اسفة مره تانية علي التأخير وياريت
تشجعوني لاني والله نفسية واحشة وبجد
بفكر مكملش الرواية مفيش تفاعل ولا كلام
حلو الواحد بتشجيع بية والله لولا صاحبيتي
شجعتني اني اكتب مكنتش كتبت وهيا ايمان
وبقولها شكرا جدا ياريت تشجعوني وتقولولي
لو هيا وحشة مش هكملها بس مكتبش علي
الفاضي ياريت تعملولي ڨوت وكومنت
وتقولولي رايكم نبدا الرواية
____________________________________
في صباح يوم جديد
في منزل ملك
الفون بيرن
ملك : يووووة هو الواحد ميعرفش ينام شوية
الو ازيك يامستر مازن في حاجة
مازن : اسف ياملك صحبتك في الوقت دا بس كنت عاوز اقولك هعدي عليكي كمان ساعتين تكوني جاهزة ومجهزة هدومك وكل حاجتك
ملك باستغراب لية يامستر مازن
مازن : احم ورنا صافقة في مطروح وهتيجي معانا
ملك : هو لازم اروح
مازن : بصراحة ايوا علشان انتي السكرتيرة الخاصة ولازم تكون موجودة
ملك : تمام بس ماما مش هتوافق اني اسافر معاكم لوحدي
مازن : لا متخافيش مش هتبقي لوحدك اصل مستر زين هيجيب معا عيلتة يعني مامتة وكمان خالتو وقمر وكريم كلهم هيكونو موجودين وبعدين انتي عرفتيهم وشوفتيهم يعني هتكوني براحتك
ملك : تمام مستر مازن هشوف ماما وأبلغ حضرتك
مازن : تمام وانا هعدي عليكي واقول لمامتك كمان سلام
ملك : سلام
قفلت ملك مع مازن وطلعت برة لقت مامتها قاعدة وجنة بتلعب مع العروسة بتعتها
ملك : صباح الخير ياماما
ام ملك : صباح النور ها هتروحي الشغل
ملك : لا انا هسافر ورايا شغل في مطروح
ام ملك : مش فاهمه ازاي
ملك : ما هو دا الموضوع كنت جاية اقولك علية مديري كلمني من شوية وقالي في شغل هناك ولازم اروح
ام ملك : طب هو انتي ولازم تروحي حد تاني يروح مكانك
ملك : ياماما انا السكرتيرة الخاصة ولازم اروح
ام ملك : احنا اتفقنا مفيش بيات برة البيت تقومي تسافري وتقعدي كام يوم لوحدك مع رجالة كمان لا ياملك
ملك : ياماما والله مش لوحدي عائلة صاحب الشركة جاية معانا وبعدين اخو صاحب الشركة زميلي في الكلية يعني عارفاهم وعارفة عيلتة
