ရှီရှန်း ( ႐ွီ႐ွန္း) Book 3 Arc 11 to....

Arc 12.40END

Unicode

ရှီရှန်းက ရှန်းရှမိဘ​တွေ စုဆောင်းထားတဲ့ ပစ္စည်း​တွေကို နိုင်ငံပိုင်အဖြစ်လွှဲပြောင်းပေးအပ်ခဲ့တယ် အစိုးရက လျင်မြန်စွာတုံ့ပြန်ခဲ့ပြီး ရှန်းရှီGroup နှင့် ရှီရှန်း ကိုယ်တိုင်အထူးချီးကျူးခဲ့တယ်

ရှန်းရှီ Groupဟာနှစ်အနည်းငယ်အတွင်းနိုင်ငံစုံကော်ပိုရေးရှင်းတစ်ခုအဖြစ်သို့တိုးတက်လာခဲ့ပြီး  ကုယန်ရဲ့  e-commerce လုပ်ငန်းပိုင်း​စျေးကွက်ကို​တော့ ရှီရှန်း မ၀င်ခဲ့ဘူး

ရှန့်ကျားရင်းရဲ့ ကုမ္ပဏီဟာ အ​တော်​လေး တိုးတက်လာ​ပေမယ့်လည်း ကုယန်ရဲ့ ဧရာမကုမ္ပဏီရှိနေခြင်းကြောင့် အခက်အခဲတစ်စက်မှမဖြစ်ပေါ်စေခဲ့ဘဲ ကုယန် ကဝယ်ယူခဲ့နိုင်တယ်

မကြာခင်မှာ ​ခေတ်ကာလပြောင်းလဲသွားပြီးအင်တာနက်လည်း ပျံ့နှံ့လာတယ်
သတင်းအချက်အလက်များဟာလည်း မိနစ်အနည်းငယ်အတွင်း ကမ္ဘာကိုလှည့်ပတ်နိုင်တဲ့ အ​ခြေအ​နေဖြစ်လာတယ်

"စီအီးအိုကု.. မင်းက e-commerce လုပ်ငန်းကိုဘာကြောင့်ပြောင်းလဲခဲ့တာလဲ..မင်း အဲ့ဒါကို စတင်တဲ့အချိန်မှာ သူက ​ခေတ်မစား​သေးဘူး​လေ "

ဖန်သားပြင်ပေါ်မှာ အင်တာဗျူးသူတစ်ဦးက ကုယန်နှင့်တွေ့ဆုံမေးမြန်းနေ​လေတယ်
သူဟာ ငယ်ရွယ်စဥ်ကအတိုင်း သူ့မျက်နှာပေါ်မှာ အ​ရေးအ​ကြောင်း များများကျန်ရစ်ခဲ့ပုံမပေါ်ပေ
သူကကင်မရာဘက်ကို လှည့်ပြီး ပြုံးပြတယ် "e-commerce ကအနာဂတ်ရဲ့လမ်းစဖြစ်လာလိမ့်မယ်လို့ ငါ့ကို လူတစ်​ယောက်ကပြောဖူးတာမို့ ငါသူ့ရဲ့အကြံဥာဏ်ကိုလိုက်နာခဲ့တယ်"

" ဝါး!" အင်တာဗျူးသူက သူ့တုံ့ပြန်မှုကိုပုံကြီးချဲ့​လေတယ်
"အနာဂတ်ကိုအများကြီးကြိုမြင်နိုင်တဲ့သူကဘယ်သူများပါလဲ"

"မင်းတို့အားလုံးလည်းဒီလူနဲ့တော်တော်ရင်းနှီးတာပဲ "

"အိုး? ဘယ်သူလဲ? စီအီးအိုကု၊ မင်းငါ့ကိုရိုးရိုးရှင်းရှင်းပဲပြောရလိမ့်မယ်"
အင်တာဗျူးသူက စိတ်လှုပ်ရှားစွာမေးတယ်

ကုယန် က ပြုံးလိုက်တယ်  "ရှန်းရှီ Groupရဲ့ CEO ရှန်းရှ"

"ဘုရား​ရေ! ဒါဟာသူမတကယ်ပဲလား! ဒါပေမယ့် မင်းဆုံးဖြတ်ချက်ကိုချလိုက်တဲ့အခါသူမတကယ်ပဲငယ်ရွယ်​နေတုန်းဖြစ်ရမယ်.. သူမရဲ့အကြံဥာဏ်ကိုလိုက်နာဖို့ မင်းကိုဘာကတွန်းအားပေးခဲ့တာလဲ "