مساءكم ورد وياسمين . ورجعتلكم بقصه جديده وحلوه يارب تعجبكم
عنوان القصه .... #جريمة_امرأه_ثلاثينيه 🌹🌹
القصة حقيقيه
اول بارتين بنفس المنشور . التكمله بالتعليقات .. قراءه ممتعه اتمناه لكم أحبتي 👈🌷🌹🌷🌹🌷🌹
#البارت_الاول
اسمي هجران من مواليد 1974
شابه جميله صاحبة عيون صفراء
وشعر مجعد مخصل بصفار لامع...
عشت ويه امي وابويه واخ واحد اسمه (مراد)...
واخوات 3 صابرين ونرمين ونسرين واني اصغر وحده بيهم..
والدي تاجر بالشورجه والدتي انسانه اميه
فقيره من اهل الله بس همها تنجب اطفال
توكلهم اداريهم تلبي احتياجاتهم فقط.
ابويه نفسيته تجنن عطوف حنون
ويحبها الامي موت ويغار عليها من الهوا
الطاير لان كان يحبها فأاخذها غصب
اخويه مراد كان بوقتها عسكري يحب بنت
جيرانه علويه اسمها ( فريال) وهي همات
تحبه ونتظر نزلته من العسكريه ع مود تشوفه
اني كنت صغيره اتفرج عليهم من الشباك
شلون يتغازلون..
اتمنى يمتى اكبر واعيش مثلهم واحب
حبهم كان كولش بريئ هي من الخجل
تلبس حجاب كدامه وهوا يكوللها
من تصيرين حلالي اشوف شعرج
الله ع حبهم شكد حلوو...
استمر حب مراد وفريال 4سنوات
اخويه كان بالجيش ينزل بالشهر 6 ايام
مره نزل مجاز وشاف فريال تبجي
لج شكو فريال احجي وكعتي الكلبي
كلتله اجويه عليه خطابه اقارب ابويه
بوقتها العلويه مينطوها اله السيد
ع مود يكثر نسل الساده ..
نزل من السياج مراد ميت قهر وعيونه
بيهم نار اجه ع امي
يوم اليوم تخطبيلي فريال لان اجوي
عليها خطابه فدوه لتضيع البنيه مني
اي يمه اخطبها والله بس غير يجي ابوك
واخذ شوره لان مااكدر اطلع بدون اذنه يايمه
اجه وامي حجتله السالفه وراحو البيت
فريال..بيت فريال ناس اوادم وصحاب نخوه ويحبو الابويه ميرفضوله طلب
لان صاحب فضل عليهم ...
انطوه كلمه الابويه فريال متصير غير المراد
وفعلا تمت الخطبه ..
واني كنت فرحانه بيهم كنت صف سادس
ابتدائي
كان جسمي اكبر من عمري ممبين عليه بالابتدائيه لا الي يشوفني يكول هاي بالاعداديه..
قرب موعد زواجه الاخويه واحنه البنات
فرحانين بالتحضيرات الي تحف والي تسرح
والي تحضر ملابس والي تخيط نفانيف
تم زواجهم وابويه ذبح الذبايح بس هل ولد عنده وعزم العالم معارفنه هوايه ..
فريال كولش حبابه تحبنه
لان احنه شهر كامل خلينها متكمش شي
ورا شهر فريال حبلت وصار اسعد خبر
بالبيت ..هذا اول حفيد من ابنه
