တောအုပ်အနီးနားက တောင်ကုန်းကလေးပါ်က အိမ်ကလေး။ တိတ်ဆိတ်ပြီး လှပခဲ့သော အိမ်ကလေး ဖြစ်ခဲ့သည်။
အခုတော့....
" မိုးဖြူ.... နှင်းဖြူ... မဆော့နဲ့.... ပြုတ်ကျမယ်.... "
ဒီအမွှာနှစ်ကောင်က မျောက်ရှုံးအောင် ဆော့ကြသည်။ နေ့စဉ်နဲ့အမျှ သူတို့ကို စိတ်ပူကာ အော်ဟစ်နေသော သူတို့မိခင်၏ အသံများ ကလေးတွေရဲ့ အော်ဟစ်ရယ်မောသံများနှင့် ဆူညံေနတော့သည်။
တစ်ချိန်က တိတ်ဆိတ်တည်ငြိမ်နေခဲ့သော အန္ဒြေတစ်ခွဲသားနဲ့လူကြီးက ထိုသားမိသုံးယောက်ကို မရယ်မပြုံးနဲ အေးဆေးစွာ ထိုင်ကြည့်နေတတ်သည်။
" မိုးဖြူအေး.... "
" နှင်းဖြူဖွေး.... "
မိခင်ဖြစ်ဟန်တူသော မိန်းကလေးက မတ်တပ်ဖြောင့်ဖြောင့်မရပ်နိုင်တော့ပဲ ဒူးပေါ်ကို လက်ထောက်ရပ်ကာ အမောဖြေနေသည်။
" အိမ်ခေါင်မိုးပေါ်ကို တက်မဆော့နဲ့လေ... ကျိုးကုန်ရင် ဘယ်လိုလုပ်မလဲ "
သူမ မော့ကြည့်လိုက်တော့ ခေါင်မိုးပေါ်ကနေ ကြောင်ကလေးနှစ်ကောင်က လွှားကနဲ့ ခုန်ဆင်းလာကြသည်။
" မေမေက တအားစိတ်ပူတတ်တာပဲ "
တစ်ကိုယ်လုံးနက်နေပြီး နားရွက်တစ်ဖက်ထဲ အဖြူရောင်ဖြစ်နေသာ ကြောင်ကလေးက ကောင်ကလေးအသွင် ပြောင်းသွားသည်။ အဖြူဆွတ်ဆွတ်ကိုမှ ခြေထောက်ကလေးတစ်ဖက်ပဲ အနက်ရောင်ဖြစ်နေသော ကြောင်ကလေးက ကောင်မလေးအသွင် ပြောင်းသွားပြီး အမေဖြစ်သူရှေ့မှာ ခုံပေါက်ရယ်မောနေကြသည်။
" မင်းရဲ့ကလေးတွေက ကြောင်လေးတွေပါကွာ... အဲ့လောက် စိတ်ပူမနေပါနဲ့... "
" နက်မှောင်... ရှင် ကူပြီး သူတို့ကို ဆူပေးသင့်တယ်နော် "
နက်မှောင်က မိန်းကလေးရဲ့ခေါင်းက ဆံပင်တွေကို ဖွလိုက်သည်။ သူမက မျက်စောင်းကလေး ထိုးလျက် သူမဆံပင်တွေကို ပြန်သပ်ချနေသည်။
ထိုမိန်းကလေးသည် ဒီကလေးလေးနှစ်ယောက်ရဲ့ အမေဖြစ်ပါသည်။ အသက်၂၀ ကျော် မိန်းကလေးငယ်လေးဖြစ်ပါသည်။
YOU ARE READING
To the cat's world
FantasyA girl found a cat called Nori. And she told her pains to the cat. On an unfortunate day, she tried to save Nori from an accident and she was injured. When she woke up, she found that she was in the cat's world.
