حب المصلحه والانتقام

حب المصلحه والانتقام
البارت الاول
ﺃﻧﺎﺍﻣﺮﺃﺓ ﻻ ﺃﻧﺤﻨﻰ ﺇﻻ ﻓﻰ ﺻﻼﺗﻰ ... ﻭ ﻻ ﺃﺻﻤﺖ ﺇﻻ ﻋﻨﺪﻣﺎ ﻳﻨﻌﺪﻡ ﻛﻼﻣﻲ ... ﻭ ﻟﻜﻦ ﺇﺣﺬﺭ ﻋﻨﺪﻣﺎ ﺍﺑﺪﺃ ﻓﻲ ﺇﻧﻔﻌﻼﺗﻰ ﻓﻼ ﻳﻬﻤﻨﻲ ﺷﻲﺀ ﺳﻮﺍ ﺃﻥ ﺃﻧﻬﻲ ﻣﺄﺳﺎﺗﻲ ,,
ﻛﺒﺮﻳﺎﺋﻲ ﻫﻮ ﺳﺮ ﺣــــــﺒﻲ .. ﻫﻮ ﺍﻟﻄﺮﻳﻖ ﺍﻟﻰ ﻗــــــﻠﺒﻲ .. ﻫﻮ ﻟﻴﺲ ﻛﺘـــــﺎﺑﺎً ﻣﻐﻠﻘﺎً ﻭﻻ ﺑﺤــــــﺮﺍً ﻋﻤﻴﻘﺎً ﻛﻤﺎ ﺗﻘﻮﻝ ﺍﻷﺳﺎﻃﻴﺮ .. ﺑﻞ ﻫﻮ ﻛﺘﺎﺏ ﻣﻔﺘـــــــــﻮﺡ ﻳﺤﺐ ﻣﻦ ﻳﻘﺮﺃﻩ .. ﻭﻟﻜﻦ ﻻ ﻳﻔــــــﻬﻢ ﻟﻐﺘﻪ ﺍﻻ ﻣﻦ ﺗﻌﻠﻤﻬﺎ
ﻋﻠﻤﺘﻨﻲ ﺍﻟﺤﻴﺎﺓ ﺍﻥ ﺍﺷﻜﺮ ﺍﻟﺬﻳﻦ " ﺳﻘﻄﻮﺍ ﻣﻦ ﻧﻈﺮﻱ .." ﻻﻧﻬﻢ ﺍﺗﺎﺣﻮ ﻟﻲ ﺍﻟﻔﺮﺻﺔ ﻻﺭﻯ ﺍﻧﺎﺱ ﻏﻴﺮﻫﻢ
ﺃﺣﻴﺎﻧﺎ ﺃﺟﺒﺮ ﻧﻔﺴﻲ ﻋﻠﻰ ﺗﺼﻐﻴﺮ ﻋﻘﻠﻲ ﻭﺗﻈﺎﻫﺮﻱ ﺑﺎﻟﻐﺒﺎﺀ . ﻟﻴﺲ ﻟﻀﻌﻒ ﺷﺨﺼﻴﺘﻲ ﻭﺇﻧﻤﺎ ﺭﺃﻓﻪ ﺑﻤﻦ ﻫﻢ ﺩﻭﻥ ﻣﺴﺘﻮﺍﻱ
ﺍﻟﻤﺮٲﻩ ﻟﻴﺲ ﺍﺩﺍﺓ ﻟﻠﺼﺒﺮ .. ﻟﻤﺎﺫﺍ ﻛﻞ ﺍﻣﺮٲﻩ ﻻ ﺗﺘﺤﻤﻞ ﺍﻟﻈﻠﻢ .. ﺗﺬﻡ .. ﺍﻥ ﺗﺮﻣﻠﺖ ﻗﺎﻟﻮ ﺣﻈﻬﺎ ﻋﺎﺛﺮ ﻗﺪ ﺍﻣﺎﺗﺖ ﺯﻭﺟﻬﺎ
ﻭﺍﻥ ﺗﻄﻠﻘﺖ ﻗﺎﻟﻮ ﺍﻟﻠﻪ ﺍﻋﻠﻢ ﻟﻤﺎﺫﺍ ﻃﻠﻘﻬﺎ .. ﻻ ﻳﻘﻮﻟﻮﻥ ﻣﺎﺫﺍ ﻓﻌﻞ ﻟﻬﺎ .. ﻳﺘﻬﻤﻮﻫﺎ ﻭﺣﺪﻫﺎ ﻭﻳﺤﻤﻠﻮﻫﺎ ﻫﻢً ﻓﻮﻕ ﻫﻤﻬﺎ
ﻓﻼ ﻳﺼﺪﻗﻮﻥ ﺍﺣﻴﺎﻧﺎ ﺍﻥ ﺍﻟﻤﺮٲﻩ ﻳﻜﻮﻥ ﺍﻟﻄﻼﻕ ﺑﺎﻟﻨﺴﺒﺔ ﻟﻬﺎ ﺑﺎﺏ ﺍﻟﺤﺮﻳﺔ ﻣﻦ ﺿﻠﻢ ﺍﺩﻡ
ﻳﺎ ﺍﺩﻡ ﺭﻓﻘﺎ ﺑﺎﻟﻘﻮﺍﺭﻳﺮ ﻓﻘﺪ ﻗﺎﻟﻮ ﺍﺳﺘﻮﺻﻮﺍ ﺑﺎﻟﻨﺴﺎﺀ ﺧﻴﺮﺍ .. ﻓﻠﻮﻻﻫﺎ ﻟﻢ ﺗﻜﻦ ﺍﻧﺖ .. ﺗﻬﻴﻦ ﻣﻦ ﺗﺤﻤﻠﺘﻚ ﻭﻗﺪ ﻛﻨﺖ ﺻﻐﻴﺮ ﺣﺘﻰ ﺑﻠﻐﺖ ﺍﺷﺪﻙ ﻗﻠﺖ ﺍﻟﻤﺮٲﺓ ﻻ ﺭٲﻱ ﻟﻬﺎ
ﺍﻳﻦ ﻛﻼﻣﻚ ﻫﺬﺍ ﻋﻨﺪﻣﺎ ﻛﺎﻧﺖ ﻫﻴﻪ ﺻﺎﺣﺒﺔ ﺍﻟﺮٲﻱ ﻓﻴﻚ .. ﺗﺨﻴﻞ ﻓﻘﻂ ﻟﻮ ﺍﻧﺠﺒﻮﻙ ﻟﻠﺤﻴﺎﺓ ﺑﺪﻭﻥ ‏( ﺍﻡ ‏) ﻛﻴﻒ ﺳﻴﻜﻮﻥ ﺣﺎﻟﻚ .. ‏
🍁🍂🍃
ﺑﻐﺪﺍﺩ _ ﺍﻟﺸﻌﺐ _ ﺳﻮﻕ ﺷﻼﻝ ‏( ﺍﻟﺴﺎﻋﻪ 5 ﻋﺼﺮﺍ ‏)
ﺑﺮﺍﺀ .. ﺍﻟﺪﻧﻴﺎ ﻋﺼﺮ ﻭﻣﻮﺕ ﺣﺮ ﻭﺳﻮﻙ ﻭﻫﻮﺳﻪ ﻭﺻﻮﻡ ﺍﻟﻴﻮﻡ 27 ﺭﻣﻀﺎﻥ ﻭﺟﺎﻳﻴﻦ ﻟﻠﺴﻮﻙ ﺍﻧﻲ ﻭﺧﺎﻟﺘﻲ ﻭﺑﻨﺖ ﺧﺎﻟﺘﻲ ﻧﺸﺘﺮﻱ ﻣﻼﺑﺲ ﺍﻟﻌﻴﺪ
ﻧﻤﺸﻲ ﻭﻧﺎﺱ ﻣﺎﺷﻴﻪ ﺑٲﺗﺠﺎﻫﻨﺎ ﻭﻧﺎﺱ ﺟﺎﻳﻪ ﻋﻜﺲ ﻭﺍﺯﺩﺣﺎﻡ .. ﻭﺍﻧﻲ ﻛﻞ ﺷﻮﻱ ﺍﺩﺧﻞ ﻣﺤﻞ ﺍﺑﺎﻭﻉ ﺍﻟﻤﺮﺍﻳﺎ ﺧﺎﻑ ﺣﺠﺎﺑﻲ ﺗﺨﺮﺑﻂ
ﻳﺎ ﺗﺨﺮﺑﻂ ﻭﺍﻟﻠﻪ ﺣﺎﻟﺘﻲ ﺍﻟﻠﻲ ﺗﺨﺮﺑﻄﺖ ﻳﺎﻣﻦ ﻳﺠﻴﺐ ﺍﻟﻔﻄﻮﺭ ﺑﺲ ﺍﻭﻭﻑ ﺑﻌﺪ ﺳﺎﻋﺘﻴﻦ ﻭﻧﺺ ﺷﻴﺨﻠﺼﻬﻦ .. ﻣﺘﺖ ﻋﻄﺶ ﻭﺍﻟﺠﻮ ﺟﺎﻑ
ﺩﺧﻠﻨﺎ ﻣﺤﻼﺕ ﺍﻟﻌﺸﻖ ﺍﺍﺍﺍﻗﺼﺪ ﺍﻟﻤﻜﻴﺎﺝ ﻃﺒﻌﺎ ﺍﻟﻤﻜﻴﺎﺝ ﻋﺸﻘﻲ ﻭﺩﻭﻡ ﺍﻧﻲ ﻭﻣﺎﻣﺎ ﻋﺮﻙ ﻣﻦ ﻭﺭﺍﻩ ﺑﺲ ﺍﻧﻲ ﺍﺣﺒﻪ ..
ﺣﻀﺮﺕ ﺍﻟﻮﺍﻟﺪﻩ ﺗﻤﺸﻲ ﺩﻗﻪ ﻗﺪﻳﻤﻪ ﻋﺪﻫﺎ ﺍﻟﺒﻨﻴﻪ ﺑﺲ ﻟﺰﻭﺟﻬﺎ ﺗﺘﻤﻜﻴﺞ ﻭﺗﺘﻌﺪﻝ .. ﻳﻤﻪ ﻓﺪﻭﻩ ﺍﻟﻮﺟﻬﺞ ﺍﺫﺍ ﻣﺎ ﻟﺒﺨﻨﺎ ﻭﻋﺪﻟﻨﻪ ﻳﺎ ﻣﺼﺨﻢ ﺭﺍﺡ ﻳﻘﺒﻞ ﺑﻴﻨﻪ
ﺣﺘﻜﻮﻟﻮﻥ ﺟﻜﻤﻪ ﻻ ﻳﻌﻨﻲ .. ﺑﺲ ﻳﺤﺘﺎﺟﻠﻨﻪ ﺗﻌﺪﻳﻼﺕ ﺍﻟﻠﻪ ﺍﻛﺒﺮ ﻧﺎﻧﺴﻲ ﻋﺠﺮﻡ ﺗﺨﺒﻞ ﻭﺍﻟﻌﻴﻮﻥ ﺯﺭﻙ ﻣﺎ ﺗﻄﻠﻊ ﺍﻻ ﺗﺨﻠﻲ ﻣﻜﻴﺎﺝ
ﻋﺎﺩ ﻣﻮ ﺍﻧﻲ ﺍﻟﻮﺟﻬﻲ ﻳﻄﻠﻊ ﺻﺤﺮﺍﻭﻱ ﻟﻮ ﻣﺎ ﺧﻠﻴﺖ ﺑﺎﻭﺩﺭ ﻭﻛﺮﻳﻢ ﺍﺳﺎﺱ ﺧﻮ ﺍﻟﺴﻮﺍﺩ ﺍﻟﺠﻮﻩ ﺍﻟﻌﻴﻮﻥ ﻣﻦ ﻭﺭﻩ ﺍﻟﺴﻬﺮ ﺍﻟﻠﻪ ﻭﻛﻴﻠﻜﻢ ﺩﺏ ﺑﺎﻧﺪﻩ ﺍﺣﺴﻦ ﻣﻨﻲ
ﺧﻮ ﺍﻟﺸﻌﺮ ﺍﺳﻜﺘﻮ ﺷﺒﻴﻪ ﺍﻟﻜﺮﻳﺎﺗﻴﻦ ﺗﺮﻩ ﺧﻮﺵ ﻣﻨﺘﺞ 😁 ﻫﻮﻩ ﻣﻮ ﺳﻴﻢ ﻣﻮﺍﻋﻴﻦ ﺑﺲ ﺑﻴﻪ ﺑﺮﻣﻪ ﺫﺍﺑﺤﺘﻨﻲ ﺑﻴﻪ ﻟﺬﻟﻚ ﺍﻋﺎﻟﺠﻪ ﺑﺎﻟﻜﺮﻳﺎﺗﻴﻦ🌿🌿
ﺍﻣﺎ ﺍﻟﺤﻮﺍﺟﺐ ﺑﺲ ﺗﻌﺪﻳﻼﺕ ﺧﻔﻴﻔﻪ ﻋﻠﻰ ﺛﺨﻦ ﺍﻟﺤﺎﺟﺐ ﺣﺮﺍﻡ ﻟﻮ ﺍﺧﺬﺕ ﻣﻨﻪ ﺯﺍﻳﺪ ﻳﺼﻴﺮ ﻛﺘﻠﻲ ﻋﻤﻞ ﺷﻌﺒﻲ ﻣﻦ ﻭﺭﻩ ﺍﻣﻲ ..
ﻣﺎ ﺍﻋﺮﻑ ﺑﻴﺎ ﺯﻣﻦ ﻋﺎﻳﺸﻪ .. ﺑﻨﻔﺴﻲ ﺍﺳﻮﻱ ﺗﺎﺗﻮ ﺑﺲ ﻭﺍﻟﻠﻪ ﺍﻧﺸﺤﺘﺖ ﺑﺮﻩ ﺍﻟﺒﻴﺖ ﺍﻭﻭﻭﻑ ﺷﻮﻛﺖ ﺍﻋﺮﺱ ﻭﺍﺳﻮﻱ ﺗﺎﺗﻮ ..
ﻫﺴﻪ ﻏﻴﺮ ﺍﻟﻜﻪ ﺍﻟﻤﺼﺨﻢ ﺭﺟﻠﻲ ﻭﻧﺘﺰﻭﺝ ﺍﻱ ﺩﺗﻌﺎﻝ ﺍﻃﻠﻊ ﺑﻮﺟﻬﻲ ﻋﺎﺩ ﻣﺎ ﻣﻠﻴﺖ ﺩﻳﺎﺣﻪ ﻭﻳﻪ ﺍﻟﺤﺎﺗﺎﺕ ﻛﺎﻓﻲ ﺍﻱ ﻣﻠﻄﻠﻂ …
ﻫﻮﻩ ﻣﻨﻮ .. ﺭﺟﻠﻲ ﺍﻟﻤﺴﺘﻘﺒﻠﻲ ﻣﻌﻠﻴﻜﻢ ﻳﻮﻣﻴﻪ ﻭﺍﻛﻌﺘﻠﻪ ﻃﻦ ﺭﺯﺍﻳﻞ ﻻﻥ ﻫﻮﺍﻳﻪ ﺍﺗٲﺧﺮ ﺷﻨﻮ ﺻﺎﺭ ﻋﻤﺮﻱ 19 ﺳﻨﻪ ..
ﺍﻱ 19 ﺷﻜﻮ ﺗﺒﺎﻭﻋﻮﻟﻲ ﻫﻴﺞ 😨 ﺍﺭﻳﺪ ﺍﺗﺰﻭﺝ ﺧﻼﺹ ﻛﺒﺮﺕ ﻭﺗﻌﺪﻳﺖ ﺍﻝ 18 ﺟﻨﺖ ﺍﺗﺎﻧﻲ ﺷﻮﻛﺖ ﻳﺼﻴﺮ ﻋﻤﺮﻱ 18 ﻭﺍﻧﺘﺨﺐ
ﺷﻮ ﻣﺮﺕ ﺳﻨﺘﻴﻦ ﻭﻣﺎﻛﻮ ﺍﻧﺘﺨﺎﺑﺎﺕ ﺷﻨﻮ ﺍﻧﻘﺮﺿﺖ ﻋﻠﻰ ﺣﻈﻲ .. ﺍﺭﻳﺪ ﺍﺣﺲ ﺍﻟﺸﻌﻮﺭ ﻣﻦ ﺍﻭﻗﻊ ﻭﺍﺩﺧﻞ ﺍﺻﺒﻌﻲ ﺑﺎﻟﺤﺒﺮ ﻭﺍﺭﻓﻊ ﻋﻼﻣﺔ ﺍﻻﻧﺘﺼﺎﺭ ✌
ﻳﺎ ﺍﻧﺘﺼﺎﺭ ﻫﻮﻩ ﺍﻻﻧﺘﺼﺎﺭ ﺑﺲ ﺷﺎﻑ ﻭﺟﻬﻲ ﺷﺮﺩ ﺣﺘﻪ ﺩﺍﻋﺶ ﻟﻔﺘﻨﻪ ﺑﺲ ﺻﺎﺭ ﻋﻤﺮﻱ 18 ﺧﺮﺭﺭﺏ ﺷﻬﻠﺤﻆ ﻫﺬﺍ ﺍﻫﻤﺪﺍﻙ ﺩﻋﻮﺷﻲ
ﺻﺪﻭﻙ ﻋﻠﻪ ﻓﻜﺮﻩ ﺑﻨﻔﺴﻲ ﺍﺭﻭﺡ ﺍﺷﺘﻐﻞ ﺑﺎﻟﺠﻴﺶ ﻋﻠﻤﻮﺩ ﺍﺧﺬﻟﻲ ﺩﺍﻋﺸﻲ ﺍﻭﺭﺑﻲ ﺍﺳﻴﺮ 😎 ﺍﻻ ﺍﺷﺒﻌﻪ ﻃﻦ ﻛﺘﻞ 😍
ﺷﺒﻴﻜﻢ ﺗﺒﺎﻭﻋﻠﻲ ﺍﻋﺮﻑ ﺍﻋﺮﻑ ﻣﺨﺒﻠﻪ ﻭﻫﺎﻱ ﺍﻓﻜﺎﺭﻱ ﻋﻠﻰ ﻳﻮﻡ ﺷﺎﻣﺮﺗﻨﻲ ﺑﻬﺒﻴﻪ .. ﻫﻴﻪ ﺷﻨﻮ ﺍﻟﻬﺒﻴﻪ 😕 ﺷﻌﻠﻴﻜﻢ ﺍﻟﻤﻬﻢ ﺍﻟﻔﻜﺮﻩ
ﺍﻭﻭﻭﻭﻑ ﺑﺎﻉ ﻋﺼﻴﺮ ﺍﻟﻌﻨﺐ ﺧﺮﺭﺭﺭﺏ ﺑﻬﺒﻞ ﻳﻌﻨﻲ ﻣﻴﻜﻮﻟﻮﻥ ﺭﻣﻀﺎﻡ ﺣﺮﺍﻡ ﻋﺰﺍ ﺻﺨﺎﻡ ﻣﺘﺖ ﻳﺮﺑﻲ ﺷﻮﻛﺖ ﻳﻜﻮﻝ ﺍﻟﻠﻪ ﺍﻛﺒﺮ
ﺍﺭﻭﺡ ﺍﻫﻜﺮ ﺍﻟﺠﺎﻣﻊ ﻭﺍﺫﻥ .. ﺍﻭﻭﻭﻑ ﺍﺭﺟﻊ ﺍﺑﺎﻭﻉ ﺑﺎﻟﻤﻼﺑﺲ ﻭﺍﺧﺘﺎﺭ ﻫﺪﻭﻡ ﺍﻟﻌﻴﺪ ﺍﺷﺮﻓﻠﻲ .. ﻃﺒﻌﺎ ﺷﻔﺖ ﺷﻲ ﻣﺘﺖ ﻋﻠﻴﻪ
ﺍﻟﻮﺻﻠﻪ ﺍﻡ ﺍﻟﺪﻧﺎﻧﻴﺮ ﺍﻟﻠﻲ ﻳﻨﺮﻛﺺ ﺑﻴﻬﺎ ﺍﻋﺸﻘﻬﺎ ﺍﺷﻐﻞ ﺍﻏﻨﻴﻪ ﻭﺍﻛﻮﻡ ﺍﺩﻙ ﻭﺭﻗﺺ ﻭﻗﺖ ﺍﻟﻀﻮﺟﻪ .. ﺍﻱ ﺷﻨﺴﻮﻱ ﻭﻳﻦ ﻧﺮﻭﺡ
ﺭﺩﺕ ﺍﺧﺬﻫﺎ ﺑﻘﺖ ﺧﺎﻟﺘﻲ ﺍﺩﺭﺩﻡ ﺑﺲ ﻫﺎﻱ ﺍﻟﻔﺎﻟﺤﺎﺕ ﺑﻴﻬﺎ ﺍﺩﺭﻱ ﺷﺘﺮﺩﻳﻦ ﻧﺴﻮﻱ ﻧﺼﻴﺮ ﻣﻨﺎﻝ ﺍﻟﻌﺎﻟﻢ ﻋﻠﻤﻮﺩ ﻧﺼﻴﺮ ﻓﻴﻞ ﻟﻮ ﻧﺸﺘﻐﻞ ﺑﻨﻜﻼﺩﻳﺸﻴﺎﺕ ﻋﻠﻤﻮﺩ ﻧﻌﺠﺐ ﺳﺖ ﺍﻟﻮﺍﻟﺪﻩ ﻭﺳﺖ ﺍﻟﺨﺎﻟﻪ ﺍﻭﻭﻑ ﺍﻻﻣﻬﺎﺕ ﻣﺎﻝ ﺣﺮﻙ ﺷﻜﺪ ﻳﺤﺠﻦ ﻣﺎﻛﻮ ﺷﻲ ﻣﺎ ﻳﻌﻠﻖ ﻋﻠﻴﻪ
ﻫﺴﻪ ﺑﻜﻮﻟﻦ ﻟﻴﺶ ﺗﺘﺠﺎﻭﺯﻳﻦ ﻋﻠﻰ ﺍﻣﺞ ﻻ ﺑﺎﺑﺎ ﻫﺎﻱ ﺗﺘﺴﻤﻪ ﻣﻴﺎﻧﻪ ﺯﻓﺮﻩ ﺍﻻ ﺍﻟﻮﺍﻟﺪﻩ ﺭﻏﻢ ﺍﺯﻋﺎﺟﻬﺎ ﺑﻨﺺ ﺍﻟﻜﻠﺐ ..
ﺍﻟﻠﻪ ﻫﻴﺞ ﻭﺍﻟﻜﻪ ﺍﻟﺤﺐ ﻣﺎﻟﺘﻲ ﻭﺍﺧﻠﻴﻪ ﺑﻜﻠﺒﻲ ﻭﺍﺩﻓﺮ ﺍﻣﻲ ﻣﻨﻪ .. ﺍﻱ ﻛﺎﻓﻲ ﺻﺎﺭﻟﻬﺎ 19 ﺳﻨﻪ ﻛﺎﻋﺪﻩ ﺑﻜﻠﺒﻲ ﺍﺩﺭﻱ ﻣﺴﺠﻠﻪ ﻋﻠﻴﻪ ﻃﺎﺑﻮ
ﻳﺎﺑﻪ ﺍﺭﻳﺪ ﺍﺟﺮﺭﺭﺭﺏ ﺍﻟﺤﺐ ﻳﻜﻮﻟﻮﻥ ﻳﺨﻠﻲ ﺍﻟﻮﺍﺣﺪ ﻣﺜﻞ ﺍﻟﺴﻌﻔﻪ ﻳﺮﺟﻒ .. ﻋﺸﻨﻮ ﻳﺮﺟﻒ ﻭﺍﻟﻠﻪ ﻣﺎ ﺍﺩﺭﻱ
ﺑﻌﺪ ﺟﺮ ﻭﻋﻂ ﻣﻦ ﺧﺎﻟﺘﻲ ﺭﺣﻨﺎ ﺩﺧﻠﻨﺎ ﻣﺤﻼﺕ ﺍﻟﻤﻼﺑﺲ ﻭﻧﺪﻭﺭ ﻋﻞ ﺍﻟﻠﻲ ﻳﻌﺠﺒﻨﻪ .. ﻋﺠﺒﻨﻲ ﺑﻄﺮﻭﻥ ﻟﻮﻧﻪ ﺯﻳﺘﻮﻧﻲ ﻃﻮﻭﺥ
ﺣﻴﻞ ﻋﺠﺒﻨﻲ .. ﺩﺧﻠﺖ ﻏﺮﻓﺔ ﺍﻟﻘﻴﺎﺱ .. ﺟﺮﺑﺘﻪ ﻳﻮﻭﻭﻣﻪ ﺭﺟﻠﻴﻪ ﻃﺎﻟﻌﻪ ﺗﺨﺒﻞ ﺑﻴﻪ ﺍﻭﻝ ﻣﺮﻩ ﻣﺮﻩ ﺍﺷﻮﻑ ﺭﺟﻠﻲ ﺑﻴﻀﻪ ﺍﺷﻮ ﻛﻠﺐ ﻟﻮﻧﻲ
ﺍﻟﻠﻪ ﻣﺘﺖ ﻋﻠﻴﻪ ﺍﺧﺬﻩ ﻧﺰﻋﺘﻪ ﻭﺭﺣﺖ ﻻﺑﻮ ﺍﻟﻤﺤﻞ ﻛﺘﻠﻪ ﺍﺭﻳﺪﻩ .. ﻛﺎﻝ 25 ﻛﺘﻠﻪ ﺷﺪﻋﻮﻩ 15 ﻫﺬﺍ ﺳﻌﺮﻩ
ﻛﺎﻝ ﻭﺍﻟﻠﻪ ﻣﻴﺼﺮﻑ ﻛﺘﻠﻪ ﻻ ﻣﻮﺑﻜﻴﻔﻚ ﻳﺼﺮﻑ ﻭﻣﺸﻴﺖ ﺍﺑﺎﻭﻉ ﺑﺎﻟﻘﻤﺼﺎﻥ ﺷﻔﺖ ﻗﻤﻴﺺ ﺣﻠﻮ ﻟﻮﻧﻪ ﺑﻴﺞ .. ﻛﻮﻟﺶ ﺣﻠﻮ ﺑﺎﻭﻋﺘﻪ ﻳﺮﻫﻢ ﻭﻳﻪ ﺍﻟﺒﻨﻄﺮﻭﻥ🌿🌿
ﻛﺘﻠﻪ ﺷﻜﺪ ﺳﻌﺮﻩ ﻛﺎﻝ ﻛﻠﻪ ﻛﺎﻣﻞ ﺍﺣﺴﺒﻪ ﺍﻟﺞ 60 ﻛﺘﻠﻪ ﻛﻮﻝ ﻳﺎ ﺍﻟﻠﻪ ﻳﻤﻌﻮﺩ ﻛﺎﻝ ﻭﺍﻟﻠﻪ ﻫﺬﺍ ﺳﻌﺮﻩ ﺑﻘﻴﺖ ﺍﺗﺮﺍﺩﺩ ﻭﻳﻪ ﺍﻟﻮﻟﺪ
ﻭﺩﺧﻞ ﻭﺍﺣﺪ ﻟﻠﻤﺤﻞ ﺳﻠﻢ .. ﺍﻟﻮﻟﺪ ﻛﺎﻝ ﻫﺬﺍ ﺻﺎﺣﺐ ﺍﻟﻤﺤﻞ ﺍﻻﺻﻠﻲ ﺗﻌﺎﻣﻠﻲ ﻭﻳﺎﻩ ﺍﺫﺍ ﻗﺒﻞ ﻟﻴﺶ ﻻ .. ﺍﺑﺎﻭﻉ ﻟﻠﻮﻟﺪ ﻳﻤﻪ ﻛﻠﺒﻲ
ﺷﻨﻮ ﻫﺬﺍ ﻣﻬﻨﺪ ﺑﺰﺭﻩ 😍😍 ﺍﻟﻮﻟﺪ ﺷﻌﺮﻩ ﺑﻨﻲ ﻓﺎﺗﺢ ﻭﺍﺑﻴﺾ ﺿﻌﻴﻒ ﻭﺍﻟﻌﻴﻦ ﺷﻬﻞ ﻭﺍﻧﻮﺏ ﻻﺑﺲ ﻗﻤﻴﺺ ﺍﺧﻀﺮ ﻓﺎﺗﺢ ﻭﻻﺑﺲ ﻛﻼﺩﻩ ﺳﻦ ﺍﻟﺬﻳﺐ
ﻳﻤﻪ ﻭﻋﻠﻲ ﺭﺩﺕ ﺍﺗﺨﺮﺑﻂ ﺷﻨﻮ ﻫﺎﻱ ﺷﺪﻋﻮﻩ ﻫﻠﻜﺪ ﺍﻟﻠﻪ ﻣﺨﻠﻴﻪ ﻋﻠﻴﻪ ﺷﻜﺮ .. ﺷﻨﻮ ﻣﻔﻜﺮ ﻣﻦ ﻧﺒﺎﻭﻋﻠﻪ ﻧﻨﺴﺤﻦ ﻭﻣﺎ ﻧﻜﺪﺭ ﻧﺸﺮﺏ ﻣﻲ ﺻﺎﻳﻤﻴﻦ 😫
ﺍﻧﻲ ﺻﺎﻓﻨﻪ ﻭﻛﺎﻝ ﺗﻔﻀﻠﻲ .. ﻋﺎﺩ ﺍﻧﻲ ﻏﻴﺮﺕ ﺍﻟﻤﻮﺟﻪ ﻭﺭﻗﻘﺖ ﺻﻮﺗﻲ ﻭﻛﺘﻠﻪ ﺧﻴﻮ ﺑﻼ ﺯﺣﻤﻪ ﻧﻬﺎﻳﺘﻪ
ﻛﺎﻝ ﺑﺎﻟﻠﻲ ﻳﻌﺠﺒﺞ ﻛﺘﻠﻪ ﺧﻤﺴﻴﻦ ﻛﺎﻝ 55 ﺑﺎﻟﻨﺺ ﺍﻟﺞ ﻭﺍﻟﻲ .. ﻳﺮﺑﻲ ﺣﺘﻪ ﻣﺎ ﺍﻛﺪﺭ ﺍﺣﺠﻲ ﻣﺘﺖ ﻣﻦ ﺍﻟﺤﻼﻩ ﺷﻨﻮ ﻫﺬﺍ ﻳﺮﺑﻲ
ﺍﻧﻮﺏ ﻛﻼﻣﻪ ﻣﺜﻘﻒ ﻭﺻﻮﺗﻪ ﻫﻴﺞ ﺑﻴﻪ ﺍﺳﻠﻮﺏ ﻣﺎ ﺍﻋﺮﻑ ﺷﻠﻮﻥ ﺍﻭﺻﻔﻬﺎ ﺑﺲ ﺣﻠﻮﻩ .. ﻛﺘﻠﻪ ﺷﻜﺮﺍ
ﺣﻄﻠﻲ ﺍﻟﻤﻼﺑﺲ ﺑﺎﻟﻌﻼﻛﻪ ﻭﻛﺎﻟﻲ ﺑﺎﻟﻌﺎﻓﻴﻪ ﺗﻠﺒﺴﻴﻬﻦ ﺑﺎﻟﻬﻨﺎ .. ﺍﻧﻲ ﺍﻧﻄﻴﺘﻪ ﺍﻟﻔﻠﻮﺱ .. ﺑﺲ ﻳﺎﺭﺑﻲ ﺍﻓﻜﺮ ﺑﺤﻼﺗﻪ ﺷﻨﻮ ﻫﺬﺍ ﺻﺎﺭﻭﻭﻭﺥ
ﺍﻧﻮﺏ ﺍﻟﺸﻌﺮ ﻫﻠﻜﺪ ﺳﺮﺡ ﻭﺧﺼﻼﺗﻪ ﻣﺘﻨﺎﺛﺮﻩ ﻋﻠﻪ ﻭﺟﻬﺎ ﻟﺤﺪ ﻋﻴﻨﻪ .. ﺧﺮﺭﺭﺏ ﻋﻮﺩ ﻣﺜﻠﻲ ﻣﻄﻴﺢ ﺣﻈﻲ ﺍﻟﻜﺮﻳﺎﺗﻴﻦ ..
ﻛﺎﻋﺪ ﺍﺗﺤﺎﺳﺐ ﻭﻳﺎﻫﺎ ﻛﻤﻠﺖ ﺭﺩﺕ ﺍﻃﻠﻊ ﻭﻛﻠﺒﻲ ﻳﺮﺟﻌﻠﻪ ﺑﺴﺎﻉ ﺩﻓﺮﺕ ﺍﻣﻲ ﻣﻦ ﻛﻠﺒﻲ ﻭﻛﻌﺪﺗﻪ ﻳﻤﻪ ﻳﻤﻪ ﻳﺨﺒﻞ ﺑﺸﺮﻓﻲ . ﻣﺎﻛﻮ ﺗﻜﻮﻝ ﺍﻳﺎﺩ ﻭﻳﻪ ﻟﺤﻀﺔ ﻭﺩﺍﻉ
ﺩﺭﺕ ﻭﺟﻬﻲ ﺩﺍ ﺍﻣﺸﻲ ﺟﺎﻥ ﺗﻜﺮﺻﻨﻲ ﺑﺖ ﺧﺎﻟﺘﻪ ﻛﺎﻟﺖ ﺑﺮﺑﺞ ﺑﺎﻋﻲ ﻟﺞ ﻫﺬﺍ ﺷﻨﻮ ﻣﻦ ﺟﻤﺎﻝ ﻛﺘﻠﻬﺎ ﺍﻣﺸﻲ ﺍﻟﻠﻪ ﻳﺨﻠﻴﻪ ﻻﻫﻠﻪ
ﻛﺎﻟﺖ ﻻ ﺣﺮﺍﻡ ﻣﺎ ﺍﻓﻮﺗﻪ .. ﻛﺘﻠﻪ ﺩﺗﻌﺎﺍﺍﻱ ﺩﺍ ﺍﺟﺮﻫﺎ .. ﻭﺟﺎﻥ ﺍﻭﻛﻊ ﻭﺍﺗﺰﺣﻠﻚ ﻭﺍﻓﺮﺵ ﺑﺎﻟﻜﺎﻉ ﻻ ﻳﺎ ﺍﻟﻠﻪ ﺭﺑﻲ ﻫﻨﺎ ﺗﻔﺸﻠﻨﻪ ﻛﺪﺍﻡ ﻫﻠﻮﺟﻮﻩ ﺍﻟﺤﻠﻮﻩ
ﺍﻧﻲ ﻛﻠﻪ ﺍﻟﺒﺲ ﻛﻌﺐ ﻻﻥ ﺷﻮﻱ ﺯﻗﺠﻪ ﻃﻮﻟﻲ 152 ﻭﻭﺯﻧﻲ 55 ..😁 ﻓﺪﺍ ﺍﻣﺸﻲ ﻭﺍﻟﻤﺤﻞ ﻛﺎﻋﻪ ﺳﻴﺮﺍﻣﻴﻚ ﺗﻔﻠﺸﺨﺖ
ﻣﻦ ﻭﻛﻌﺖ ﺍﺟﺎﻧﻲ ﻫﺬﻩ ﺍﻟﺤﻠﻮ ﻛﺎﻝ ﺍﻟﻠﻪ ﺍﻟﻠﻪ ﺧﻮﻣﺎ ﺍﺗﺄﺫﻳﺘﻲ ﻛﺘﻠﻪ ﺷﻮﻱ ﺭﺟﻠﻲ ﺍﻟﺘﻮﺕ .. ﺳﺎﻋﺪﻧﻲ ﻫﻴﻪ ﻭﺑﻨﺖ ﺧﺎﻟﺘﻲ ﻛﻌﺪﻭﻧﻲ ﻋﻠﻜﺮﺳﻲ
ﻭﺧﺎﻟﺘﻲ ﻣﺎ ﺗﺪﺭﻱ ﻋﻨﻪ ﻋﺸﺘﻮ ﺭﺍﻳﺤﻴﻦ ﻭﻳﺎﻫﺎ ﺗﻘﻮﺩﻧﻪ ﺗﻮﻛﻒ ﻋﻠﻰ ﻣﺤﻞ ﻭﺗﻨﺴﺎﻧﻪ .. ﻃﻠﻌﻨﻪ ﻣﻦ ﺍﻟﻤﺤﻞ ﻣﺎﻟﺘﻪ ﻭﻛﻔﻨﻪ ﻋﻠﻰ ﻣﺤﻞ ﺛﺎﻧﻲ ﻭﺍﻟﻮﻟﺪ ﺍﻟﺤﻠﻮ ﻳﺒﺎﻭﻋﻠﻲ ﻣﻦ ﺟﻮﻩ ﺍﻟﺠﻮﻩ
ﻣﺎ ﺍﺧﻔﻲ ﺍﻧﻲ ﺍﺑﺎﻭﻉ ﻋﻠﻴﻪ ﺑﺲ ﻣﻮ ﺣﻴﻞ ﻻﻥ ﺍﻧﻌﺠﺒﺖ ﺑﻴﻪ .. ﺧﺎﻟﺘﻲ ﺩﺩﻭﺭ ﺑﺎﻟﺠﺒﺐ ﺍﻟﻬﺎ ﻭﺍﻧﻲ ﺍﺑﺎﻭﻉ ﻋﻠﻴﻪ
ﺷﻔﺖ ﺧﺎﻟﺘﻲ ﻣﻄﻮﻟﻪ ﻋﺎﺩ ﻃﻠﻌﺖ ﺭﺣﺖ ﻋﻠﻰ ﻣﺤﻞ ﺍﻛﺴﺴﻮﺍﺭﺍﺕ ﺍﺟﻪ ﺍﻟﺤﻠﻮ ﻭﺭﺍﻳﻪ .. ﻃﻠﻊ ﺍﺑﻮ ﺍﻟﻤﺤﻞ ﺻﺪﻳﻘﻪ ..
ﺍﺧﺬﺕ ﺳﺎﻋﻪ ﻭﺍﻛﺴﺴﻮﺍﺭ ﻧﺎﻋﻢ ﺗﺮﺍﺟﻲ ﻭﻛﻼﺩﻩ ﻭﻣﺤﺒﺲ ﻛﺮﻳﺴﺘﺎﻝ .. ﺩﺍ ﺍﻧﻄﻲ ﺍﻟﺸﻐﻼﺕ ﺍﻻﺧﺘﺎﺭﻳﺘﻬﻦ ﻟﻠﻮﻟﺪ ﺍﺑﻮ ﺍﻟﻤﺤﻞ
ﺟﻠﻦ ﻳﻜﻮﻟﻪ ﻳﺤﻴﻰ ﺑﻴﻌﻠﻬﺎ ﻓﺪﻭﻩ ﺑﺲ ﺍﺭﺩ ﻋﻞ ﺍﻻﺗﺼﺎﻝ .. ﻃﻠﻊ ﺍﻟﻮﻟﺪ ﻭﺑﻘﻴﻨﻪ ﺍﻧﻲ ﻭﻳﺎﻩ .. ﻛﺎﻝ ﺍﻧﺘﻲ ﻣﻦ ﻭﻳﻦ ﻛﺘﻠﻪ ﻣﻦ ﺍﻟﺸﻌﺐ
ﻛﺎﻝ ﺍﻧﻲ ﻣﻦ ﺣﻲ ﺍﻭﺭ .. ﻛﺘﻠﻪ ﺍﻣﻤﻤﻢ ﺑﻼ ﺯﺣﻤﻪ ﺷﻮﻓﻠﻲ ﺍﻟﺴﻌﺮ ﻭﺍﻧﻄﻴﻨﻲ .. ﺣﻄﻠﻴﺎﻫﻦ ﺑﻌﻠﺒﻪ ﻭﺍﻧﻄﺎﻧﻴﺎﻫﻦ .. ﻭﻛﺎﻝ ﻫﺬﺍ ﺭﻗﻤﻲ ﺍﺫﺍ ﺗﺤﺘﺎﺟﻴﻦ ﺷﻲ ..
ﻭﺧﻼ ﺑﺎﻟﻌﻠﺒﻪ ﻣﻦ ﺿﻤﻦ ﺍﻻﻛﺴﺴﻮﺍﺭﺍﺕ ﻣﺎ ﺯﺩﻳﺖ ﺷﻲ ﺍﺧﺬﺕ ﺍﻟﻌﻠﺒﻪ ﻭﻃﻠﻌﺖ .. ﻛﻤﻠﻨﺎ ﺷﻐﻼﺕ ﻣﻦ ﺍﻟﺴﻮﻙ ﺍﺧﺬﻧﺎ ﻟﺒﻦ ﻭﺭﻃﺐ ﻭﻋﺼﺎﻳﺮ ﻭﺭﺣﻨﺎ ﻟﻠﺒﻴﺖ
ﺍﻭﻝ ﻣﺪﺧﻠﻨﺎ ﺍﺫﻥ ﺟﺎﻧﺖ ﻣﺎﻣﺎ ﻣﻜﻤﻠﻪ ﺍﻟﻔﻄﻮﺭ ﻋﺎﺩ ﻓﻄﺮﻧﺎ ﻭﺭﺣﻨﺎ ﺻﻠﻴﻨﻪ ﺑﻌﺪﻫﺎ ﻧﻀﻔﻨﻪ ﺍﻟﺒﻴﺖ ﻭﻛﻠﻬﺎ ﺗﻮﺟﻬﺖ ﻟﻠﺘﻠﻔﺰﻳﻮﻧﺎﺕ ﺗﺒﺎﻭﻉ
ﻟﺤﻈﻪ ﻟﺤﻈﻪ .. ﺍﻋﺮﻓﻜﻢ ﻋﻠﻴﻪ ﺍﺳﻤﻲ ﺑﺮﺍﺀ ﻛﻠﺘﻠﻜﻢ ﻋﻤﺮﻱ 19 ﻛﻤﻠﺖ 5 ﺍﻋﺪﺍﺩﻱ ﻭﻛﻌﺪﺕ ﺍﺑﺪ ﻣﺎ ﺍﻟﻲ ﺧﻠﻚ ﺑﺎﻟﺪﺭﺍﺳﻪ .. ﻛﻮﻩ ﻣﺸﻮﻧﻲ
ﻋﺎﺋﻠﺘﻲ ﻣﺘﻜﻮﻧﻪ ﻣﻦ ﻣﺎﻣﺎ ﻭﺍﺧﺘﻲ ﻭﻣﺮﺕ ﺧﺎﻟﻮ ﻭﺯﻭﺟﻬﺎ ﻭﺑﻨﺘﻬﺎ .. ﺍﺧﺘﻲ ﺍﻟﺠﺒﻴﺮﻩ ﻣﺘﺰﻭﺟﻪ
ﻭﺍﺑﻮﻳﻪ ﻣﺘﻮﻓﻲ ﻣﻦ ﺳﻨﺔ 2007 ﺑﺎﻻﺣﺪﺍﺙ ﻣﺎﻝ ﺍﻟﻄﺎﺋﻔﻴﻪ .. ﺍﺑﻮﻳﻪ ﺟﺎﻧﺖ ﺣﺎﻟﺘﻪ ﺍﻟﻤﺎﺩﻳﻪ ﺯﻳﻨﻪ ﻟﻤﺎ ﻣﺎﺕ ﻣﺎ ﺑﻘﺎﻟﻨﺎ ﻏﻴﺮ ﺑﻴﺘﻴﻦ ﻭﻛﻢ ﻣﻠﻴﻮﻥ
ﺍﻣﻲ ﺑﻌﺪﻫﺎ ﺍﺟﺮﺕ ﺍﻟﺒﻴﺖ ﻧﻌﻴﺶ ﻣﻨﻪ ﻭﺍﻟﺒﻴﺖ ﺍﻟﺜﺎﻧﻲ ﻛﻌﺪﻧﻪ ﺑﻴﻪ ﺑﺲ ﺧﻮﺍﻟﻲ ﻣﻘﺒﻠﻮ ﺍﻣﻲ ﺗﻌﻴﺶ ﻭﺣﺪﻫﺎ
ﻭﻻﻥ ﺧﺎﻟﺘﻲ ﺍﻣﻴﺮﻩ ﺣﺎﻟﺘﻬﻢ ﻣﻮ ﻫﻠﻜﺪ ﻭﻣﺘﺒﻬﺬﻟﻪ ﻭﻳﻪ ﻋﻴﺎﻟﻬﺎ ﻭﺑﻴﺘﻨﺎ ﺟﺒﻴﺮ ﺍﺟﺖ ﻭﻛﻌﺪﺕ ﻭﻳﺎﻧﻪ ﻫﻴﻪ ﻭﺯﻭﺟﻬﺎ .. ﻃﺒﻌﺎ ﺯﻭﺟﻬﺎ ﻓﺪ ﻋﻘﺪﻩ ﻧﻔﺴﻴﻪ ﻭﺗﻠﻌﺐ ﺭﻭﺣﻲ ﻣﻨﻪ
ﺑﺲ ﺷﺴﻮﻱ ﺍﻣﻲ ﺗﻜﻮﻝ ﺍﺗﺤﻤﻠﻲ ﻳﺘﺴﻤﻪ ﺭﺟﺎﻝ ﺑﺎﻟﺒﻴﺖ ﺍﻭﻭﻭﻑ ﻭﻫﻮﻩ ﺷﻨﻮ ﺍﻟﺮﺟﺎﻝ ﻓﺎﻳﺪﻩ ﺯﺍﻳﺪﻩ ﺍﺷﻮ ﻛﺎﻋﺪ ﻭﺧﺎﻟﺘﻲ ﺗﺨﻴﻂ
ﻭﺍﻧﺘﻲ ﺗﺼﺮﻓﻴﻦ ﻋﻠﺒﻴﺖ ﻭﻫﻮﻩ ﻣﻠﺘﻬﻲ ﺑﺴﻮﺍﻟﻔﻪ ﺍﻟﻤﻜﺴﺮﻩ .. ﻋﺎﺩ ﺍﻣﻲ ﻋﺎﻃﺖ ﺑﻴﻪ ﻭﻛﺎﻟﺖ ﻣﻌﻠﻴﺞ ﻋﻔﺘﻬﺎ ﻭﺻﻌﺪﺕ ﻟﻐﺮﻓﺘﻲ ..
ﺍﻧﻲ ﻭﺑﻨﺖ ﺧﺎﻟﺘﻲ ﻣﺸﺘﺮﻛﻴﻦ ﺑﻴﻬﺎ .. ﻫﻴﻪ ﺩﻭﻡ ﻋﻼﻗﺎﺕ ﻭﺻﺪﺍﻗﺎﺕ ﻭﻳﻪ ﺍﻟﻮﻟﺪ ﻭﺍﻟﻠﻴﻞ ﻛﻠﻪ ﺗﺤﺠﻲ ﻣﺮﻩ ﻟﺰﻣﺘﻬﺎ ﻓﺎﺗﺤﻪ ﻛﺎﻣﺮﻩ
ﻛﺘﻠﻬﺎ ﻭﻳﺎﻣﻦ ﺟﺎﻥ ﺗﻜﻤﺰ ﻭﺗﺴﺪﻩ ﻭﺗﻜﻮﻟﻲ ﻭﻳﻪ ﺻﺪﻳﻘﺘﻲ ﺍﻧﺘﻲ ﺷﻜﻮ .. ﻋﻔﺘﻬﺎ ﺭﺩﺕ ﺍﺑﻠﻎ ﺍﻣﻲ ﻋﻠﻴﻬﺎ ﻳﺲ ﻣﺎ ﺑﻠﻐﺖ ﺷﻌﻠﻴﻪ
ﻓﺘﺤﺖ ﺍﻟﻐﺮﺍﺽ ﻋﺰﻟﺘﻬﻦ ﻭﻃﻠﻌﺖ ﻋﻠﺒﺔ ﺍﻻﻛﺴﺴﻮﺍﺭﺍﺕ ﺍﺧﺬﺕ ﺍﻟﺮﻗﻢ ﻭﺿﻤﻴﺘﻬﺎ .. ﺳﻴﻔﺘﻪ ﻟﻠﺮﻗﻢ ﻃﻠﻊ ﻋﻨﺪﻩ ﻓﺎﻳﺒﺮ ﻭﻭﺍﺗﺴﺎﺏ ﻭﺟﺎﺕ ﻋﻠﻪ ﻫﻠﺮﻗﻢ
ﺩﺭﺟﺖ ﺍﻟﺮﻗﻢ ﺑﺎﻟﻔﻴﺴﺒﻮﻙ ﻭﻃﻠﻊ ﺍﻟﻪ ﺣﺴﺎﺏ ﺍﺳﻤﻰ ﻳﺤﻴﻰ ﺍﻟﻜﺘﻠﻮﻧﻲ
ﺩﺧﻠﺖ ﺻﻔﺤﺘﻪ ﺍﺑﺎﻭﻉ ﺻﻔﺤﺘﻪ ﺣﻠﻮﻩ ﻣﺘﻔﺎﻋﻠﻪ ﻭﻧﺎﺷﺮ ﺍﻟﻪ ﺻﻮﺭ ﻛﻮﻣﻪ ﺗﺨﺒﻞ ﺍﺧﺮ ﺷﻲ ﺍﻧﻄﻴﺘﻪ ﻣﺘﺎﺑﻌﻪ ﻭﻃﻠﻌﺖ ..
ﺳﺪﻳﺖ ﺍﻟﻤﻮﺑﺎﻳﻞ ﻭﻓﺘﺤﺖ ﺍﻟﺘﻠﻔﺰﻳﻮﻥ ﻛﻤﺖ ﺍﺑﺎﻭﻉ ﺑﺮﺍﻣﺞ ﻭﻣﺴﻠﺴﻼﺕ ﺭﻣﻀﺎﻥ .. ﻟﺤﺪ ﺍﻟﺴﺎﻋﻪ ﻭﺣﺪﻩ ﻭﻧﺺ ﻧﺰﻟﻨﻪ ﺳﻮﻳﻨﻪ ﺍﻟﺴﺤﻮﺭ ﻭﻛﻌﺪﻧﺎ
ﻛﻤﻠﻨﺎ ﺍﻟﺴﺤﻮﺭ ﺗﻮﺟﻬﻨﺎ ﻟﺴﺠﺎﺩﺍﺕ ﺍﻟﺼﻼﺓ ﺑﻴﻦ ﺍﻟﻴﻘﺮﻩ ﺩﻋﺎﺀ ﻭﺑﻴﻦ ﺍﻟﻠﻲ ﻳﺘﻠﻮ ﻭﺑﻴﻦ ﺍﻟﻠﻲ ﻳﺼﻠﻲ .. ﻟﺤﺪ ﻣﺼﺎﺭﺕ ﺻﻼﺓ ﺍﻟﺼﺒﺢ ﺻﻠﻴﻨﺎ
ﻭﺭﺣﻨﺎ ﻟﻐﺮﻓﻨﻪ .. ﻓﺘﺤﺖ ﻧﺖ ﺷﻮﻱ ﻗﺒﻞ ﺍﻟﻨﻮﻡ ﺍﺟﺎﻧﻲ ﺍﺷﻌﺎﺭ ﻣﻦ ﻳﺤﻴﻰ .. ﺩﺍﺯﻟﻲ ﻻﻳﻚ ﻋﻠﻤﺎﺳﻨﺠﺮ .. ﺑﺎﻭﻋﺖ ﻧﺸﻂ ﻣﻨﺬ 2 ﺳﺎﻋﻪ
ﺍﺧﺬﺗﻠﻲ ﻟﻔﻪ ﺳﺮﻳﻌﻪ ﺑﺎﻟﺒﺮﺍﻣﺞ ﻭﻧﻤﺖ .. ﻛﻌﺪﺕ ﺍﻟﻀﻬﺮ ﺻﻠﻴﺖ ﻭﺭﺟﻌﺖ ﻟﻠﻔﺮﺍﺵ ﻓﺘﺤﺖ ﺍﻟﻤﻮﺑﺎﻳﻞ ﻟﻜﻴﺖ ﻣﻦ ﻋﻨﺪﻩ ﺭﺳﺎﻟﻪ
ﻣﻨﻮ ﺍﻧﺘﻲ ﻭﻣﺴﻮﻳﺘﻠﻲ ﻣﺘﺎﺑﻌﻪ .. ﺟﺎﻭﺑﺘﻪ ﻟﻴﺶ ﺣﺮﺍﻡ ﺍﺳﻮﻳﻠﻚ ﻣﺘﺎﺑﻌﻪ ﻋﺠﺒﺘﻨﻲ ﺍﻟﺼﻔﺤﻪ ﻭﺍﻧﻄﻴﺖ ﻣﺘﺎﺑﻌﻪ ﺍﻧﺘﻪ ﺷﻜﻮ ..
ﻛﻌﺪﺕ ﺍﻟﻀﻬﺮ ﺻﻠﻴﺖ ﻭﺭﺟﻌﺖ ﻟﻠﻔﺮﺍﺵ ﻓﺘﺤﺖ ﺍﻟﻤﻮﺑﺎﻳﻞ ﻟﻜﻴﺖ ﺟﺎﻳﺘﻨﻲ ﻣﻦ ﻳﺤﻴﻰ ﺭﺳﺎﻟﻪ
ﻳﺤﻴﻰ 💬💬 ﻣﻨﻮ ﺍﻧﺘﻲ ﻭﻣﺴﻮﻳﺘﻠﻲ ﻣﺘﺎﺑﻌﻪ ..
ﺑﺮﺍﺀ 💬💬 ﻟﻴﺶ ﺣﺮﺍﻡ ﺍﺳﻮﻳﻠﻚ ﻣﺘﺎﺑﻌﻪ ﻋﺠﺒﺘﻨﻲ ﺍﻟﺼﻔﺤﻪ ﻭﺍﻧﻄﻴﺖ ﻣﺘﺎﺑﻌﻪ ﺍﻧﺘﻪ ﺷﻜﻮ ..
ﻳﺤﻴﻰ 💬💬 ﻟــ NO ـﺎ ﻣـ ℳO ــﻮ ﺣﺮﺍﻡ ﺑﺲ ﺣﺒﻴﺖ ﺍﻋﺮﻑ ﻣـّــ ʍՂՕ ـﻨــﻮ
ﺑﺮﺍﺀ 💬💬 ﺣﻴﺎ ﺍﻟﻠﻪ ﺑﻨﺖ .. ﻣﻦ ﺑﻨﺖ ﺧﻠﻚ ﺍﻟﻠﻪ
ﻳﺤﻴﻰ 💬💬 ﺍﻫﻤﻤﻢ ﻭﺑﻨﺎﺕ ﺧﻠﻚ ﺍﻟﻠﻪ ﻋﺪﻫﻦ ﺍﺳﻢ ﻧﺘﻌﺮﻑ ﻋﻠﻴﻪ ﻟﻮ ﻟــ NO ـﺎ
ﺑﺮﺍﺀ 💬💬 ﺍﻫﻤﻢ ﻋﻨﺪﻱ ﺍﺳﻢ ﻭﺍﺳﻤﻲ ﺑﺮﺍﺀ
ﻳﺤﻴﻰ 💬💬 ﻋﺎﺷﺖ ﺍﻻﺳﺎﻣﻲ .. ﻡ̷ـــِْﻦ ﻭﻳﻦ
ﺑﺮﺍﺀ 💬💬 ﻡ̷ـــِْﻦ ﺑﻐﺪﺍﺩ
ﻳﺤﻴﻰ 💬💬 ﻡ̷ـــِْﻦ ﻭﻳﻦ ﻣﻦ ﺑﻐﺪﺍﺩ
ﺑﺮﺍﺀ 💬💬 ﺍﻟﺸﻌﺐ
ﻳﺤﻴﻰ 💬💬 ﺣﻠﻮﻭﻭﻭ ﻗﺮﻳﺒﻪ ﻋﻠﻴﻪ ﺍﻧـّ 'ℳέ' ـّﻲٌ ﺣﻲ ﺍﻭﺭ
ﺑﺮﺍﺀ 💬💬 ﺍﻋﺮﻑ
ﻳﺤﻴﻰ 💬💬 ﻧﻌﻢ !!.. ﻭﻣﻦ ﻭﻳﻦ ﺗﻌﺮﻓﻴﻦ
ﺑﺮﺍﺀ 💬💬 ﺷﻌﻠﻴﻚ
ﻳﺤﻴﻰ 💬💬 ﻻ ﻋﻠﻴﻪ ﻭﻧﺺ
ﺑﺮﺍﺀ 💬💬 ﺍﺗﺮﺧﺺ ﻻﺯﻡ ﺍﺭﻭﺡ ﺑﺎﺍﺍﺍﻱ
ﻳﺤﻴﻰ .. ﻟﺤﻀﻪ ﻟﺤﻀﻪ .. ﺗﻌﺎﻱ .. ﻣﺎﻛﻮ ﺑﻌﺪ ﻣﺘﺮﺩ ﻋﻠﻰ ﺭﺳﺎﺋﻠﻲ ﻭﻃﻠﻊ ﻋﻨﺪﻱ ﻧﺸﻂ ﻣﻨﺬ ﺩﻗﻴﻘﻪ ﻳﻌﻨﻲ ﺭﺍﺣﺖ
ﺍﻭﻭﻭﻑ ﻣﻨﻮ ﻫﺎﻱ ﺍﺷﻜﺎﻝ ﺍﻟﻮﺍﻥ ﺍﻟﻨﺴﻮﺍﻥ ﺗﻤﺮ ﻋﻠﻴﻪ ﺑﺎﻟﻤﺤﻞ ﻭﺗﻌﺮﻓﻨﻲ ﺑﺲ ﻣﻨﻮ ﻫﺎﻱ … ﻣﻌﻘﻮﻟﻪ ﻫﺎﻱ ﺍﻟﺒﺎﺭﺣﻪ ﺍﻟﻠﻲ ﺍﺟﺘﻨﻲ ﻟﻠﻤﺤﻞ ﻭﺗﺰﺣﻠﻜﺖ ﻭﻭﻛﻌﺖ
ﺁﻣـ ⅇℳℳ ـﻢ ﻳﻠﻪ ﺷﻮﻱ ﻭﺍﺭﺟﻊ ﺍﺭﺍﺳﻠﻬﺎ .. ﺭﺣﺖ ﺑﺪﻟﺖ ﻭﺍﻛﻠﺖ ﻟﻜﻤﻪ ﺍﻧﻲ ﻣﺎ ﺻﺎﻳﻢ ﻭﻣﻮ ﻣﻦ ﻋﺎﺩﺗﻲ ﺍﺻﻮﻡ ..
ﻭﻫﺎﻱ ﺍﺧﺮ ﺍﻳﺎﻡ ﺭﻣﻀﺎﻥ ﺿﻐﻂ ﻛﻮﻟﺶ ﻗﻮﻱ ﻋﻠﻤﺤﻞ ﻭﻳﺎﺩﻭﺏ ﻧﻠﺤﻚ ﺍﻧـّ 'ℳέ' ـّﻲٌ ﻭﺍﻟﻌﺎﻣﻞ .. ﺭﺣﺖ ﻟﻠﻤﺤﻞ ﻛﻌﺪﺕ
ﻛﻤﺖ ﺍﺷﺘﻐﻞ ﻭﺍﺑﻴﻊ ﻭﺍﻟﺸﻐﻞ ﺧﻴﺮ ﻣﻦ ﺍﻟﻠﻪ .. ﻟﺸﻮﻱ ﺍﺗﺬﻛﺮﺗﻬﺎ .. ﺑﺎﻭﻋﺖ ﻣﻮﺑﺎﻳﻠﻲ ﺷﻐﻠﺖ ﻧــــ 📡 ــﺖ ﻃﻠﻌﺖ ﻋﻨﺪﻱ ﻧﺸﻂ ﺍﻻﻥ
ﻓﺮﺣﺖ ﺍﻧﻄﻴﺘﻬﺎ ﻻﻳﻚ .. ﺷﺎﻓﺘﻪ .. ﺩﺯﻳﺘﻠﻬﺎ ﺷﺪﻋﻮﻩ ﻣﺘﻜﺒﺮﻩ ﻟﻮ ﻣﺎ ﺷﻠﺘﺞ ﺍﻟﺒﺎﺭﺣﻪ ﺑٲﺩﻳﻪ
ﺑﺮﺍﺀ .. ﺷﻔﺘﻪ ﺩﺯﻟﻲ ﻫﻴﺞ 😨 ﻫﺬﺍ ﺷﺒﺴﻊ ﻋﺮﻓﻨﻲ .. ﻳﻤﻪ ﻫﺬﺍ ﺷﻜﺪ ﻧﻐﻞ ﻣﻴﻌﺒﺮ ﻋﻠﻴﻪ ﺷﻲ .. ﺍﺑﻦ ﺳﻮﻙ ﻣﺤﻴﻞ ﻣﺘﻔﻮﺗﻪ ﻓﺎﻳﺘﻪ
ﺩﺯﻳﺘﻠﻪ .. ﻭﻳﻦ ﺷﻠﺘﻨﻲ ﺍﻟﺒﺎﺭﺣﻪ ﺧﻮﺵ ﺗﻌﺮﻑ ﺗﺠﺬﺏ .. ﻛﺎﻝ ﺍﺗﺼﻠﻲ ﺧﻞ ﺍﺳﻤﻊ ﺻﻮﺗﺞ ﻫﺴـ NOW ــﮩﮧ ﺍﻋﺮﻓﺞ
ﻛﺘﻠﻪ ﻣﻴﺤﺘﺎﺝ ﺍﻱ ﺍﻧـّ 'ℳέ' ـّﻲٌ ﻧﻔﺴﻬﺎ ﺍﺭﺗﺎﺣﻴﺖ ..😪
ﻳﺤﻴﻰ .. ﻫﻬﻬﻬﻬﻪ ﺷﻠﻮﻧﺞ
ﺑﺮﺍﺀ .. ﺍﻟﺤﻤﺪﻟﻠﻪ ﻋﺎﻳﺸﻴﻦ
ﻳﺤﻴﻰ .. ﺭﺣﻤﻪ ﺍﺫﺍ ﻋﺎﻳﺸﻴﻦ .. ﺣﺎﺏ ﺍﺗﻌﺮﻑ ﻋﻠﻴﺞ
ﺑﺮﺍﺀ .. ﻣﻮ ﺗﻌﺮﻓﺖ ﺷﺘﺮﻳﺪ ﺗﻌﺮﻑ ﺍﻛﺜﺮ
ﻳﺤﻴﻰ .. ﺍﺭﻳﺪ ﻋﻼﻗﻪ
ﺑﺮﺍﺀ .. ﻫﻬﻬﻬﻬﻪ ﺷﻜﺪ ﺻﺮﻳﺢ ﺟﺒﺘﻬﺎ ﻣﻦ ﺍﻻﺧﻴﺮ
ﻳﺤﻴﻰ .. ﺍﻱ ﺍﻧﻲ ﺑﻄﺒﻌﻲ ﺻﺮﻳﺢ ﻭﻣﺎ ﺍﻟﻒ ﻭﺍﺩﻭﺭ ﻣﺜﻞ ﺑﺎﻗﻲ ﺍﻟﻮﻟﺪ
ﺑﺮﺍﺀ .. ﻟﻴﺶ ﺷﺒﻴﻬﻢ ﺑﺎﻗﻲ ﺍﻟﻮﻟﺪ
ﻳﺤﻴﻰ .. ﻳﻠﻌﺒﻮﻥ ﻭﻳﻪ ﺍﻟﺒﻨﻴﻪ ﻭﻳﻜﻮﻟﻬﺎ ﺍﺣﺒﺞ ﻭﻫﻮﻩ ﻋﻨﺪﻩ ﻏﻴﺮﻫﺎ ﻋﺸﺮﻩ
ﺑﺮﺍﺀ .. ﻳﻌﻨﻲ ﺍﻧﺘﻪ ﻣﺎ ﻋﻨﺪﻙ ﻋﺸﺮﻩ
ﻳﺤﻴﻰ .. ﻟــ NO ـﺎ ﻋﻨﺪﻱ 25 ﺧﺨﺨﺨﺨﺨﺨﺦ
ﺑﺮﺍﺀ 💬💬 😒😒
ﻳﺤﻴﻰ .. ﺍﺣﻤﻤﻢ ﺍﺳـ ŝøŗŗý ـــﻒ ﻣﻜﻠﺘﻴﻠﻲ ﺣﺎﺏ ﺍﺳﻮﻱ ﻭﻳﺎﺝ ﻋﻼﻗﻪ ﻭﺧﻞ ﺍﻛﻮﻟﺠﻴﺎﻫﺎ ﻣﻦ ﺍﻟﺒﺪﺍﻳﻪ ﺣﺒﻴﺖ ﻫﻮﺍﺍﺍﻱ ﻭﻫﻮﺍﻱ ﺑﻨﺎﺕ ﺗﻌﺮﻓﺖ ﻋﻠﻴﻬﻦ ﺑﺲ ﺻﺮﺍﺣﻪ ﺑﺲ ﻣﻜﻨﺖ ﻧﺎﻭﻱ ﻭﻳﺎﻫﻦ ﻋﻠﻰ ﺷﻲ
ﺑﺮﺍﺀ .. ﻫﻬﻬﻬﻪ ﻭﻫﺴﻪ ﺟﺎﻱ ﺗﻘﻨﻌﻨﻲ ﺍﻧﻮ ﺍﻧﺘﻪ ﻧﺎﻭﻱ ﻋﻠﻰ ﺷﻲ ﻭﻳﺎﻳﻪ ﻫﻬﻬﻬﻬﻬﻬﻪ
ﻳﺤﻴﻰ .. ﻟــ NO ـﺎ ﻣﺠﺎﻱ ﺍﻗﻨﻌﺞ ﺑﺲ ﺻﺮﺍﺣﻪ ﺍﻣﻲ ﺗﺮﻳﺪﻧﻲ ﺍﺗﺰﻭﺝ ﻭﺍﻧﻲ ﻣﺎ ﺍﺣﺐ ﺍﺗﺰﻭﺝ ﺗﻘﻠﻴﺪﻱ ﻓﻠﻴﺶ ﻣﻨﺘﻌﺮﻑ ﻋﻠﻰ ﺑﻌﺾ ﻣﻤﻜﻦ ﻧﺮﻫﻢ ﻟﺒﻌﺾ ..
ﺑﺮﺍﺀ .. ﺍﻣﻤﻢ ﻣﺎ ﺍﻋﺮﻑ
ﻳﺤﻴﻰ .. ﺍﻧﺘﻲ ﻃﺎﻟﺒﻪ ﻟﻮ ﺷﻨﻮ
ﺑﺮﺍﺀ .. ﺍﻣﻤﻢ ﺗﺎﺭﻛﻪ
ﻳﺤﻴﻰ .. ﻟﻴﻴﻴﻴﺶ
ﺑﺮﺍﺀ .. ﻫﻴﺞ ﻣﺎ ﺍﺣﺐ ﺍﻟﺪﺭﺍﺳﻪ ﻣﺎ ﺍﻃﻴﻘﻬﺎ .. ﻭﺍﻧﺘﻪ ﺷﻤﺨﻠﺺ
ﻳﺤﻴﻰ .. ﺍﻧﻲ ﻣﺨﻠﺺ ﺛﺎﻟﺚ ﻣﺘﻮﺳﻂ ﻭﻛﻌﺪﺕ ﺑﺪﻳﺖ ﺍﺷﺘﻐﻞ ﻭﻳﻪ ﺧﺎﻟﻲ ﺑﻤﺤﻞ ﻧﺴﺎﺋﻲ ﺑﻌﺪﻳﻦ ﺍﻣﻲ ﺑﺎﻋﺘﻠﻲ ﺫﻫﺒﻬﺎ ﻭﺯﻭﺩﺕ ﻋﻠﻴﻬﻦ ﻭﺍﺟﺮﺕ ﻫﺬﺍ ﺍﻟﻤﺤﻞ ﻭﺍﺷﺘﻐﻞ ﺑﻴﻪ ﻭﺧﻴﺮ ﻣﻦ ﺍﻟﻠﻪ
ﺑﺮﺍﺀ .. ﺍﻫﻤﻤﻢ ﻟﻌﺪ ﻟﻴﺶ ﺗﺮﻛﺖ ﺍﻟﺪﺭﺍﺳﻪ
ﻳﺤﻴﻰ .. ﻣﺎ ﺟﺎﻥ ﺍﻟﻲ ﻭﺍﻫﺲ ﺑﻴﻬﺎ ﻭﺗﺮﻛﺖ
ﺑﺮﺍﺀ .. ﺍﻫﻢ ﻧﻔﺲ ﺣﺎﻟﺘﻲ ﺑﺲ ﺍﻻﺧﺘﻼﻑ ﺍﻧﺘﻪ ﺗﺸﺘﻐﻞ
ﻳﺤﻴﻰ .. ﺗﺮﺩﻳﻦ ﺗﺸﺘﻐﻠﻴﻦ
ﺑﺮﺍﺀ .. ﺷﺸﺘﻐﻞ
ﻳﺤﻴﻰ .. ﻣﺤﻞ ﻧﺴﺎﺋﻲ ﻭﻣﻜﻴﺎﺝ ﻭﻣﻼﺑﺲ ﻧﻮﻡ ﻭﻏﺮﺍﺽ ﺑﻨﺎﺕ .. ﻭﺍﻟﻮﻟﺪ ﻳﺮﻳﺪ ﺑﻨﻴﻪ ﺗﻮﻛﻒ ﺑﻴﻪ .. ﻻﻥ ﺍﻟﻮﻟﺪ ﻣﻴﻤﺸﻲ ﺷﻐﻠﻪ ﺑﻬﻴﺞ ﺷﻲ ..
ﻭﺍﻥ ﻛﺎﻥ ﻫﻠﺸﻐﻠﻪ ﻣﺮﺑﺤﻪ ﻭﺍﻟﻨﺴﻮﺍﻥ ﺩﻙ ﻣﺸﺘﺮﻩ ﻋﻠﻴﻬﺎ ﺑﺲ ﻣﻦ ﻳﺸﻮﻓﻦ ﻭﻟﺪ ﻳﺴﺘﺤﻦ ﻭﻳﺮﺣﻦ ﻟﻐﻴﺮ ﻣﺤﻞ ..
ﺑﺮﺍﺀ .. ﻭﺍﻧﻲ ﺷﻨﻮ ﺍﻛﺪﺭ ﺍﺳﻮﻱ
ﻳﺤﻴﻰ .. ﺗﺸﺘﻐﻠﻴﻦ ﻭﻳﺎﻩ ﻭﻳﻨﻄﻴﺞ ﻳﻮﻣﻴﻪ ﺑﺪﻝ ﻣﻜﺎﻋﺪﻩ ﺑﺎﻟﺒﻴﺖ .. ﻭﺍﻟﻤﺤﻞ ﻗﺮﻳﺐ ﻛﻮﻟﺶ ﻋﻠﻲ ﻣﺤﻠﻲ
ﺑﺮﺍﺀ .. ﺍﻣﻤﻢ ﻣﺎ ﺍﻋﺮﻑ ﺍﺷﺎﻭﺭ ﺍﻣﻲ ﻭﺍﻗﺮﺭ
ﻳﺤﻴﻰ .. ﺍﻭﻙ ﺍﻧﺘﻀﺮ ﺟﻮﺍﺑﺞ .. ﻭﻫﺴﻪ ﺍﺗﺮﺧﺺ ﺗﺮﻩ ﺍﻟﻤﺤﻞ ﻣﻜﻠﻮﺏ
ﺑﺮﺍﺀ .. ﻧﺴﻮﺍﻥ
ﻳﺤﻴﻰ .. ﻻ ﻃﻠﻴﺎﻥ … ﺍﺷﺘﻐﻠﺖ ﺍﻟﻐﻴﺮﻩ .. ﻏﻴﺮ ﻣﺤﻠﻲ ﻧﺴﺎﺋﻲ ﻟﻌﺪ ﺷﻴﺠﻮﻧﻲ ﺯﻟﻢ ﻗﺎﺑﻞ .. ﻟﺘﺨﺎﻓﻴﻦ ﺍﻟﻜﻠﺐ ﻭﺍﺣﺪ ﻣﻴﺼﻴﺮ ﺛﻨﻴﻦ ﺑﺎﺍﺍﻱ
ﺑﺮﺍﺀ .. ﺍﻳﻴﻲ ﻭﺍﺿﺢ .. ﻳﻠﻪ ﺑﺎﻱ .. ﺳﺪﻳﺘﻪ ﻣﻦ ﻋﻨﺪﻩ ..
ﺑﺎﻭﻋﺖ ﺍﻣﻤﻤﻢ ﺧﻮﺵ ﻓﻜﺮﻩ ﺍﺷﺘﻐﻞ ﺑﺪﻝ ﻣﻜﺎﻋﺪﻩ ﺑﺎﻟﺒﻴﺖ ﻻ ﺷﻐﻠﻪ ﻭﻻ ﻋﻤﻠﻪ ﻏﻴﺮ ﺍﻟﻔﻮﻥ ..
ﻧﺰﻟﺖ ﺩﺍ ﺍﺣﺠﻲ ﻟﻤﺎﻣﺎ ﻟﻜﻴﺖ ﻣﺎﻣﺎ ﻭﺧﺎﻟﻪ ﺩﻳﺴﻮﻭﻥ ﻛﻠﻴﺠﻪ ﻟﻠﻌﻴﺪ .. ﻛﻠﺖ ﻳﺎﺍﺍﺍﺍﺍﺍﺍﺍﻱ ﻣﺎﻣﺎ ﺯﻭﺩﻳﻬﺎ ﺑﺎﻟﺘﻤﺮ ﺍﻛﺜﺮ ﺷﻲ ﻋﻠﻴﺞ ﺍﻟﻨﺒﻲ
ﺟﺎﻥ ﺗﻜﻮﻟﻲ ﺍﻛﻌﺪﻱ ﺍﻧﺘﻲ ﺣﺸﻴﻬﺎ ﻭﺍﺣﻨﻪ ﻧﺴﻮﻱ ﺍﻟﻘﻮﺍﻟﺐ .. ﻛﺘﻠﻬﺎ ﺍﻭﻭﻭﻭﻭﻭﻭﻭﻛﻲ .. ﻛﻌﺪﺕ ﻛﻤﺖ ﺍﺣﺠﻲ ﺍﻟﻜﻠﻴﺠﻪ ﺗﻤﺮ ﺧﻠﺺ ﺍﻟﺘﻤﺮ ﺧﻠﻴﺖ ﺣﻠﻘﻮﻡ ﻭﻟﺐ ﻏﺮﺍﺵ ﻭﺟﻮﺯ ..
ﺑﺲ ﺍﻧﻲ ﺍﻛﺜﺮ ﺷﻲ ﺍﺣﺒﻬﺎ ﺑﺎﻟﺘﻤﺮ ﻋﺸﺸﺸﺸﺸﺸﻖ 😍 .. ﻛﻤﻠﻨﺎ ﻭﺧﻠﻴﻨﺎﻫﺎ ﺑﺎﻟﻔﺮﻥ ﻃﻠﻌﺖ ﺗﺨﺒﻞ ﻣﺎﻣﺎ ﺧﻠﺘﻬﺎ ﺑﺴﻠﻪ ﻭﻏﻠﻔﺘﻬﺎ ﺑﻨﺎﻳﻠﻮﻥ ﻭﺿﻤﺘﻬﺎ ﻟﻠﻌﻴﺪ ..
ﺑﺎﻭﻋﺖ ﻛﺘﻠﻬﺎ ﻣﺎﻣﺎ ﺑﺎﻟﻌﻴﺪ ﻭﻳﻦ ﻧﻄﻠﻊ .. ﺟﺎﻥ ﻛﺎﻟﺖ ﻟﻠﺒﻴﺘﻠﻨﺪﻩ .. ﻛﺘﻠﻬﺎ ﺍﻳﻮﻭﻭﻭﻭﻭﻭﻭﻭﻭﻭ ﻭﺍﻟﻠﻪ ﻣﻌﻠﻴﻪ ﺍﻃﻠﻌﻴﻨﻪ ﻣﻠﻴﻨﻪ ﻣﻦ ﺍﻟﺒﻴﺘﻠﻨﺪﻩ ﻭﺍﻟﻤﻄﺒﺨﻠﻨﺪﻩ
ﺍﻻﻡ .. ﻫﻬﻬﻬﻬﻪ ﻟﻌﺪ ﻭﻳﻦ ﻧﺮﻭﺡ ﻳﺎ ﻣﺎﻣﺎ ﻫﻴﻪ ﺷﻮ ﺻﺎﻳﺮﻩ ﻫﻮﺳﻪ ﻭﺍﻧﻔﺠﺎﺭﺍﺕ ﺍﺳﺘﺮﻱ ﻋﻠﻴﻨﻪ
ﺑﺮﺍﺀ .. ﻣﺎﻣﺎ ﻫﺎﻱ ﻣﺎﻝ ﺍﻻﻧﻔﺠﺎﺭﺍﺕ ﻋﻮﻓﻴﻬﺎ ﻋﻠﻰ ﺻﻔﺤﻪ ﺍﻟﻌﺮﺍﻕ ﺻﺎﺭﻟﻪ ١٢ ﺳﻨﻪ ﺑﺲ ﺍﻧﻔﺠﺎﺭﺍﺕ ﺷﻠﻮﻥ ﺑﻠﻠﻪ ﻣﻨﻌﻴﺶ ..
ﻭﻳﺪﺭﻛﻜﻢ ﺍﻟﻤﻮﺕ ﻭﻟﻮ ﻛﻨﺘﻢ ﻓﻲ ﺑﺮﻭﺝً ﻣﺸﻴﺪﻩ .. ﻳﻌﻨﻲ ﺍﺣﻨﻪ ﺍﻭﻝ ﻭﺗﺎﻟﻲ ﻣﻴﺘﻴﻦ ﻣﻴﺘﻴﻦ ﻋﺎﺩ ﺧﻞ ﻧﻤﻮﺕ ﻭﺍﺣﻨﻪ ﻣﺘﻮﻧﺴﻴﻦ ﻣﻮ ﻣﻨﺠﻔﻠﻴﻦ ﻭﻧﺎﻳﻤﻴﻦ ﺑﺎﻟﻔﺮﺍﺵ ﻧﺒﺎﻭﻉ ﺗﻠﻔﺰﻳﻮﻥ ﺣﺮﺍﻡ ﻋﻠﻴﺞ ﻣﺎﻣﺎ
ﺍﻻﻡ .. ﻳﻨﻜﺪﺭ ﻟﻠﺴﺎﻧﺞ ﻻ ﻭﺍﻟﻠﻪ ﺑﻠﻪ ﻫﻠﻠﻐﻮﻩ ﻭﺭﻭﺣﻲ ﻛﻠﻲ ﺍﻟﻜﺒﻪ ﺑﻌﺪ ﺳﺎﻋﻪ ﻟﻠﻔﻄﻮﺭ
ﺑﺮﺍﺀ .. ﻫﺴﻪ ﻋﻮﻓﻴﻨﻪ ﻣﻦ ﺍﻟﻜﺒﻪ ﺍﺭﻳﺪ ﺍﺣﺠﻲ ﻭﻳﺎﺝ ﺑﻤﻮﺿﻮﻉ
ﺍﻻﻡ .. ﻳﻠﻄﻼﺑﻪ ﻣﺘﺨﻠﺺ ﻭﻳﻪ ﺑﺮﺍﺀ .. ﻛﻮﻟﻲ ﺷﺮﺍﻳﺪﻩ
ﺑﺮﺍﺀ .. ﺍﺭﻳﺪ ﺍﺷﺘﻐﻞ
ﺍﻻﻡ .. ﺷﻨﻮ ﺷﻨﻮ ﻳﻤﻪ ﺟﺪﻳﺪﻩ ﻫﺎﻱ ﻣﺎﻝ ﺍﺷﺘﻐﻞ .. ﺷﻤﻘﺼﺮﻩ ﻋﻠﻴﺞ ﻭﻟﺞ ﺍﺷﻮ ﺍﻻﻳﺠﺎﺭ ﺍﻻﺳﺘﻠﻤﻪ ﻧﺼﻪ ﺑﺤﻠﻜﺞ
ﺑﺮﺍﺀ .. ﻣﺎﻣﺎ ﻣﻮ ﻗﺼﺔ ﻣﻘﺼﺮﻩ .. ﺑﺲ ﺗﺮﻩ ﻭﺍﻟﻠﻪ ﺿﻮﺟﻪ ﻭﺧﻠﻴﻨﻲ ﺍﻋﺘﻤﺪ ﻋﻠﻰ ﺣﺎﻟﻲ ﺷﻮﻱ .. ﻭﻣﻜﺎﻥ ﺍﻟﺸﻐﻞ ﻣﻮ ﺑﻌﻴﺪ ﻗﺮﻳﺐ ﻫﻴﺎﺗﻪ ﺑﺴﻮﻙ ﺷﻼﻝ
ﺍﻻﻡ .. ﻫﻠﻪ ﻫﻠﻪ ﺑﺴﻮﻙ ﺷﻼﻝ ﻣﻜﺎﻳﻠﻪ ﺷﻲ .. ﻭﻟﺞ ﻳﻤﻪ ﺳﺘﺮﻱ ﻋﻠﻴﻪ ﺍﻟﺴﻮﻙ ﻣﻠﻴﺎﻥ ﻧﺎﺱ ﻣﻮ ﺯﻳﻨﻪ ﺷﺘﻌﺮﻓﻴﻦ ﻋﻨﻬﻢ ﻭﺗﺮﺣﻴﻦ ﺗﺸﺘﻐﻠﻴﻦ ﻫﻨﺎﻙ ﻭﺍﻧﺘﻲ ﺑﻨﻴﻪ
ﺑﺮﺍﺀ .. ﻳﻮﻭﻭﻡ ﻗﺎﺑﻞ ﺣﻴﺎﻛﻠﻮﻧﻲ ﻫﻮﻩ ﻫﻨﺎ ﻳﻤﺞ ﻣﺸﻲ ﺩﻗﻴﻘﺘﻴﻦ ﺗﻮﺻﻠﻴﻠﻲ ﻭﺍﺷﺘﻐﻞ ﺑﻤﺤﻞ ﻧﺴﺎﺋﻲ ﻭﻳﻪ ﺍﺧﻮ ﺻﺪﻳﻘﺘﻲ
ﺍﻻﻡ .. ﻭﻣﻨﻮ ﻫﺎﻱ ﺻﺪﻳﻘﺘﺞ ﺍﻧﻮﻭﻭﺏ
ﺑﺮﺍﺀ .. ﺍﺗﻌﺮﻓﺖ ﻋﻠﻴﻬﺎ ﺟﺪﻳﺪ ﺑﻤﺪﻳﻨﺔ ﺍﻟﻌﺎﺏ ﺑﻐﺪﺍﺩ ﻭﻃﻠﻌﺖ ﻗﺮﻳﺒﻪ ﻋﻠﻰ ﺑﻴﺘﻨﺎ ﻭﺍﺧﺬﺕ ﺭﻗﻤﻬﺎ ﻭﻛﻤﻨﺎ ﻧﺘﻮﺍﺻﻞ .. ‏( ﺧﻮﺵ ﻓﻠﻢ ﺍﺻﻠﻲ ‏) ﻫﺴﻪ ﺷﻜﻠﺘﻲ
ﺍﻻﻡ .. ﻛﻠﺖ ﻭﺟﻌﻪ ﺑﻜﻠﺒﺞ ﻛﻮﻭﻭﻭﻭﻭﻭﻭﻭﻭﻣﻲ ﻛﻠﻠﻠﻠﻠﻲ ﺍﻟﻜﺒﻪ
ﺑﺮﺍﺀ .. ﺍﻱ ﺍﻱ ﻓﺎﻟﺤﻪ ﺑﺲ ﺑﺎﻟﺼﻴﺎﺡ ﻋﻠﻴﻪ .. ﺑﺲ ﻣﺎﻛﻮ ﻣﺴﺎﻋﺪﻩ ﺍﻭ ﻣﺴﺎﻧﺪﻩ ﺑﺲ ﺭﺯﺍﻳﻞ .. ﺭﺣﺖ ﻟﻠﻤﻄﺒﺦ
ﺍﻻﻡ .. ﻳﺒﻮﻭﻭ .. ﺑﺮﺍﺀ ﻭﺟﻠﺒﺘﻠﻬﺎ ﺑﺴﺎﻟﻔﻪ ﺟﺪﻳﺪﻩ ﺑﻌﺪ ﻣﺘﻔﻜﻨﻪ
ﺑﺮﺍﺀ .. ﺍﻱ ﺍﻱ ﻣﺎ ﺍﻋﻮﻓﻬﺎ ﺍﻟﺸﻐﻠﻪ ﺍﻻ ﺍﺳﻮﻳﻬﺎ ﻭﺍﻧﻲ ﻛﺘﻠﺞ ﺍﺭﻳﺪ ﺍﺷﺘﻐﻞ .. ﺍﺣﺠﻲ ﻭﺍﻧﻲ ﻣﻄﻠﻌﻪ ﺭﺍﺳﻲ ﻣﻦ ﺑﺎﺏ ﺍﻟﻤﻄﺒﺦ ﻟﻠﺼﺎﻟﻪ ﺍﺑﺎﻭﻉ ﻻﻣﻲ
ﻛﻤﻠﺖ ﺍﻟﻜﺒﻪ ﻭﺍﻟﺒﻮﺭﻙ .. ﻭﺧﺎﻟﺘﻲ ﻣﺴﻮﻳﻪ ﺗﻤﻦ ﻭﺑﺎﻣﻴﻪ ﺑﻠﺤﻢ .. ﺣﻈﺮﻧﺎ ﺍﻟﻠﺒﻦ ﻭﺍﻟﺘﻤﺮ ﻭﺍﻟﻌﺼﺎﺋﺮ ﻛﺎﻝ ﺍﻟﻠﻪ ﺍﻛﺒﺮ ﻓﻄﺮﻧﺎ
ﺑﻌﺪ ﻣﺎ ﻓﻄﺮﻧﺎ ﻭﺻﻠﻴﻨﻪ ﻭﻧﻀﻔﻨﻪ ﺭﺣﻨﻪ ﺍﻟﻐﺮﻓﻨﻪ ﺩﺧﻠﺖ ﺑﻨﺖ ﺧﺎﻟﺘﻲ ﺭﺷﺎ ﻣﻨﺰﻟﻪ ﻗﻤﻴﺼﻬﺎ ﻭﻓﺎﺗﺤﻪ ﻛﺎﻣﻴﺮﺍ .. ﻛﺘﻠﻬﺎ ﻫﺎﻱ ﻭﻳﺎﻣﻦ ﺩﺗﺤﺠﻴﻦ ﻋﺪﻟﺖ ﻗﻤﻴﺼﻬﺎ ﻭﻛﺎﻟﺖ .
ﺭﺷﺎ .. ﺷﻌﻠﻴﺞ ﻛﺎﻋﺪ ﺍﺣﺠﻲ ﻭﻳﻪ ﺻﺪﻳﻘﺘﻲ ..
ﺑﺮﺍﺀ .. ﻫﺎﺍﺍﺍ ﻭﺍﻟﺘﺤﺠﻲ ﻭﻳﻪ ﺻﺪﻳﻘﺘﻬﺎ ﺗﻨﺰﻝ ﻗﻤﻴﺼﻬﺎ ﻭﺗﻄﻠﻊ ﺟﺰﺀ ﻣﻼﺑﺴﻬﺎ
ﺭﺷﺎ .. ﺍﻧﺘﻲ ﺧﻠﻴﺞ ﺑﻴﺤﻴﻰ ﺍﻟﻜﺘﻠﻮﻧﻲ ﻭﻣﻌﻠﻴﺞ ﺑﺎﻟﻨﺎﺱ
ﺑﺮﺍﺀ .. ﻧﻌﻢ ﻧﻌﻢ ﻭﻣﻨﻮ ﻫﺬﺍ 👉 ﻳﺤﻴﻰ ﺍﻟﻜﺘﻠﻮﻧﻲ
ﺭﺷﺎ .. ﺣﺒﻴﺐ ﺍﻟﻜﻠﺐ ﺍﻟﻠﻲ ﻋﺮﺽ ﻋﻠﻴﺞ ﺷﻐﻞ ﺑﺎﻟﺴﻮﻙ .. ﺣﺘﻪ ﻳﺸﻮﻑ ﺷﻐﻠﻪ ﻭﻳﺎﺝ ﻋﻠﺮﺍﺣﻪ
ﺑﺮﺍﺀ .. ﺿﺮﺑﺘﻬﺎ ﻛﺘﻠﻬﺎ ﻭﺍﻟﻠﻪ ﺍﺫﺍ ﺳﻤﻌﺖ ﻛﻠﻤﻪ ﺯﺍﻳﺪﻩ ﻣﻨﺞ ﺍﺫﺑﺤﺞ
ﺭﺷﺎ .. ﻭﺍﻟﻠﻪ ﺗﺴﻜﺘﻴﻦ ﺍﺳﻜﺖ ﻣﺘﺴﻜﺘﻴﻦ ﺍﻧﻲ ﻫﻢ ﺍﺣﺠﻲ ..
ﺑﺮﺍﺀ .. ﺍﻧﻲ ﺍﺷﺮﻑ ﻣﻨﺞ ﻳﺎ ﻗﺬﺭﻩ ﻣﺮﺧﺼﺖ ﻧﻔﺴﻲ ﻭﻻ ﻓﺘﺤﺖ ﻛﺎﻣﺮﺍ .. ﻭﺍﻟﻮﻟﺪ ﻣﺠﺮﺩ ﺻﺪﻳﻖ ﺍﺗﻌﺮﻓﺖ ﻋﻠﻴﻪ ﺟﺪﻳﺪ ﻭﻣﺎﻛﻮ ﺷﻲ ﺛﺎﻧﻲ
ﺑﺲ ﺍﺫﺍ ﺣﺎﺑﻪ ﺍﻛﻮﻝ ﻻﺑﻮﺝ ﺑﻨﺘﻚ ﺗﻔﺘﺢ ﻛﺎﻣﺮﻩ ﻭﻃﻠﻊ ﺻﺪﺭﻫﺎ ﺗﻌﺮﻓﻴﻦ ﺷﻴﺴﻮﻭﻥ ﺑﻴﺞ .. ﺑﺘﺎﻟﻲ ﺍﻧﻲ ﻣﺎ ﻋﻨﺪﻱ ﻏﻴﺮ ﺍﻣﻲ ﻭﻣﺮﺑﻴﺘﻨﻲ ﺍﺣﺴﻦ ﺗﺮﺑﻴﻪ
ﻣﻮ ﻣﺜﻠﺞ ﺍﻡ ﻭﺍﺏ ﻭﻣﺎ ﻋﺮﻓﻮ ﻳﺮﺑﻮﺝ .. ﻭﻳﻠﻪ ﺍﻃﻠﻌﻲ ﻣﻦ ﻏﺮﻓﺘﻲ ..
ﺭﺷﺎ .. ﻫﺎﻱ ﻣﻮ ﻏﺮﻓﺘﺞ ﻣﺎ ﻳﻌﺠﺒﺞ ﺍﻧﺘﻲ ﺍﻃﻠﻌﻲ ..
ﺑﺮﺍﺀ .. ﻫﺎﺍﺍ ﻫﻴﺞ .. ﺟﺮﻳﺖ ﻣﻼﺑﺴﻬﺎ ﻭﺷﻤﺮﺗﻬﻢ ﻭﺟﺮﻳﺘﻬﺎ ﺟﺮ ﻣﻦ ﺷﻌﺮﻫﺎ ﻭﻫﻴﻪ ﺗﺨﺮﻣﺶ ﻭﺷﻤﺮﺗﻬﺎ ﺑﺮﻩ ﻭﻗﻔﻠﺖ ﺍﻟﺒﺎﺏ
ﺑﻘﺖ ﺍﺩﻙ ﻭﺗﺼﻴﺢ ﺑﺎﻟﺒﺎﺏ .. ﺍﺟﺖ ﺧﺎﻟﺘﻲ ﻭﺭﺟﻠﻬﺎ ﻭﺍﻣﻲ ﻭﻫﻴﻪ ﺗﺒﺠﻲ ﻭﺗﺘﻤﺴﻜﻦ ﻭﺍﺑﻮﻫﺎ ﻳﻐﻠﻂ ﻭﻳﻔﺸﺮ ﻭﺻﻴﺎﺣﻪ ﻣﻠﻪ ﺍﻟﺒﻴﺖ
.. ﺭﺍﺩﺕ ﺗﺤﺠﻲ ﻛﺎﻟﺖ ﺧﺎﻟﻪ ﻃﺮﺩﺗﻨﻲ ﻻﻥ … ﻓﺘﺤﺖ ﺍﻟﺒﺎﺏ
ﻭﺑﺎﻭﻋﺘﻠﻬﺎ ﻛﺘﻠﻬﺎ ﺍﻱ ﻛﻮﻟﻲ ﻻﻥ ﺷﻨﻮ ﻭﺭﺍﻓﻌﺘﻠﻬﺎ ﺣﺎﺟﺐ .. ﺍﻣﻲ ﻛﺎﻟﺖ ﺑﺮﺍﺀ ﻟﺘﺘﺨﺒﻠﻴﻦ .. ﻛﺘﻠﻬﺎ ﻻ ﺍﺷﻮ ﺍﺭﻳﺪ ﺍﺗﺨﺒﻞ ﻭﻣﺤﺪ ﻳﻠﺰﻣﻨﻲ
ﻫﺬﺍ ﺑﻴﺖ ﺍﺑﻮﻳﻪ ﻭﺍﻧﻲ ﺣﺮﻩ ﺑﺎﻟﻠﻲ ﺍﺳﻮﻳﻪ ﺗﺠﻲ ﺗﺘﺠﺎﻭﺯ ﻋﻠﻴﻪ ﺍﺧﻠﻲ ﺭﺟﻠﻲ ﺑﺤﻠﻜﻬﺎ ﻭﺍﺷﻜﻪ ﻭﻛﻠﻤﻪ ﺛﺎﻧﻴﻪ ﻭﺍﻟﻠﻪ ﺍﺗﺨﺒﻞ ﺯﺍﻳﺪ ﻭﺍﻃﺮﺩﻫﻢ ﻛﻠﻬﻢ ﻣﻦ ﺑﻴﺖ ﺍﺑﻮﻳﻪ ﻭﺍﻟﻠﻪ
ﺍﻣﻲ ﺿﺮﺑﺘﻨﻲ ﻭﺑﻘﺖ ﺗﺼﻴﺢ ﺳﺪﻳﺖ ﺍﻟﺒﺎﺏ ﻭﻛﻤﺖ ﺍﺑﺠﻲ .. ﺍﻭﻭﻭﻑ ﺑﺎﺑﺎ ﻟﻮ ﺍﻧﺘﻪ ﻫﻨﺎ ﺟﺎﻥ ﻛﻞ ﻫﺬﺍ ﻣﺼﺎﺭ ﻣﻮ ﺟﺎﻱ ﺭﺟﺎﻝ ﻣﻬﺘﻠﻒ ﻣﺜﻞ ﺭﺟﻞ ﺧﺎﻟﺘﻲ ﻭﺻﺎﻳﺮ ﻋﻠﻴﻨﻪ ﺭﺟﺎﻝ ﻭﻳﻐﻠﻂ ﻭﻳﻔﺸﺮ ﻋﻠﻴﻪ
ﺑﻘﻴﺖ ﺍﺑﺠﻲ ﻟﺤﺪ ﻣﺎ ﻏﻔﻴﺖ ﻟﺸﻮﻱ ﺩﻛﺖ ﻋﻠﻴﻪ ﺍﻟﺒﺎﺏ ﻣﺎﻣﺎ ﻛﺎﻟﺖ ﺗﻌﺎﻟﻲ ﺍﺗﺴﺤﺮﻱ .. ﻛﺘﻠﻬﺎ ﺍﻛﻞ ﺯﻗﻨﺒﻮﺕ ﻣﺎ ﺍﺭﻳﺪ ﺳﻮﻱ ﺳﺤﻮﺭ ﻭﺍﻧﻄﻲ ﺍﻛﻞ ﻻﺧﺘﺞ ﻭﻟﺮﺟﻠﻬﺎ ﻭﺑﺘﻬﺎ ﻋﻮﻓﻴﻨﻲ ﺑﺤﺎﻟﻲ
ﺑﻘﺖ ﺍﺩﻙ ﻣﺎ ﻃﻠﻌﺖ .. ﺍﺧﺮ ﺷﻲ ﻛﺎﻟﺖ ﻋﻔﺘﻠﺞ ﻣﻲ ﻋﻠﺒﺎﺏ ﺍﺧﺬﻳﻪ ﻻﺗﺼﻴﺮﻳﻦ ﻣﺨﺒﻠﻪ ﻭﺭﺍﺝ ﺻﻮﻡ .. ﺳﻤﻌﺘﻬﺎ ﻧﺰﻟﺖ ..
ﻓﺘﺤﺖ ﺍﻟﺒﺎﺏ ﻟﻜﻴﺖ ﻣﺨﻠﻴﻪ ﺻﻴﻨﻴﻪ ﺯﻏﻴﺮﺓ ﺑﻴﻬﺎ ﻟﻔﺔ ﺟﺒﻦ ﻭﻣﻲ ﺑﺎﺭﺩ .. ﺍﺧﺬﺕ ﺍﻟﻤﻲ ﺷﺮﺑﺘﻪ ﻭﻋﻔﺖ ﺍﻟﻠﻔﻪ .. ﺭﺣﺖ ﻗﺮﻳﺖ ﻗﺮﺍﻥ ﺷﻮﻱ ﻟﺤﺪ ﻣﺎ ﺻﺎﺭ ﺍﻟﺼﻼﺓ
ﻃﻠﻌﺖ ﺗﻮﺿﻴﺖ .. ﺟﺎﻥ ﺗﻄﻠﻊ ﺍﻣﻲ ﺑﻮﺟﻬﻲ ﺭﺩﺕ ﺍﻣﺸﻲ .. ﻟﺰﻣﺘﻨﻲ .. ﻭﺣﻀﻨﺘﻨﻲ
ﺍﻻﻡ .. ﻳﻤﻪ ﻻ ﺗﻀﻮﺟﻴﻦ ﻓﺪﻭﻩ ﻟﻌﻴﻨﺞ .. ﻳﻤﻪ ﺷﺮﺍﻳﺪﻩ ﻏﻴﺮ ﺳﻌﺎﺩﺗﺞ .. ﺷﻌﻨﺪﻱ ﻏﻴﺮﺝ .. ﺑﺲ ﻳﻴﻤﻪ ﺍﺣﻨﻪ ﺛﻨﻴﻨﻪ ﻧﺴﻮﺍﻥ .. ﻭﺍﻟﺪﻧﻴﺎ ﻣﺎ ﺗﺮﺣﻢ ﻳﺒﻨﻴﺘﻲ .. ﺍﻟﻒ ﻛﻠﻤﻪ ﻳﺸﻤﺮﻭﻫﺎ ﻋﻠﻴﻨﻪ ﺣﺘﻪ ﻟﻮ ﺷﺮﻳﻔﺎﺕ
ﺭﺟﻞ ﺧﺎﻟﺘﺞ ﺣﺘﻪ ﻟﻮ ﻣﻮ ﺯﻳﻦ ﺍﺳﻤﻪ ﺭﺟﺎﻝ ﺑﺎﻟﺒﻴﺖ .. ﻳﻤﻪ ﺍﻟﺒﻴﺖ ﺑﻴﺖ ﺍﺑﻮﺝ .. ﻭﺍﻟﻠﻪ ﻟﻌﺒﺘﻠﺞ ﺑﻴﻬﻢ ﺟﻮﻟﻪ ﻫﺴﻪ ﻻﻥ ﺭﺷﺎ ﻣﺘﺠﺎﻭﺯﻩ ﻋﻠﻴﻚ ﺑﺲ ﻟﺘﻘﻬﺮﻳﻦ ﻧﻔﺴﺞ
ﺑﺮﺍﺀ .. ﻳﻮﻡ ﺗﻐﻠﻂ ﻭﺗﺘﺠﺎﻭﺯ ﺑﺎﻋﻲ ﺑﺎﻋﻲ .. ﺷﻮﻓﺘﻬﺎ ﺭﻛﺒﺘﻲ ﺷﻠﻮﻥ ﻣﺨﺮﻣﺸﺘﻬﺎ ﻭﺟﺎﺭﻳﻪ ﺩﻡ
ﺍﻻﻡ .. ﻛﺴﺮ ﺑﻴﺪﻫﺎ ﺍﻧﺸﺎﻟﻠﻪ .. ﻟﺘﻨﻘﻬﺮﻳﻦ ﺣﺒﻴﺒﺘﻲ ﻧﺰﻟﺖ ﺍﻟﺤﻘﻴﺮﻩ ﻧﺎﻣﺖ ﻳﻢ ﺍﻣﻬﺎ ﻭﺍﺑﻮﻫﺎ ﺧﻠﻴﻬﺎ ﻳﻄﺒﻬﺎ ﻣﺮﺽ ﺍﺭﺗﺎﺣﻲ ﺍﻧﺘﻲ ﺑﻐﺮﻓﺘﺞ ﻭﻻ ﺗﻀﺎﻳﻘﻴﻦ ﻧﻔﺴﺞ
ﺑﺮﺍﺀ .. ﻣﺎﻣﺎ ﻣﻮ ﺭﺍﺣﻪ ﻫﺎﻱ ﺍﺩﺧﻞ ﻋﻠﻴﻬﺎ ﺍﻟﻜﺎﻫﺎ ﻓﺎﺗﺤﻪ ﻛﺎﻣﺮﺍ ﻭﻳﻪ ﻭﻟﺪ ﻭﻣﻦ ﺍﻫﺪﺩﻫﺎ ﺑﻌﻴﻦ ﺻﻠﻔﻪ ﺗﻜﻮﻟﻲ ﻓﺘﺸﺖ ﺑﺠﻬﺎﺯﺝ ﻭﺗﺠﻴﺐ ﺍﺳﻢ ﻭﻟﺪ ﺻﺪﻳﻖ ﻭﺗﺴﻮﻱ ﻋﻠﻰ ﺍﺳﺎﺱ ﺑﻴﻨﺎﺗﻨﺎ ﻋﻼﻗﻪ ﻭﺗﻬﺪﺩﻧﻲ ﺑﻴﻬﺎ
ﺍﻻﻡ .. ﻳﻤﻪ ﺍﺳﻢ ﺍﻟﻠﻪ ﺗﻔﺘﺢ ﻛﺎﻣﺮﻩ ﺷﻠﻮﻥ .. ﺩﻳﺮﺑﺎﻟﺞ ﻣﻨﻬﺎ ﻳﻤﻪ ﻋﻮﻓﻴﻬﺎ ﻭﺍﺭﺗﺎﺣﻲ ﻣﻌﻠﻴﻚ ﺑﻴﻬﺎ ﺑﻨﻴﺘﻲ ﺍﻧﺘﻲ ﻭﺍﻋﺮﻑ ﺷﻨﻮ ﺗﺮﺑﻴﺘﺞ ﻣﻴﺤﺘﺎﺝ ﺗﺴﻮﻟﻔﻠﻲ ﻫﻴﻪ
ﺑﺮﺍﺀ .. ﺑﺴﺖ ﺭﺍﺱ ﻣﺎﻣﺎ ﻭﺩﺧﻠﺖ ﻟﻠﻐﺮﻓﻪ ﺻﻠﻴﺖ ﻭﺭﺣﺖ ﻟﻠﻔﺮﺍﺵ ﻓﺘﺤﺖ ﻧــــ 📡 ــﺖ ﻟﻜﻴﺖ ﻳﺤﻴﻰ ﻣﺮﺍﺳﻞ ﻛﻮﻣﻪ
ﺍﻧﻄﻴﺘﻪ ﻻﻳﻚ .. ﺑﺴﺮﻋﻪ ﺷﺎﻓﻪ ﻭﺟﺎﻭﺏ ..
ﻳﺤﻴﻰ 💬💬 ﻟﺞ ﻫﺎﻱ ﻭﻳﻨﺞ ﻳﻤﻌﻮﺩﻩ ﻣﻦ ﺍﻟﺒﺎﺭﺣﻪ ﻟﻠﻴﻮﻡ ﻣﺎﻛﻮ
ﺑﺮﺍﺀ .. ﻻ ﻫﻴﺞ ﺟﻨﺖ ﻣﺸﻐﻮﻟﻪ ﺗﻌﺮﻑ ﺗﻨﻀﻴﻔﺎﺕ ﻋﻴﺪ ﻭﻣﺨﺒﻮﺻﻴﻦ
ﻳﺤﻴﻰ 💬💬 ﻫﺎﺍﺍﺍ ﺍﻛﻮﻝ ﻫﺎﻱ ﻭﺣﺪﻩ ﺍﺳﻤﻬﺎ ﻛﺒﺮﻳﺎﺋﻲ ﻛﺎﺗﻠﻬﻢ ﺩﺯﺗﻠﻲ ﻃﻠﺐ ﻭﺗﺘﻐﺰﻝ ﺷﻔﺘﻬﺎ ﺻﺪﻳﻖ ﻣﺸﺘﺮﻙ ﺑﻴﻨﺎ
ﺑﺮﺍﺀ .. ﻫﻬﻬﻪ ﻫﺎﻱ ﺑﻨﺖ ﺧﺎﻟﺘﻲ ﻛﺒﺮﻳﺎﺋﻲ ﻛﺎﺗﻠﻬﻢ ﻭﻫﻴﻪ ﺣﺼﻠﺘﻠﻬﺎ ﻛﺘﻠﻪ ﻣﻌﺪﻟﻪ .. ﺧﺮﺭﺭﺭﺏ ﺑﺎﻟﺤﻆ ﺷﻠﻮﻥ ﻧﺎﺱ
ﻳﺤﻴﻰ .. ﻳﻌﻨﻲ ﺗﺼﻴﺮ ﺑﻨﺖ ﺧﺎﻟﺘﺞ
ﺑﺮﺍﺀ .. ﺍﻳﻴﻲ ﺑﻨﺖ ﺧﺎﻟﺘﻲ
ﻳﺤﻴﻰ .. ﻭﺷﻌﺪﻫﺎ ﻭﻳﺎﻱ .. ﻟﺤﻀﻪ ﺍﺳﻮﻳﻠﺞ ﺳﻜﺮﻳﻦ ﺷﻮﺕ ﻟﻤﺤﺎﺩﺛﺘﻬﺎ .. ﺻﻮﺭﺕ ﺍﻟﻤﺤﺎﺩﺛﻪ ﻭﺑﻌﺜﺘﻬﺎ
ﺑﺮﺍﺀ .. ﺑﻌﺜﻠﻲ ﺍﻟﺼﻮﺭ ﻛﺒﺮ ﻭﺍﻟﻠﻪ ﻓﺸﻠﻪ ﺗﻨﺤﺴﺐ ﺑﻨﺖ ﺧﺎﻟﺘﻲ ﺷﻠﻮﻥ ﺯﺍﺣﻔﺘﻠﻪ .. ﻛﺘﻠﻪ ﺍﻋﺘﺬﺭ ﻟﻜﻦ ﺑﻨﺖ ﺧﺎﻟﺘﻲ ﻫﺬﻱ ﺷﻮﻱ ﻣﻮ ﺭﺍﺣﻪ
ﻗﺒﻞ ﺷﻮﻱ ﺗﻌﺎﺭﻛﺖ ﺍﻧﻲ ﻭﻳﺎﻫﺎ ﻭﻃﺮﺩﺗﻬﺎ ﻣﻦ ﻏﺮﻓﺘﻲ
ﻳﺤﻴﻰ .. ﻟﻴﺶ ﻫﻴﻪ ﻋﺎﻳﺸﻪ ﻭﻳﺎﻛﻢ ..
ﺑﺮﺍﺀ .. ﺍﻱ ﻭﻳﺎﻧﻪ ﻻﻥ ﺑﺲ ﺍﻧﻲ ﻭﻣﺎﻣﺎ ﻋﺎﻳﺸﻴﻦ ﺑﺎﻟﺒﻴﺖ ﻟﺬﻟﻚ ﺍﺟﻮ ﺑﻴﺖ ﺧﺎﻟﺘﻲ ﻛﻌﺪﻭ ﻭﻳﺎﻧﻪ
ﻳﺤﻴﻰ .. ﻟﻴﺶ ﻣﺎﻛﻮ ﺍﺥ ﺍﺏ ﻭﻳﻦ
ﺑﺮﺍﺀ .. ﺍﺥ ﻣﺎ ﻋﻨﺪﻱ ﻭﺍﺑﻮﻳﻪ ﺍﻧﻘﺘﻞ ﺑﺎﻟﻄﺎﺋﻔﻴﻪ ..
ﻳﺤﻴﻰ .. ﺍﻫﺎ ﺍﺳﻒ ﺍﻟﺒﻘﻴﻪ ﺑﺤﻴﺎﺗﺞ .. ﻭﺍﻟﻌﻮﺽ ﻣﻦ ﺍﻟﻠﻪ
ﺑﺮﺍﺀ .. ﻳﺴﻠﻤﻮ ﻭﺣﻴﺎﺗﻚ ﺍﻟﺒﺎﻗﻴﻪ ..
ﻳﺤﻴﻰ .. ﻣﻜﻠﺘﻴﻠﻲ .. ﺣﺘﺸﺘﻐﻠﻴﻦ ﻭﻳﺎﻧﻪ ﺑﺎﻟﺴﻮﻙ ﻟﻮ ﻟــ NO ـﺎ ..
ﻳﺘﺒﻊ
اضافة تعليق للاستمرار باالقصه