اعداء💔ابي واخوتي❤

المقدمه🔥🙃❤

سلاااام♥ رجعت مع روايه جديده ومختلفه تماما عن اي روايه كتبتها من قبل🔥بس الروايه هذي حسيت ان لازم نكتبها♥ لان هضا واقعنا🔥💔احيا نطيحو في مشاكل نحسو ان خلاص مافي امل بس احيا يولد الامل من حيث لاندري♥

#اعداء💔ابي واخوتي❤ (روايات ليبيه)

المقدمه.. ♥

انا.. سيفان مواليد1995 خوات سيفان.. ندى.. فاطمه.. ريماس.. والاصغر في البنات.. اميرة عمرها3سنين
خوتها الشباب.. رضوان.. احمد.. معاذ ♥الاب... عبدالله... الام نعيمه

عائله حالتها المديه فوق الريح كل حد على مزجه عايش بس الاحترام واجب وكيف اي عائله ليبيه بات يخاف على بناته وخوت يغارو على خواتهم وسمعه
نحنا قبل ما نكون ما نولدنا في فمنا ملعقه من فضه او ذهب كان حالتنا المديه عاديه بس بسبب شغل بابا ♥لان يشتغل اعمال حرة عمره ما نقص حاجه على الحوش والي يزيد من الفلوس يصمد🔥لعند ما دار شركه والشركه صارت شركات وفروع.. 🎀 اها ولاب ولام عيال عم يعني يقربو لبعض

معاذ: فاطمه فاطمه..

سيفان: كنك تعيط

معاذ: اختك وين كنها ما ترد

سيفان: انت عارف فاطمه السمعات في وذانها ومستحيل تسمع

معاذ: قريب تهبلني

سيفان: اختنا الله غالب

معاذ: امك مزالت في نفس القصه

سيفان: اها

معاذ.. لاحول ولاقوة الابالله العلي العظيم

سيفان: اميرة

اميرة: جت تجري ب جسمها الي كيف الكوره تدرهب😂تنتبو(شن تبو)

سيفان: عدي خشي على فاطمه اسحبي السمعات وتعالي..

اميرة: امممم به

سيفان: 😂 حي عليها

معاذ: 😂ذهبت للوحش😂😂

نحكي على فاطمه شويه.. فاطمه.. مواليد 2001تموت في حاجه اسمها موضه ديما اخر طرحات تلبس وتحب تهتم بروحها لدرجه ان محد يقدر يغلب جمالها وتموت في حاجه اسمها اغاني ورقيص😂😂😂وعصبيه وزعوله درجه اولى لاكن قويه درجه اولى تضربك تقول راجل ضاربك مش بنت😂😂😂

عكس معاذ😂.. مواليد1998يحب يضحك مش عصبي ديما يضحك يحب يهتم بنفسه البس احلى البس.. حي على البنات الي طايحات فيه بس😵يلعب😂😂

اميرة: خشت تجري سرقت السماعه من وذانها..

فاطمه: ياكلبه السمعه😡😠

اميرة: تجري بجسمها الكروي وتضحك😂😂

سيفان: هاتي

فاطمه: من دزها البهيمه هذي

سيفان:معاذ امبدري وهوا ينادي

فاطمه:شن يبي

سيفان:وين نندري بس اميره ماذنبها شي را