I hate you, I love you [Complete]

🔥23🔥

Unicode;

ကားပြိုင်ပွဲပြုလုပ်ရာကွင်းကျယ်ကြီးဘေးရှိ
ပြိုင်ကားအနီရဲရဲလေး၏ကား‌ဘောနပ်စ်ပေါ်တွင် ထယ်ယောင်းကပက်လက်လှန်လှဲနေသည်။ဘေးတွင်ဘီယာဘူးတစ်ဘူးကထောင်လျက်ရှိနေကာ နှစ်ဘူးက ကားဘောနပ်စ်ပေါ်လဲနေ၏။

လက်မှလက်အိတ်ကိုချွတ်ပြီးသည့်နောက် Jeon ပါထယ်ယောင်းဘေးဝင်လှဲလိုက်သည်။
မိုးရိပ်မရှိ၍ကြည်လင်နေသောကောင်းကင်ကြီးသည် ကြည်ပြာရောင်တောက်နေသည်။
လေကခပ်ဝေ့ဝေ့ကြည်စားလိုက်သောအခါ ထယ်ယောင်း၏အပြာရောင်ဆံပင်လွင့်သွားသည်။

ချစ်သူနှင့်အဆင်မပြေ၍လေနေသောကင်မ်ထယ်ယောင်းကိုယခုမှပင်ပထမဆုံးမြင်ဖူးတာပင်။
အရာရာအားပေါ့ပေါ့ပါးပါးနှင့်ကြုံသလိုတွဲ ဖြစ်သလိုဖြတ်ခဲ့သော Relationship ပေါင်းများစွာအားပိုင်ဆိုင်ခဲ့သူ ကင်မ်ထယ်ယောင်းက အခုချစ်သူနဲ့အဆင်မပြေလို့ကွဲပြဲနေတာတဲ့....။

"အဟက်"

"ဘာရယ်တာလဲ"

ရယ်သံကြားတော့ Jeon ဘက်လှည့်ကာအငေါ်တူးသည်။ဘီယာသောက်ထားသောကြောင့် ထယ်ယောင်း၏မျက်ဝန်းတို့ကအနည်းငယ်နီနေသည်။
Jeon ကိုမကျေမနပ်နှင့်ကြည့်ပြီး ဘီယာဘူးအားလှမ်းဆွဲသည်။

"တော်တော့... limit ကျော်နေပြီ"

"ပြန်ပေး ငါသောက်ဦးမှာ"

"မပေးဘူး"

"‌ပေးကွာ! JeonJungkook!"

"ဘာလဲ!"

ဘီယာဘူးအားကိုင်‌မြှောက်ရင်းထယ်ယောင်းမမှီအောင် မတ်တပ်ရပ်ပြီး မော့ချလိုက်သည်။
ဘူးခွံအား အဝေးကြီးရောက်သည်အထိပစ်ထုတ်လိုက်သောအခါ ထယ်ယောင်းကမျက်ထောင့်နီနဲ့ကြည့်သည်။

"အကျင့်မကောင်းတဲ့ကောင်"

ဆူပုတ်ပုတ်ပြောကာ ကားဘောနပ်စ်ပေါ်ပြန်ထိုင်ချသည်။
ထယ်ယာင်း၏ပြိုင်ကားအဝါလေးလဲပလုံစွက်သွားပြီဖြစ်သည်။
ကားပြိုင်ပွဲမှာ ရှုံး၍မဟုတ်။
နိုင်ရက်သားနဲ့ သူများရဲ့ရပ်ထားတဲ့ကားကို တည့်တည့်ဝင်တိုက်လိုက်သောကြောင့် အလျှော်ပြန်ပေးလိုက်ရခြင်းပင်။
Jeon ကလဲ စိတ်ကျေနပ်‌ပါစေဆိုပြီးလွှတ်ထားလိုက်တာဖြစ်သည်။