بصيت في عيونه كأني بلومها علي يوم فات من زمن علي يوم قررت فيه تتجاهل عيوني
_انت لو آخر واحد في العالم يا ماجد يستحيل اتجوزك يستحيل يا ماجد
قام من مكانه حاول يقرب مني
_انا آسف أني في يوم رفضت حبك ليا بس رفضي ليكي يومها كان ليه أسبابه
ضحكت من قلبي
_اسباب ايه اللي تخليك ترفض حبي أسبابك كانت ايه لما جيت و عرضت حبي عليك و كسرته أسبابك دي كانت ايه يا ماجد
قعد مكانه علي الارض مهموش أنه وسط الناس
_كُنت مجبر علي الجواز اتجبرت أني اتجوزها عشانهم مش عشاني انا اسف سمحيني و حبيني
قومت من مكاني
_لو آخر واحد في الدنيا برضو إجابتي مش هتتغير و صح انا فرحي الأسبوع الجاي و ابقا سلملي علي مراتك و بنتك و هاتها معاك الفرح
اتكلم بصوت مبحوح
_مراتي ماتت امل ماتت يا نوران
للحظة حسيت قلبي وجعني عليها مع انها كانت سبب في يوم انه يتكسر بس هي ملهاش ذنب و بنتهم تاليا ملهاش ذنب برضو للحظة حسيت اني عاوزة احضنه و اخبيه جوايا من اي حاجة تزعله حتي لو هخبيه من نفسه بس محصلش كدة و سبته و مشيت من غير حتي ما اقوله كلمة تريح قلبه
عدت الأيام و اتجوزت هشام منكرش اني يوم الفرح كنت بموت و انا شايفه قدامي شايل بنته و بيلف بيها في القاعة و بيحاول يهرب من عيني كأنه رافض المواجهة في يوم زي ده و عدا اليوم و الشهور كمان عدت وانا فشلت اني أكون زوجة لهشام فشلت اني اديلو حقوقه ببساطة لاني بحب غيره وهي الست كدة لما بتحب حد عمرها ما تقدر تقرب من غيره و هشام طلع انسان كويس و عاقل و قدر يفهم كلامي و فضل معايا سنة كاملة و بعدها انفصالنا بس كان فات المعاد و ماجد سافر و خد بنته و محدش يعرف هما فين لحد دلوقتي و من وقتها و انا سبت كل حاجة و اشتغلت و بقا ليا أسمي و قدرت أفتح كذا فرع لمكتبي في أكتر من مكان والنهاردة الافتتاح العاشر علي مدار عشر سنين عشر سنين عدو عليا كل يوم بشتاق ليه أكتر يمكن كنت غبية و ضيعته من أيدي بدل المرة أتنين بس أكتشف ده بعد فوات الاوان اكتشفت انه علي قد عذابي وانا عارفة انه مع غيري بس أهون عليا وانا معرفش عنه حاجة و صحيح الحب عذاب بس ده شئ مش بأيدينا أحنا قلوبنا بتعشق و تحب من غير إذن تعشق و تحس حلاوة الحب و فراقه و تفضل تتعذب في صمت يمكن لو رجع بيا الزمن كنت خدته في حضني و هربت بيه بعيد كنت حبيته فوق حبي ليه اضعاف بس كالعادة الحب عذاب و اللي محسش بعذاب الحب يبقا محسش بحلاوة الحب
صوت الباب رجعني من ذكرياتي
_ادخل
دخلت مها وهي بتتكلم بسرعة كأنها خايفة حد يسبقها
_رجع رجع يا نوران رجع ماجد رجع
مش عارفة ليه حسيت إني بحلم أو أنها بتهزر وانا مبحبش الهزار في سيرته
_مها اوعي
ضحكت بخفة
_والله جه و قاعد برة مستني يدخل يقابلك
وشي بدا يحمر هو مين ده اللي برة قومت بسرعة بصيت في المراية وشي بدا يظهر عليه علامات الكبر و بدأ شعري يكون فيه كام شعراية بيضة و بدأت عيوني تكون باهتة في ثانية كنت شوفت كل عيوبي اللي عمري ما شوفتها وهو بعيد عني كنت خايفة اخليه يدخل و يشوفني وانا كدة كنت خايفة يفكر اني كبرت و عجزت واني مبقتش أنفع اكون ليه بس
لفيت نفسي بدون تفكير و قعدت مكاني و سمحت لمها تدخله
دخل و ياريته ما دخل زي ما هو حلو في عيني كانه لسة في سن العشرينات متغيرش قرب مني ببطئ كأنه بيتحدا الوقت قعد علي كرسيه بهدوء تام و بدأت عيونه تفحص كل تفصيلة في ملامحي للحظة حسيت أنه حفظ في خط في وشي بدات اتوتر و لكن حاولت أمسك نفسي
_شرفتنا يا أستاذ ماجد اؤمر
ضحك ضحكة خفيفه أكدت ليا انه لسة في سن العشرينات
_لسة بيبان عليكي التوتر حتي لو حاولتي تخبيه لسة عيونك فضحاكي قدامي يا نوري
ياه كنت بدات أنسي الاسم ده من بعده
_وانت لسة زي ما انت يا ماجد متغيرتش
ابستم بهدوء
_وانتِ لسة جميلة في عيني زي زمان
دلوقتي اتاكدت ان عيني لسة بتكشف ليه كل أسراري من غير حتي ما أقولها
_لسة عارف انا بحب اسمع ايه منك
_تؤتؤ اسمها لسة عارف تفهم عيوني بتطلب منك ايه
سندت بأيدي علي المكتب
_وها عيني عاوزة أيه
قرب هو كمان
_عينك عاوزة تقرب مشتاقة تعوض كل لحظة فراق و بعد عينك محتاجة حنيه و دافي عينك متحاجة ماجد يا نوري
رجعت بضهري لورا
_مبقاش ينفع
سند هو كمان ضهره
_ينفع يا نوري ينفع
ضحكت علي ثقته بنفسه اللي بعد السنين دي لسة زي ما هي
_بنتك اخبارها آيه
_بتغيري الموضوع بس برضو بنتي دي موضوع مهم علي العموم تاليا مستنيا مامتها ترجع معايا ليها عشان هي مشتاقة تشوفها
للحظة اتوترت
_هي مش مامتها يعني
ضحك
_اتوفت بس مامتها التانية قعدة قدامي اهي وهي هتفضل مستنيها لحد اخر يوم في عمرها ها هترجعي معايا و لحضني ولا عيونك هتسبني امشي تاني من غير ما ننفذ طلبتها
ضحكت بهدوء كأن كلامه طيب خاطري و نساني أي يوم وحش شوفته في بعده كأنه راجع بعد السنين التعب و الفراق دي كلها عشان يطيب خاطري من تاني و المرة دي صعب اسيبه من غير ما انفذ طلبات عيوني.
.........
كلموني تاني عنك فكروني فكروني
صحوا نار الشوق الشوق في قلبي و فعيوني
رجعولي الماضي بنعيمه و غلاوته و بحلاوته وبعذابه و بقساوته
و إفتكرت فرحت وياك قد إيه
و إفتكرت كمان يا روحي بعدنا ليه
.......
مها محمود بكر❤️
