رواية لبوة ثائر
للكاتبة M. A. M
بارت 16
يگلي ..
أحس وياچ صرت أنسان عايش كُلشي ميهمه
دام بصفي وتضحكين
عساها الدُنيا متهدمه
༺༽ثائر༼༻
كال ـ شيخ خلص لا توصلوها لدم و اولاد تروح بيها انه مستعد انطي بنتي فصيله بس تنسد هاي سالفه
تركته و باوعت على يالي يحجي جان ابو محمد
الشيخ عذاب ـ انته شنو كاعد تحجي
ابو محمد ـ جا يا شيخ ترضاها تصير دم بسببي انه جنت سبب مشكله من البداية و انه اسدها
ثائر ـ انته شكاعد تحجي هذا من كل عقله كاعد يحجي لو شنو
ضاري ـ ثائر اهدء خل نفهم
ثائر ـ شنفهم يابه مجاي تشوفه شنو يحجي انته تدري جاي تقدم بنتك للموت بيدك لو لا....
الشيخ عذاب ـ ابو محمد ترا قرارك هذا محد يتحمل ذنبه غيرك تشيل ذنب بنتك انته احنه مالنا دخل طلبة امان و احنه لو نموت منخلي احد يطخك
ضاري ـ ابو محمد ترا جاي تنطي بنتك للموت بيدك
ابو محمد ـ شيخ انه قررت ماريد مشاكل تزيد بين العشيرتين راح انطي بنتي جبيرة الهم
الشيخ عذاب ـ اشكد عمرها
ابو محمد ـ 16
ثائر ـ استغفرالله انوب يكلولي اسكت لك انته عقلك وينه متكلي
حسام ـ ابو محمد انته من كل عقلك تحجي
قاطعنه شخيهم و گال
ـ اذا هذا قرارك النهائي احنه نقبل و البنيه نزوجها من ابن اخويه اياد
باوعت على الشيخ اريده يرفض جان يكول
الشيخ عذاب ـ البنيه متروح فصيله اذا تردوها تاخذوها حالها حال اي بنيه و اذا لا فاحنه جاهزين لدم لا عبالكم نخاف يا شيخ ترا عدنه ولد يوكفون بوجه الموت و ميخافون
اياد ـ شنو قصدك يعني
الشيخ عذاب ـ يعني تجي تعقد عليها هنا وانه اخذها بيدي و تقعدلها بالمحكمه و الها كل حقوق اضافة للمهر مالتها
اياد ـ و هاي من شوكت صايره ترا فصيله فصيله
ثائر ـ لا هيه بشر يا حيوان
وكف و كال ـ حسن الفاظك
ـ ادري كدام منو يتحسن و كدام منو يخرب ماكو داعي تعلمني
الشيخ عذاب ـ اكعد بمكانك و ثائر انته هم كافي
ثائر ـ تامر شيخ
الشيخ عذاب ـ هذا اخر حجي عندي تردون احنه جاهزين ماتردون احنه جاهزين للخيار الثاني يالي الطرفين ميرضون بيها
كال الشيخ يالي اجاء طرف ثالث وياهم ـ شيخ عذاب حجيك على عين و راس و انه اشوف هذا افضل حل لا ولدنا يرحون بيها و لا البنيه تنظلم
الشيخ عذاب ـ سالفة البنيه تنظلم فهي منظلمه بس ذنبها على ابوها يالي قبل يقدمها هيج و هذا اكثر شيء اكدر اسويها الها مادام ابوها مقتنع
ـ احنه هسه نتوكل و باجر نردلكم الخبر
الشيخ عذاب ـ ان شاءالله خير
༺༽لبوه༼༻
رجعت من دوام ميته تعب شفت ماما و زوجات عم ابوي بالمطبخ يحضرون غذاء سلمت عليهم و بست ماما... رحت للاستقبال شفت بابا كاعد يسوالف لعمو ابو وليد شغله صايره بالديوان مافهمت شيء و بيبي بس تكول خطيه و خطيه اني احس راسي صاير طبل من مستشفى صعدت لغرفتي بدلت كعدت العب بالموبايل دخلت نور و وراها نرجس
أنت تقرأ
لبوة ثائر
Misterio / Suspensoفتاة تهرب من بين يد الارهاب﴿داعش﴾ لتقع بين ايدي ﴿رجال عشائر﴾ وتكون اسيره لعادات وتقاليد لا علاقة لها بها #لبوه..........
