رواية لبوة ثائر
للكاتبة M. A. M
بارت 17
احبيه ثورياً ليدافع عنك حد الموت ،
ليحلم بكِ كما يحلم بالحُرية ،
ويؤمن بك كما يؤمن بالوطن والقضية .
༺༽لبوه༼༻
جنت نايمه حسيت على امي تنادي باسمي كلت يمكن حلم شويه و حسيت وحده كمزت على فراشي
نرجس ـ اني اجيت
كعدت بسرعه و اني لازمه كلبي
ـ قرده اي والله ليش تكمزين خوفتيني
ـ مو صوجج صوجي اني اجيت احلي عرسج
ـ كل الهلا بيج بس مو هيج
ـ تعالي احضنج
حضنتها دخلت نور هم اجتي سلمت عليه
ـ شوكت وصلتوا
نور ـ لج من الظهر احنه واصلين بس انتي مكضيتها نوم اي عيوني عروسه و كذا
نرجس ـ صدك راح يجيبون اغراض اليله و انتي كاعده هنا انوب باعي شعرها كومي حضري نفسج
ـ ليش اشكد الساعه هسه
نور ـ ٥ و نص
ـ اي لعد اكوم اسبح و بعدين اقرر شنو البس
نرجس ـ عليه لبسج و مكياجج لا تخافين
ـ لا والله هسه خفت
نرجس ـ مو صوجج صوجي اني جايه اساعدج
ـ هههه اشاقه وياج ترا
ـ ادري ...... يلا اكوم اشوفلج فستان حلو حتى تلبسي
جان عندي فستان حلو لونه ازرك طلعتليها دخلت سبحت و لبستها كعدت تسويلي شعري و كل ساعه تصيح يمه انكسر ظهري و منو يشتريلي ظهر بعد اخر شيء خلتلي المكياج حلو هيه شاطره بهذني سوالف متعلمه من ايام جامعه
نرجس ـ ماكو اكل تردين بس تشربين مي غيرها ماكو
ـ ليش و ابقى جوعانه
ـ شسويلج غير المكياج كله يدمر
ـ تمام اصبر لليل هما شوكت يجون
ـ عمه نازك كالت يمكن بعد العشاء
دخلت نور كالت ـ اشوف شنو سوت بيج
نرجس ـ ليش عيني تشكين بقدراتي
نور ـ لا والله طالعه حلوه و فستانج حلو يمه لا احسدج انوب قل اعوذ برب فلق هههه بس نرجس طلع براسج حظ والله
ـ انجبي انتي لو تموتين ماسويلج شيء يوم العرس
ـ صوجي اني جايه امدحج امشي ولي
و هما يتعاركون شفت موبايلي يضوي يدل على وصول رسالة رحت شفتها من ثائر فتحت
ـ تكدرين تجين على بيت ريحانه من الباب ثاني
كتبت ـ من ورا البيت
ـ اي
ـ مادري انته انتظرني و اذا ماجيت روح
ـ تمام
نرجس ـ شكو
ـ ثائر يريد يشوفني
نرجس ـ اي عيني هههه
نزلت كلت لماما مادري شنو محتاج و طالبني هناك كالت اخذي نرجس و روحي و لا طولين
خليت الشال على راسي بس هيج حتى لا يخرب تسريحه انوب العبايه لانو اردان الفستان قصير اخذت نرجس و رحنه لبيت ريحانه جان واكف يم الباب من شافني ابتسم كال امشي نكعد بالحديقة نرجس عافتنا و دخلت للبيت طلعلي صور الغرف كال
أنت تقرأ
لبوة ثائر
Mystery / Thrillerفتاة تهرب من بين يد الارهاب﴿داعش﴾ لتقع بين ايدي ﴿رجال عشائر﴾ وتكون اسيره لعادات وتقاليد لا علاقة لها بها #لبوه..........
