الدكتورة أسيرة الزعيم 🔫👩‍⚕️

الحلقة 37

طلعت  للطيارة قعدت دارت السبتة لبست نواظرها و بقات تشوف قي الفليم حتى حست حشاكم جاها القيا عيطت للمضيفة
جوري: من فضلك اربد قارورة ماء
المضيفة بابتسامة : حسنا ...
و هنا سمع ماكس و كذب طلع راسو اما مابانتلوش مليح غير كي جابتلها القرعة  و هنا شافها و شاف ضحكتها لي تحرم منها هذا شحال حس قلبو راح يخرج من بلاصتو من الضربات لي يضرب فيهم تنفس و هدر بينو و بين روحو: صاح كي يقولك le monde est petit و دوك راكي معايا و نتنفسو نفس الهوا يا دكتورتي ضحك و حط راسو..
وصلت الطيارة للمكان المحدد "مطار  هواري بومدين "طلت من التاقة تشم في هوا بلادها حست غصة في قلبها ماشي نورمال 9سنين غياب على بلادها و فاميلتها 9سنين  توحشت فيهم كلش يخص بلادها 9سنين يقولها غير اللسان ؛اما هو ميشفاش عليها مليح لانو جا كي كان صغير و قبل ما تتبدل حياتو للجحيم فجاتو عادي انو يجي لبلادو لي عندو قريب 26سنة ماجاهاش حبطت و دات معاها الباقاج تاعها و في عينيها حكايةتبرق من البعيد دخلت و بقات تستنى وقت الإجراءات( راكم تعرفو المطار تاع هنا)
بعد ساعة:
فراو كوارطهم و خرجو  هي غير خرجت و تتسلط الاعين عليها كانت لابسة جين (boy friend ) مع تريكو ابيض داخل و باسكات بيضة  و فيستا كوير  و طالقة شعرها غير خرجت لي جون قاع يشوفو فيها حسبتلهم قاورية واحد 3دقايق خرج الموسيو الشباب و الطايح كتر من النايض البنات لي تسقم في شعرها و لي تحاول تشوف فيه باش يشوف فيها اما هو هدفو كان باين و كي زاد شاف لي جون كيفاش كانو يشوفو فيها مخو تحرق و حب يدخل فيهم يكسرلهم ريسانهم مي محبش يغلط و يبين انو راه هنا ماحبهاش تعرف بلي راهم في بلاد وحدة كان حاب يعطيلها لامان قبل باش يبدا يتصرف على طريقتو .
كملت طريقها و شدت طاكسي و هو تبعها بعد واحد 35دقيقة حبست الطاكسي بين الفيلات حبطت و حبطت الباقاج تاعها طلعت راسها تشوف في واحد الدار كانت فيلا صغيرة راحت دنات الفاليزات و صونات في الباب و بقات غير تصوني
لامية : كصروه كصروه خير..راني جيييت
فتحت الباب و تشوف في بنتها تضحك و فاتحة يديها
لامية : جورييييييييي و صوطات عليها عنقتها
جوري: يا عينين جوري و بقاو يتعانقو عند الباب و زاد جا راجل يماها سلم عليها و فرح بيها
جوري: اااااه عيب عليكم درتلكم سوربريز و شحال من ساعة و انا معلقة في السما باش تخلوني عند الباب ! عيييييييييب
لامية ضربتها لراسها : ادخلي يا موصيبة ادخلي دوك ندخلو الفاليزات حنا ادخلي تريحي
دخلت و راحت للكوزينة ديراكت : راني جيعااااانة ؛ فتحت الفريجيدار و عيطت : اويليييييييي الطعام .جبداتو و بدات تاكل فيه هكداك بارد حتى جات يماها نحاتهولها
لامية: لي يسمع يقول جامي كليتيه جيبي لهنا.
داتو و سخنتهولها و حطتلها و دارتلها المرقة و الجاج الله الله و هي بقات غايسة في الماكلة ...
اما ماكس لي كي شافها وين جات عرف انو عايلتها تنهد و راح لاقرب اوتال و قعد ..
جازو اليامات ماكس يتبع في الخدمة من الاوتال و دايمن يخرج يروح يشوف حبو لي ولا مقدرش يبعد عليها واحد النهار مقدرش يزيد يصبر كتر استنا الليل يطيح كيما عادتو يروح يتاملها من البعيد لانو هي بطبيعتها تجب تشم الهوا قبل ما ترقد شافها خرجت لابسة بوستي و شعرها دايرتلو طوماطيشة دايرة في وذنيها و تسمع الغنا و تتزعبل مع الغنية شطر العقل لي قعد فيه طارلو دار من و من حتى لمح سلوم راح بلعقل جالو و حطو تحت تاقتها بعدما دخلت و تكل على ربي طلع و يلقى لالا....
اما هي دخلت و مازالها تشطح و تغني دارت حتى شافت بنادم واقف قدامها و شكون ماكس حبست الشطيح و هدرت بصوت عالي: اه يا جوري يا بنتي غير روحي اجري على روحك ماكفاكش المنام تشوفيه فيه وليتي تشوفيه في الصح اااااه يا لامية اجري على بنتك راهي موخدة
اما هو حكمو الضحك و راح دنا ليها نحالها الكيتمان من ودنها : نحي الزبل من ودنك قاعدة  بهاد اللبسة و تتعوجلي برا و ضربها لراسها  هي لتم حبست في بلاصتها راحت تسوغ حتى سبقها و غلقلها فمها قبل ما تعيط بعد الجاست هذا  حلت عينها على وسعهم و هي تشوف فيه يمس فيها و يهدر معاها
جوري: م..مني..
قاطعها: امم كنتي دايرة في بالك انو راح تهربي مني ياك ! هي تبعد للور و هو يقرب
جوري: واش جابك!
ماكس: علابالك بلي لوكان تنشق الارض و تبلعك نجبدك من القاع كي الشعرة من العجينة ! و دوك واش راح يكون عقابك يا دكتورة ؟ بقا يدنى حتى لسقها مع الحيط و حاصرها: للعلم على واش راح نعاقبك ! انك هربتي مني ولا انك رحتي بلا متسمعي ردي و لا  على اللبسة تاعك و الشطيح كل ليل في البالكون و لا على اللبسة تاعك في المطار و لي جان دايرين بيك كي الذبان ! اه قوليلي من واش نبدا!
شافت فيه و غرقت في عينيه
جوري في نفسها : متضعفيش قدامو هو سمح فيك و خيرها عليك بالاكي ..
ماكس: ها جاوبيني! منين نبدا؟
جوري : ابدا من صوفي ماشي منا انا
ماكس ضحك :  اممم  راني نشم ريحة غيرة ولا
جوري و هي تلعن فيه في قلبها : اااه قلبي من الضحكة هادي اااه نمد حياتي علاجالها
ماكس و هو يروشلها في وجهها : واش وين رحتي آنسة  غيورة !
جوري و هي طبعو : مانيش غيورة و اخرج منين جيت .
ماكس: راح نروح مي ماشي قبل ما ندي دوايا
شافت فيه و غفلها و سرق منها بوسة من شفافها يروي عطشو لي حرماتو منو 
ماكس : راح نتلاقاو و راح تسمعيني غمزلها ضحك و راح حبط منين جا
اما هي دقات قلبها تجري حطت يدها على شفافها و تسترجع طعمهم ضحكت و راحت تشوف من التاقة لقاتو راح يرجع السلوم طلع راسو غير شافها دخلت غلقت التاقة و دخلت لفراشها ترقد و هو تخمامها كلو ..
اما العاشق الولهان تاعنا طريق كامل و هو غير يضحك وصل للاوتال كلا لانو عندو شحال نفسيتو مقطوعة كلا حتى شبع و طلع رقد.....
           
                      سمحولي على التأخير نتمنى يكون عجبكم البارت و من فضلكم كي تقراو خلو فوت و كومنت باش نعرف انو راكو تقراو و  لدعمي باش نكمل نحبكم  🐻❤