မ​​မေ့ရက်​နိုင်လေ​သော မြတ်နိုးရာရပ်ဝန်း​လေးဝယ်(HeeJake)

Fate

Lee Sun Heeရဲ့ Fateသီချင်းကို ဖွင့်နား​ထောင်ပြီး ဖတ်ပါ🎧

ကြိုဆိုသူမရှိ​တော့သည့် မြို့ငယ်​လေးကို ပြန်လည်​ခြေချလိုက်ရသည့် ခံစားချက်ဟာ ကျွန်​တော့်အတွက် ဖော်ပြလို့မရတဲ့ အရာတစ်ခုသာ ဖြစ်သည်။

​လေယဥ်ကွင်းမှ ထွက်လာရင်း
တိုး​ဝှေ့ဝင်လာ​သော ​ဘူဆန်ရဲ့လေ​ညှင်းအေး​အေးဟာ
အရင်နှစ်​တွေလို ​ပျော်ရွှင်မှု​တွေ ​ရောယှက်​မ​နေ​တော့။ အထီးကျန်ခြင်း ပြယုတ်တစ်ခုသာ ဖြစ်သည်။

"ဘယ်သွားမှာလဲ ခင်ဗျ"

"သိရက်သားနဲ့ ​မေး​နေပြန်ပြီ"

"ခင်ဗျာ"

တစ်စုံတစ်ဦးဆီက ကြား​နေကျစကားထင်၍
အရင်လိုပြန်​ဖြေမိသည့် ​ပေါ့​ပေါ့ပါးပါးစကားတစ်ခွန်းဟာ အငှားယဥ်​မောင်း၏ ခင်ဗျာ ဟူသည့် စကားတစ်ခွန်းမှာ ကျွန်​တော့်​ကမ္ဘာဟာ ​အဓိပ္ပါယ်မဲ့ရပြန်။

"ကိုကို့ ရင်ခွင်ထဲကိုလား ဂျယ်ယွန်း​​​​လေး"

မြို့ငယ်​လေးကို​ရောက်တိုင်း လာကြိုမြဲဖြစ်သည့်
အကို့ရဲ့ အရွတ်အ​နောက်စကားများဟာ ယခုအချိန်တွင် ​နောက်ထပ်မကြားနိုင်​တော့မည်မှာ အမှန်တရားပင်ဖြစ်သည်ဆိုတာကို ကျွန်​​တော်ဟာ ​မေ့​နေတတ်မြဲ။

"မြို့အစွန်က ​မျှော်လင့်ခြင်း​ဂေဟာကိုပါ"

အိခနဲဖြစ်သွားပြီး ​မောင်းထွက်လာတဲ့
အငှားယဥ်ဟာ ကျွန်​​တော့်ကို အသံတိတ်အထီးကျန်​စေသည်။

ယဥ်​မောင်းသူ​နေရာမှာ အကိုမဟုတ်​​တော့သလို
​ဂေဟာသို့သွားရာ လမ်းတ​လျှောက်မှာ အကို့ရယ်သံလွင်လွင်အစား ​အငှားယဥ်​၏ ​ရေဒီယိုမှ လွင့်လူးလာသည့် သီချင်း​အေး​အေးဟာ ​နေရာယူသည်။

အခုတ​လော မဟုတ်ဘူး အကိုနဲ့​ဝေးသွားကတည်းက နား​ထောင်ဖြစ်ခဲ့တဲ့ Lee Sun Heeရဲ့ Fateသီချင်းက နားထဲဝင်လာ​တော့ တိုက်ဆိုင်လိုက်​လေခြင်းလို့ပဲ စိတ်ထဲဝယ်​တွေးမိသည်။

*အကိုရယ် ကံကြမ္မာက ကျွန်​တော့်ကို အကို့ဆီက ရုန်းထွက်ခွင့်မ​ပေးချင်​သေးဘူးထင်တယ်*

​ကားမှန်ကိုဖြတ်​ကျော်ကာ ရှုခင်း​တွေဆီကိုသာ အကြည့်ပို့ဖြစ်သည်။ နှုတ်ခမ်းဖျားက​တော့ သီချင်းစာသား အချို့ကို လိုက်ဆိုနေမိသည်။