنه كاعدين اجا فلاح يالي يشتغل بگاع عمي منذر و شكله مايطمن خلينا يكعد و يرتاح و دزينه ورا عمي منذر يجي يشوفه هم

الشيخ عذاب ـ ابو محمد احجي شنو صاير هذا منذر هم اجا
منذر ـ ها بويه كالوا طالبيني
ضاري ـ ابو محمد جاي و مندري شبي احجي ياخويه
ابو محمد ـ والله ياشيخ مصيبه و وكعت براسي
الشيخ عذاب ـ احجي شنو يالي صار
ـ البارحه بليل جنت محتاج اشكم شغله من المدينه نزلت اشتريهم بطريق و انه راجع طلع كدامي شاب و دعمته والله هو طلع كدامي فجأة
ثائر ـ وينه هو هسه
ـ اخذت لمستشفى و هناك عرفوا و خابروا اهله هو لحد هسه بالغيبوبه اخوته من عرفوا انه يالي داعمه هجموا عليه و الصبح هجموا على البيت بالطلق مادري شلون طلعت من البيت و اجيت اخبركم
الشيخ عذاب ـ اي مستشفى هما هسه
ـ بمستشفى.......
ثائر ـ هسه اروح انه و اشوف الوضع
ضاري ـ اي وليدي و شوف اهل الولد و اذا تكدر جيبهم لديوان هنا نتفاهم