FIRST LOVE (crush)

FIRST LOVE (crush) One Shot

Unicode Version

FIRST LOVE (crush)

မိုးတွင်း မရောက်သေးသော်လည်း ခပ်စွေစွေရွာနေသောမိုးကြောင့်လူလည်း ဘာမှမလုပ်ချင်တော့၊အိပ်ရာထဲမှာသာစာဖတ်ရင်းနှပ်နေချင် တော့သည်။ ထို့ကြောင့် နှင်းပန်းတစ်ယောက်ထီးလေးဆောင်းရင်း စာအုပ်ဆိုင်သို့ ထွက်ခဲ့သည်။ ''လေးလေးစာအုပ်သစ်တွေရောက်တယ်ဆို----။'

''အေး--ဟိုခြင်းထဲကစာအုပ်တွေပဲ---။"

နှင်းပန်း စာအုပ်ဆိုင်ကထွက်လာတော့ မိုးတိတ်သွားပြီဖြစ်သည်။ထီးလေး လက်ချိတ်ကာစာအုပ်လေးပိုက်ရင်လမ်းလျှောက်လာသည်။

''ဒီမှာခင်ဗျာ့---။"

နှင်းပန်းလှည့်ကြည့်လိုက်တော့ သူနှင့်အသက်မတိမ်းမယိမ်းလောက် ရှိမည့် ကောင်လေးတစ်ယောက်။ ထိုကောင်လေးက စက်ဘီးပေါ်မှဆင်းရင်း

''ဟို--ဒေါ်လှမြင့်တို့အိမ်ဘယ်လိုသွားရမလဲဟင်---"

''အယ်----ဘယ်လမ်းကဒေါ်လှမြင့်လဲဟင်----။"

''ကျတော်လည်းမသိဘူးခင်ဗျ---ခုမှရောက်ဖူးတာဆိုတော့လမ်း တွေသိပ်မသိဘူး-အိမ်ကထွက်လာပြီး မျက်စိလည်သွားပြီ လမ်းနာမည်လည်း သေချာ မမှတ်လိုက်ရဘူး----။"

တကယ်တော့ နှင်းပန်းတို့ဇာတိမြို့လေးက ကျဉ်းကျဉ်းလေးပါ။တစ်ယောက်နဲ့ တစ်ယောက်လည်း မိတ်ဆွေတွေမဟုတ်ရင်တောင်မှ မျက်မှန်းတော့ တန်းမိကြတယ်။ဒါပေမဲ့ အိမ်တွင်းပုန်း မေနှင်းပန်းက တော့ဘယ်သူ့ကိုမှမသိ။ သာရေး၊နာရေး၊ပွဲတော်စသည့်လူရှုပ်ရှုပ်ပွဲတွေ ကိုနှင်းပန်းမကြိုက်၊သွားလည်းမသွား။

''အာ့ဆိုကျတော်သွားလိုက်ဦးမယ်---။"

''လမ်းမသိဘူးဆို--။"

သူကနှုတ်ခမ်းလေးကွေးရုံပြုံးရင်း၊

''ကျတော်ဦးနှောက်ကိုအလုပ်ပေးရမှာပေါ့ဗျာ---။"

သူထွက်သွားပြီးတော့ နှင်းပန်းလည်း ဆက်လျှောက်လာခဲ့သည်။သူနာမည်ကို နှင်းပန်းမသိလိုက်ရ၊ နှင်းပန်းသိလိုက်ရတာကတော့ သူ့အပြုံးလေးက နွေးထွေးတယ်ဆိုတာပါပဲ။