المي وملاذي

البارت السادس والستون 66(ج2)

لاتنسون التصويت وتعليقاتكم الحلوه على فقرات 💛

السلام عليكم 🌺🤍
★#ألــــمـــي_ومــــلاذي★
★البارت السادس والستون 66 (ج2)★
★الكاتبة اساور حسين🤍★

شبِيهآ عِيونچ ترِيدين تِبچين !؟
سَواد بعِينچ و بِالگوآ تِحچين ؟
شبِيچ أحچيلي لَتخافِين !
لَيش هوُاي ذَبلآنه ؟
شِنوو متَعِب مَعانيِيچ ؟
أوَل مَرة أشُوفچ هيِچ كَبرآنه .
أوَل مـَرة أشوُفچ مَكسُورة تِمشين .
وآنه ألـي أعُرفچ أقوآ إنسَانه !
شـگد مَكابرا وهَلكِثࢪ تَعبانة ؟.

♡♡♡♡♡♡♡♡♡♡♡♡♡♡♡♡♡♡♡♡♡♡
رهف ..

رفعت ايدها واشرت على وحده مقابيلي مباشرتاا
دتمشي ومطيتني ظهرهاا
هذيج حبيبي ام الاحمر ..
صاحت السستر بعلو صوتها :-دڪتوره مهاا مراجعه تريدج

التفتت عليه وجان انصدم صدمه ماامتوقعتهاا بحياتي واني اشوفها ...؟؟؟

من شافتني ابتسمت بشماته خلتني ارجف
عفتها ودرت وجهي ومشيت بسرعه
الله لايوفقك يالحيوان بس لامعرفها عليه بس اني منزله البوشي على وجهي بالڪي مااعرفتني ..

رجعت العمتي لڪيت سيف يدور عليه ڪتله
رهف:-افتر راسي رحت شفت ضغطي ..

وفعلا وجهي وحالتي توحي اني متخربطه لان وضعي بالضيم ضليت ڪاعده واهزز برجلي من القهر
اشفت بيهاا غير افتهم شهل هبطه سمره وجبيرره حيييل جبيره يعني عبالك مو 38 مبينه اڪبر
ملابسها حدث بلاحرج خززييي
تتمضحك ويا الكل اريد افهم هو بس وياي يبيع
مثاليات من الله لايوفقك تطلع حوبتي بيك يااسنددد المو سند ..

شوڪت ياسند تحس بقيمتي هسه لو اصغر مني احله مني جان بيها باب وجواب انطيك عذر بسسس
منين مااخليها واجيبهاا مااكو اي ذرة عذر غلطان من اساسك
الراسك ..

طلعت عمتي مفاصلهاا اشترينه ادويه ورجعنه للبيت
لڪيت سهاد لزمت ايدي ارجف همست:-خيرج رهف ليش ترجفين حبيبتي ..

رهف:-ماابيه شي بس تعبانه هسه اصعد انام من اڪعد اتحسن ..

عفتها وصعدت بسرعه اخذتلي مهدئ اول مدخلت للغرفه
نزعت العبايه والبوشي ورحت العالم الاحلام وحتى هنا مااڪو راحه الڪوابيس مااتفاركني ولو لثواني

ڪعدت عرڪانه وخايفه مااعرف شنو صايره هوسه
مر ڪم يوم رجع سند اتصل بيه يڪلي
سند:-اني بڪربلاء صاحبي مريض ڪم يوم وارجع ..

مااخذت وانطيت وياا ادري ويااها وحلفت بس يرجع اخلي حد للموضوع ماراح اخلي يستغلني اڪثر من هل اشتغلال
مر ڪم يوم رجع بس سند منتهي ماايڪدر يشيل راسه من الفراش ابتعدت عنه اسمعه يون ويصرخ من الالم بقيت بره الغرفه وماادخله هذا ڪله حوبتي ادموعي تهون عنده بس مااتهون عند ربي ..

ظالم وڪل ظالم ياخذ جزاته ..
بيومهاا ماادخلت للغرفه اله بعد مااشفت الساعه ب12
بليل لڪيته ڪوه يجر النفس يريد يڪوم ميڪدر من شافني
اردف بتعب:-رهف ڪوميني اختنكت بعد مااڪدر اجر النفس ..