ارواح عاريه من الرحمه

البارت2

الكاتبه(شيخه ال تميم)

انته وين
بيا حزن مدفون كلبك
وين ناسك

يابخور
بيا خرابه
بيا فطر شيبت راسك

خاف ماتلكه اليشمك
خاف ماتلكه اليحبك
خاف باجر ترجع وتجوتك جرحك

..كريم حاشوش

رانيا:بعد تعب وخوف الطريق والناس كله خاله ايدها على كلبها من الخوف وصلنه و وبدت الناس تنزل و تتفرق كلمن يروح الطريقه
بدت حيرتي و بدت حياتي الجديده من هنا
حاولت اتقوى و اخذ تكسي حتى اروح لبيت ابو سلام (صديق بابا)
شفت رجال كبير واكف يم التكسي رحت واجرته وبعده جبت اخوي والحمدلله الناس ساعدتني عليه
صعدنه التكسي ونطيته العنوان بده يمشي بينه وانه راااح بالي بعيد رجعت لايامنه من نجي انه واهلي ونمشي بشوارع بغداد وبابا مجان يبخل علينه بأي شي
اوووف اوووف الله يرحمكم يا روحي
.
.
وصلنه للمنطقه وبديت ادل الرجال على البيت
وكف يم الباب وانه نزلت ودموعي نزلت
دكيت الباب وخفت اذا ماموجودين انه وين اروح
شوي ونفتح الباب طلعت زوجته
ام سلام: يمه رانيا  هاي شصاير بحالج
رانيا: سكتت وبس دموعي تنزل
ان سلام :تعاي يمه تفضلي تفضلي
رانيا:نزلت اخوي من التكسي من شافته كبل شهكت وركضت تساعدني وانه من الدموع لبعيني ماضليت اشوف طريقي وكأن هسه بده حزني على اهلي

كعدنه وقدمت ماي وحاولت تفهم شنو صاير
جان البيت فارغ لان دنيا صبح وكلها بالدوام
بعدها ظليت اسولف اله على الصار و شلون ماتوا اهلي
وانه منهاره وعيوني ماوكفت من الدموع وهيه تبجي وياي وتحاول تواسيني بس انه منتهيه وماكو اي كلمه تشفي ألمي
دخلتني لغرفه بنته شهد ونومت يزن على الجربايه
يزن ما حجه ولا كلمه من يوم الحادثه لليوم شكد حاولت وياه بس كلولي حاليا بحاله صدمه واذا ستمر الوضع لازم اشوف اله دكتور

ابو سلام :سلام عليكم
ام سلام :وعليكم السلام هلا بيك
ابو سلام:شنو شبيج وجهج تعبان
ام سلام :ليوم جتي رانيا بنت محمد
ابو سلام :دتحجين صدك وينه وليش بس هيه جتي ليكون صاير بمحمد شي
رانيا:سمعت صوت عمي بره وشوي ودك باب الغرفه عليه فتحته وجان واضح من شكله هو عرف بموت اهلي
عمي علي(ابو سلام) جان من اقرب الاصدقاء لبابا وجان هواي يساعدون بعض و دائما يتواصلون ونزور بعض يعني مثل الاخوان

_جانت عيونه حمر و شكله نكسر من سمع الخبر
كابلته وبديت اشكيله ألمي ليشاركني بي ولو بشي بسيط وانه ابجي وهو يهدي بيه بهاي الاثناء دخلوا اولاده شهد و سلام
شهد طالبه جامعيه وسلام اكبر مني بسنه ويشتغل
_السلام عليكم
_عليكم السلام
وهم متفاجئين: رانيا شبيج ليش دتبجين شصاير وياج
ام سلام:ماما خلي رانيا دتروح ترتاح هيه تعبانه
رانيا:تركتهم ورحت يم يزن شوي ونفتح الباب دخلت شهد واجت شبكتني وظلت تبجي وانه وياها
شهد:حبيبتي رانيا البقيه بحياتج يا عمري لا تخافين احنه كولنه يمج وماراح نتركج
رانيا:الله يخليكم اليه ادري ما تقصرون
كامت بدلت ورجعت يمي كعدت تسولف وياي وتحاول تشتت افكاري ..
صار الليل وهمه ما تركوني وشكد توسلوا بيه اكل بس جانت نفسي مسدوده وجان الاكل لكبالي انقش علي واكوم
يوم ثاني كعدت من الصبح ونطيت الدوا ليزن وحاولت احجي وياه واشاقي بس مثل كل مرة هو ساكت
طلعت يم عمتي
_صباح الخير
_صباح النور يمه شلون صرتي اليوم
_الحمدلله خاله احسن شوي
_تعاي كعدي خلي اصبلج جاي وتريكي
_كعدت وياها وسولفنه شوي حاولت اساعدها بالشغل بس رفضت
رحت تمددت يم يزن واخذتني لذكريات لعالم بعيد بي ايامنا القديمه الي ماراح ترجع من دون ما احس سمعت الاذان يأذن كمت صليت و قريت قرأن وطلعت ساعدت عمتي شوي لحد ما اجوا كلهم وتغدينه

ابو سلام:تعاي بابا تعاي كعدي هنا
_سمعي يا بويه صح اهلج راحوا الله يرحمهم ومحد راح يكدر ياخذ محلهم بحياتج ولا بكلبج بس هاي هيه الدنيا دائما اختباراته قاسيه والانسان المبتلى الله يحبه ويريد يختبر صبره
بس دائما تذكري انه هنا ويمكم وما راح اترككم ابد انتو هسه امانه محمد يمي ومن اليوم ورايح انتو مثل اولادي
رانيا:الله يخليك عمي ويطول بعمرك والله لولاكم جان الله يعلم بحالنا
ابو سلام :يزن شنو يحتاج دوا تجين تكليلي وانه بعد راح اشوف دكتور علمود وضعه
رانيا:مشكور عمي ما تقصر
ابو سلام:ام سلام عيني باجر اريد منج نسوي ثواب ونوزع على اهل المنطقه والعوائل الفقيره هماتين على روحهم
ام سلام:ان شاء الله
الله يرحمهم يا رب
مرت الايام ورجعت الحياه طبيعيه للكل ماعدانه انه ويزن على الرغم ان عمي اخذه للدكتور بس حاليا ماكو اي تحسن
جان عندي نيه اعرف اهل ابوي وين واعرف عنوان اي احد منهم لان يبقى هلبيت غريب عليه وجنت ما مرتاحه بسبب نظرات سلام تجاهي و تصرفاته ابد ماجنت ارتاحله واحس نظراته مو حلوة تجاهي
رانيا:عمي عادي احاجيك بموضوع
ابو سلام :تفظلي بابا
_عمي طول عمره ابوي ماجاب طاري اهله ولا يوم من الايام رحنه زرناهم كل الاعرفه هم من الجنوب
وانت صديقه المقرب اكيد تعرف شي عنهم
_ليش بابا صاير شي اكو احد مضايقج حتى تسألين عليهم
_لا عمو مو هذا قصدي بس احنه مردنه لعمامي او خوالي ومن حقهم يعرفون بأهلي ماتوا يعني شنو الصاير حتى هاي السنين كله مايوم سئلوا او حتى اهلي حجو بيهم
_ااء ابوج جان عنده خلاف وياهم بس انت تركي هذا عنج بابا
_حسيته يريد يتهرب ومايريد يوضح الي شي انه هنا تأكدت اكو شي اكبر وحاولت اعرف اي شي يخصهم
_زين همه بشنو معروفين يعني هم حقي اعرف شي بسيط عن اهلي
_همه ناس معروفه هناك بالجنوب جدج مات بحرب ايران واستلم البيت عمج وجان من النوع العدواني و يغار من ابوج كلش وابوج تعارك وياه عركه جبيره ومن يومها قرر يترك الجنوب ويترك اهله
_زين شنو هلعركه لخلت ابوي يترك كل اهله ومحد من اهله وكف وياه!؟
_مع الاسف لا محد كدر يوكف بوجه عمج جانوا يخافون منه ويهابونه وهذا كل الي صار لهذا اكلج لا دوخين روحج بسوالف راحت ويه اهلها
_حسيت اكو هواي شغلات لازم اعرفها واشياء هواي مجهوله لان ابوي من النوع الهادئ و مسالم واكيد الي صار شي جبير لدرجه ابوي ترك اهله و منطقته
_تركت عمي بعد ما بلغته قراري ان ارجع لشغلي وهو عارض بالبدايه لان رادني ارتاح بس انه جان قراري غير
بعد ما شفت مصاريفنه و غير دوا يزن و احتياجاته و الدكتور
_مرت الايام و بديت اداوم بمستوصف وقريب البيت وتكفل بتوصيلي الصبح سلام ...
.
.
سلام :انه الابن الاكبر لابوي من مواليد ١٩٩٠ اعزب لان جنت من النوع احب اكون صداقات  بس ما اواعد اي بنيه بزواج و هاي السوالف يعني انه وهي تعرف ان هاي العلاقات عابره
من اجتي رانيا للبيت جنت اتوقع هي مثل كل البنات لبحياتي يعني بنظرة او كلمه حلوة توكع مثل غيرها
بس طلعت لاا هي اصعب من ما تصورت بهواي
انه صح جنت معجب بيهه من زمان بس طبعا مثل غيرها اعجاب عادي ويروح ..
تكفلت اوصلها للشغل كل يوم ومنه اوكعها
لان جذبتني بثقله ورزانتهه ..
وبيوم منهن وانه انتظر بالسياره اجتي هي وصعت مثل عادته ورى
_ها ست رانيا ماتبطلين هاي السالفه
_وانت ماتبطل كل يوم نفس الحجي كتلك ما احب اكعد كدام
_وانه مو سايق عندج
_هف مو هيج اقصد بس ما احب
_انه اعلمج واخليج تحبينه بس صبريلي (بهمس)
رانيا:مشت السياره بس انتبهت مو نفسه الطرق واصلا بتعد عن المنطقه
_انت وين رايح ترى من منا الطريق
..
.
.

حبايبي صوتوا ع القصه حتى استمر بيهه

_sh.i3
هذا حسابي بالانستغرام تابعوا