(انتـَ الترياـق والسُـم)

البارت الثاني

الكاتبات

زينب احمد

فرح  الموسوي
==========================
السعادة حالة ذهنية، فالمرء يختار بنفسه أن يفرح بما لديه، أو أن يحزن لما يفتقر إليه.

ريتان / يلا ماما مع السلامه رايحه للدوام

ام أحمد / الله وياج يمه مو تنسين رجعي من وكت ورانا طلعه

ريتان / اي ماما أن شاء الله بوست راس امي وطلعت

طبعاً اسمي ريتان وعمري واحد وعشرين سنه الحمد لله شكلي شكل بنت عراقيه ماكو داعي افصله لكم، ادرس قانون مرحله أولى..اما عائلتي الجميله متكونه من والدي أبو أحمد طبعا والدي والدتي مواليد ستينيات اخويه لجبير أحمد هذا الغالي مالتنه هو مهندس زوجته فد طيبه وحبابه كلش اسمها تبارك.. عدها طفله واحدها اسمه  فرح.... اخوويه الثاني محمد هو الوسط مالتنه كوميدي بشكل يدرس صيدله وبعده شباب الحمد لله اعزب واخويه الصغير بسام هذا صديق العائله ماكأنه اخويه بالعكس صديقنا كولنا طيب ونظيف القلب وميحب يأذي أحد يدرس كليه علوم أحياء.. ماعرف شهل الأقسام الياخذوها ويعع ولاحلوات.. طبعاً احنه ثلاث ولد وثلاث بنات.. اكبرنا أحمد.. اختي رنيم طبعاً هيه ربت منزل الي وره بسام متزوجه من اقاربنه وعدها بنوته كيوت حليوه.. طبعا هيه عمرها اربعه وعشرين سنة وهيه متحب الدراسه كولش ... وراها اني اجيت،وبعدين أصغر وحده بيناتنه هيه ليان بزر الكعده على كوله والدتي طالبه سادس اعدادي ومواليدها الفين وثلاثة.. هاي عائلتي الله يحفضها إليه

*في كل قلب ثم شي ، لا يترجم بحرف ولا حتى صوت..*

ريتان / طبعا مرت ايامنه عاديه اخواني ملتهين بدراستهم

والدي فهوه استاذ جامعي يداوم بجامعتي نروح انا وياه سوا

طبعا احنه كولنه ساكنين بنفس البيت يعني قصدي اخويه أحمد وزوجته ويانه هماتين بلبيت

ريتان/اسم أعجمي يعني الحلم الجميل، وله معنى آخر وهو الماء الموجود في داخل الأصداف، وهو من اسماء البنات الجميلة والنادرة في نفس الوقت... من سألت والدي شنو سبب تسميتي هيج اسم جان جوابه كولش حلو وبنفس لوقت حبيت اسمي.

ريتان/جنه كاعدين بليل واخويه بسام كال لوالدي يريد يروح يطلع وي جماعته أبويه بالبدايه رفض لأن يخاف واحد منهم يطلع بليل فكان جوابه الرفض

بس اخويه بسام ضل يلح منا يلا وافق والدي يروح

طلع اخويه جان ساعه ٦مساءً...وره ما خلصنه صلاه وتعشينه

صارت ساعه ١١بليل  وبسام ماكو اخويه أحمد ومحمد قلقوا عليه لان هو مكال راح اتأخر

طبعا انا صعدت فوق لأن عندي اتصال من حسنين