قـــــــــــــــــــمـــــــــري💞.
يوومةة محمد ٰ مريم موسى محمد ٰ
البـــــــــــارت الآخـــــيـر " الـــنــــهـــــــــايــــــه♡"
..........
طلعت من الدوش واتكيت ع السرير وشويتين خدتني نوومه ..
لوطه ..
ريماس : السلام عليكم .. ونحت خمارها
هنيه : وعليكم السلام بنيتي
ريماس باست راس امها : كيفك مامي؟
هنيه : كويسه الحمدلله .. بري سلم بنيتي بدلي وانزلي كولي حاجه
ريماس بابتسامه : حاضر
هنيه : ايي بالحق فِ ضيفه ف دارك ردي بالك تنوضيها
ريماس : اما ضيفه ومن تكون ؟!
هنيه : اركبي بدلي وتعالي نحكو ف الموضوع
ريماس : تمام .. وركبت لدارها .. خشت لقتني متغطيه من الصقع والمكيف والع .. جت قربت مني وزادت غطتني كويسس .. ابتسمت ومشت تبدل
لبست توته لونها موڤ ووشاح حطاته حطان ع راسها .. ونزلت لامها .. لقتها موتيتلها الغدي
ريماس ابتسمت : ربي يخليكك ويديمكك بحيااتيي يا احلى ماما ف العالممم
هنيه : ههههههه ويخليك ياروح ماما
ريماس قعمزت وبدت تاكل ..
ريماس : من هي البنت هذي ؟؟؟
هنيه : هدا ياحنه اليوم خوك وهو طالع مش عارفه شن وقفه .. جت البنت هذي تجري ولاحقها واحد تاني وخوك تصرف وعرف انها مخطوفه وجابها هنا ومشي يكلم الشرطه ع اللي خاطفهاا .. ولما ترتاح البنت بيرفعها لحوشهم
ريماس : ومعرفتوش اسمها ووين تسكن؟؟
هنيه : ايي قتلي اسمها قمر من منطقه ***
ريماس شكت : ياوخيتي ربي يساعدها
هنيه : آمين يارب العالمين
________________________
# غديــــــــــــر
مقعمزه ف دارهاا وتفكر ..
زعما من اللِ يكون خاطفهها؟
فِ من نشكوو تواا؟
سند ! لاء سند مايديرهاش .. مستحيله يقعد يخوف فيها الفتره لِ فاتت كلها ! .. به من تانييي من تانيييييي ووواككككككككككككككككككككك
شوي بسس .. خديت تلفوني ورنيت ع سندس
سندس : ايووه
اني : اهلين سندس كيف الحال؟
سندس : الحمدلله وانتي؟
اني : الحمدلله .. اسمعي نبي رقم خوك سند
سندس : شن تبي فيه ؟؟
اني : بعدين نحكيلكك ابعتي بسرعه
سندس : باهي سمعتي باللي دارته قمر ؟
اني : قتلكك بسرعه ابعتيهولي ف رساله مستعجله راني ٰٰ ٰٰ وسكرت الخط .. اففف دوتها هلبه ٰ ٰ
وشوي ووصلني رقمه فِ رِسالهه .. رنيت عليه طوول ..
ضبح المره الاولى ليييييين فصل .. وزدت عاودتت
.. مردش .. بعتت رسالهه " رد عليا ضروري "
ورنيت مره تالته ورد ..
اني تنفستت الصعداء : خيركك متردش؟
سند باستغراب : رقم غريب علاش نرد ؟؟؟؟
اني : استغفر الله تقول بنت😒
سند : شن قصــــــــــــــــــــــــــــــــــدك؟؟؟
اني : لا مقصدي شي رنيت عشان نبيك فِ موضوع وكدهه
سند : بسرعه قولي معندك مش فاضِ
اني بتردد : قمرر امتى .... ااخر مره كلمتها ؟
سند : وانتِ شن دخلك؟؟؟
اني : نسأل بس راه قمر طايحه فِ مشكله كبيرهه
سند : وشن ينفع لو جاوبتك !
اني : ينفع هلبه غير جاوبني
سند : ممكن من ايامات اسبوع كده ع الاغلب مش عارف
اني : وباه معش كلمتها بعدها بكل؟
سند : لا
اني : نقدر نعرف علاش؟
سند : مشكله مدخلكش فيها
اني : خيره اسلوبك حقير هكِ؟
راني نبي نساعدهها .. البنت توا مش عارفين وين ممكن تكونن
سند : هههههعع مش ععليا لكن اهو نجاوبك فِ سبيل الله ..
اني نتمتم : مصح خليقته الحيوان
سند : هذا ياحنه صاحبتك خاشه عليا فِ المسنججرر وباعتتلي صور زي خليقتها وتحاول تغريني وهك .. وحاطه ستوري زي الخراا .. وناشره منشوراتت زي الزفت ولما قتلها انتِ شن اديري شن هذا كله قتلي وبكل وقاحهه حريه شخصيه مدخلكش انتت تبي تعالا متبيش درق من عليا وجهك وقعدتت تبعت وتبعت لين ركيتها حظر وفِ الليل رنيت عليها وصار اللي صار " آسفه ع اللقطه "
اني : كيف صور زي شنو؟ ومنشورات كيفف؟
وشن قصدك مفهمتش شي رااهووو
سند : تبي نشرحلك اكثر من هكِ؟
باه خوديها بالفقش .. صاحبتك باعته حجات محرمه وتبي ندير معاها الححرامم فهمتي كييفف وموليه زي متاعات كرتكك " عفانا الله واياكم "
اني بصدممهه : لاااااا قمممررر مستحييل اديررر هكيييي لالاااا
سند : دارتها ومشت عليا وعليك
اني : صكر صكر ياريتني ماكلمت اصلا
سند : خزي ناكرة الجميل " وسكر الخط "
اني بغضب : مــ أحقر فيته الزفتت
صبيت وقعدت نلود ف الدارر .. مش مصدقه قمر ادير هكِ اكيده ف حاجه صايرهه وانا نندريش بيهاا ، اي حقق هو قال ع المسنجرر
.. وتلفونهاا قاععدد .. فرحت وجاني بصيص آمل شويي .. وتذكرت انه تلفونها خليته فِ حوشهم
وووك ععليااا انااا .. نزلت لامي سألتها ععادي نمشي لحوش قمر ونجي بسرعه وقتلي ععادِ
لبست عبايتي ووشاحي فيسع ومشيت جريي .. وركبت السيارهه وولعتهاا وانطلقت ..
طول الطريق ندعي انشالله اللي ف بالي يطلع صح ..
وصلت لحوشهم ونزلت وسلمت ع العيله لقيتهم قاعدات عماتها وخالاتها وامها تبكي وحالتها ححالةة
.. ركبت لدارها جريي وفتشت لقيت التلفون .. ونزلت مرهه تانيه نجريي .. ورجعت للحوش
نزلت من السيارة جري وخشيت داري ولوحت العبايه ف تركينه والوشاح فِ تركينهه ..
قعمزتت ع سريري وخش عليا خويي .. دسيت التلفون ورا ضهري .. وبلعت ريقي
حميد : شن اديري؟
اني بخوف : لا لاء مندير شي بس كنت نجهز بش نقرا
حميد بشكك : امممم تعالي ديريلي قهوه
اني : تت تمامم
حميد : بسرعه طالع بعد شويه
اني : تلفه 😒
بعد ما طلع حميد .. دسيت التلفون تحت السرير وطلعت للكوجينه بش نديرله قهوهه
.. جهزتهله ف سفرة وطلعتهاله ف الصالةة ..
حطيتها ع الطاوله وجيت بنركب .. ناداني .. رجعت وانا نرجفف
حميد : قالولي طلعتي اليوم !
اني بخوف : ايــــــــــــه
حميد : وشن اللي طلعك؟
اني : مشيت لحوش صاحبتي ضروري
حميد : وشن الضروري؟
اني : طايحه ف مشكله وضروري نوقف معاها
حميد : اللي قالو عليها هربتت مع صاحبها ناويه اديري زيها حتى انتِ؟
اني بغضب : اولا مش هاربه مع حد اشاعات وركبولها كلاممم هي مداراتاشي قمر نعرفها اكثر من اي بني آدم ف هالدنيا مستحيل حد يقنعني انها هاربه مع ولد .. وتاني شي انا مستحيل نفكر اني ندير هك اولا لوجه الله تانياا لعيلتي لشرفي اناا ومستحيل نرضى نطيح قدري هكيي تماممم !
حميد : اممم كبرتي وبديتي تردي ع الكلام
اني : مش رد ولا كلام حقير هدا كلام الحق وانا الحق طول ماني عايشه ح نقوله .. ركبت لداري
_________________________
أنت تقرأ
قمري ❤️ (روايات ليبية)
Humorوع سبيـل التذڪيـر : سيـستجـيـب 🤍🕯 . بقلمي .. مريم موسى محمد✨🌸.
