(إنتقام مخيف) بقلم : نانا أبو جبل و أمينة

الفصل الأول

الجزء الاول
بمكان شبه مقطوع كانت الشرطة محاوطه المكان وسيارة الأسعاف واقفه  و رجال قسم البحث الجنائي منتشر حول جثة رجل ميت  وعم يعاينو الجثة  ويوخذو البصمات او أي دليل ممكن يفيدهم ...
مريم أوزرلي عم توضع الشرشف على الجثة : شو مجرمين لك ماعندهم قلب
بلحظه هاي توقف سيارة سوده وينزل منها رجال طول بعرض ولابس النظاره وماشي بكل ثقه...
احد رجال الشرطه: افتحو طريق  لمراد بيك...
وصل لمكان الجثة.. شلح النظارة وعلقها على قميصه ...نزل لمستوى الجثة  رفع الشرشف... تأملها  فنتبه على وجود شي مكتوب وراء الأذن ..
مراد يلدريم: مريم بدي كفوف
مريم بسرعة تعطي ..اخذهم لبسهم ومسك أذن الجثة ونظر لوراها لقي مكتوب رمز(E.Z)
تنهد .. رجع الشرشف على وجه الجثة ..قام وشلح الكفوف وزتهم بعصبيه ومسك النظارة ورجع لبسها ومشي بتجاه سيارته ..لكن قاطعه صوت مريم
مريم : مراااد استنى
وقف
مريم: هاي خامس جثه نلقاها الشهر هاد الوضع زاد عن حده
مراد بيحك راسه: هاي عصابة جديده وعم تاجر بأعضاء البشر
المشكله انه ماعم تترصد فئه معينه عم تخطف الرجال والمرا والأطفال
مريم: ليه عصبت وقت كنت عند الجثة
مراد وهو بيمشي لسياره:  لاحضت انه في شعار للعصابه وقت يقتلو الضحيه بيكتبو شعار(E.Z) لازم اعرف لشو ترمز
رن تلفونه
مراد يفتح الخط: اهلين سيدي .. ايه خمس دقائق بكون عندك
سكر الخط ورجع التلفون لجيبته : مشي معي
مريم وايديها بجيابها : لوين مراد: سيادة الرئيس طالبنا
طلعو بسيارة ونطلقو
..........
بمكان ثاني كانت في بنت بقمة النعومه والجمال  طالعة من الجامعه وحاملة كتب بأيدا وعم تستنى بتكسي ..وأذا بتسمع صوت بكاء طالع من ورا الشجرة الي وراها ...
حُب الفضول خلاها تمشي وراء مصدر الصوت ..نظرت  بخوف لوراء الشجرة  وأذا بتشوف بنت تقريباً أكبر منها بسنتين عم تبكي
قربت بسرعة لعندا ونزلت لمستواها: اختي مالك ليه عم تبكي
البنت تمسح دموعا: اااه أنا مو من هون كنت مع أبي حكالي أبقي هون وبعد ساعة برجعلك بس ابي مريض سكري وضغط اكيد صار معه شي  يااااربي  شوبدي أعمل هلأ
: كم ألو من الوقت غايب
البنت: اربع ساعات
: لا أكيد صار معه شي ..طيب دوري عليه
البنت: كيف بدي أدور وأنا مابعرف شي هون
: قومي يا أختي أنا بدور معك
مسكت أيدا وبلشو يدورو بلأماكن القريبه ..
...... .
وصلو الضباط لعند رئيس قسم البحث الجنائي ...طرقو الباب 
ركان ببك: اتفضل
دخلو وضربو التحيه العسكريه ..
وطلب منهم يقعدو ..
ركان بيك: اكيد عرفانين ليه طلبتكم
مراد: اي نعرف منشان العصابه الي عم تاجر باعضاء البشر
ركان بيك: الوضع مابيطمن والظاهر انها عصابة عم تشتغل على مستوا ومدعومه لأنه مو قادرين نمسك طرف خيط لهلأ وهل شي عم يخليهم يتمادو ويزيدو ب أعداد الضحايه
مريم: الضحية الي لقيناها اليوم كانت لرجل وهل شي بيدل عقوتهم
ركان:لهيك راح كلفكم بمسك هاي العصابة واذا تم الموضوع راح يتم ترقيتكم
مراد : تعرف يابيك انا بحب استلم المهام الصعبه وهل شي راح يبسطني
ركان بيك: اذاً روحو شوفو شغلكم وخليكم معي عتواصل وأبعثولي المعلومات أول بأول...
وقفو وضربو التحيه وطلعو ..
مراد  واقف عند سيارته : اطلعي لحتى وصلك يابنت
مريم وهي عم تمشي بعيد عنه : لا يسلمو بدي أتمشى شوي
ركب سيارته ونطلق...
.............
وقريب من السوق كانت لسا عم دور مع البنت على ابوها
البنت : اكيد صارله شي
: طيب خلينا نبلغ الشرطه
البنت : لا لا بلاها  اصلاً مايقبلو بلبلاغ الا وقت يمر ٢٤ ساعة على فقدانه
: طيب والعمل
البنت : ااي مشي معي
: لوين
البنت: اندور
: اعذريني صار لازم أروح على البيت لأني تأخرت واذا بتحبي تعي معي
البنت: راح أجي معك بس خلينا ندور هناك قلبي حاسسني انه راح القاه بلمكان هاد
: أمري لا الله مشي ...
مشيت جنبها
البنت: انتي شو اسمك
: انا هلال
البنت: ممم كثير حلو وغريب
ابتسمت : يسلمو
البنت: أغلبك دوري ورا الجيب السوده وانا ورا البيت هاد
مشيت هلال بخطوات ثقيله لأنها مو مطمنه وقلبها حاسسها انه راح يصيرلها شي
قربت من السيارة وبدها تلقي نظره لورا وماتوعى الا على ابره عم تنغرز برقبتها ...
تمسك رقبتها وتلف لورا واذا بتشوف البنت ماسكه الابره وعم تضحك ...
حاولت تمد ايدها لحتى تمسكها لكن قواها بلشت تنهار فقدت الوعي ووقعت على الارض ...
زينب: ههههه
ينفتح باب السيارة ويطلع منها رجال ثنين  يحملو هلال لداخلها وتركب زينب معهم وتنطلق السياره ...
ولحسن حظ هلال بهاي الاثناء بتشوف مريم الشباب وقت طلعوها بلجيب فشكت بلأمر ..
حاولت  تلحقهم لكنهم راحو فحاولت تاخذ رقم السيارة لكن كانت بدون رقم وبسرعه توقف تكسي وتلحقهم
مريم تحكي لشوفير التكسي: بسرعه الحق السيارة السوده
الشوفير: صعب لكن بحاول
تمسك التلفون وترن على مراد
مريم : مراد انا عم طارد بسيارة مشبوه شفتهم وهم عم يخطفو صبيه
مراد : انتي وين ابعثيلي مكانك
مريم : انا بتكسي عم الاحق السياره  وهي هلأ بتجاه طريق الصناعه
الشوفير : للأسف ضيعناها
مريم تضرب ايدها بلكرسي الي قدامها: العمى قدرو يهربو
مراد : طيب انزلي عند الأشاره وانا جاي لعندك فوراً
يتبع

أتمنى يكثروا الكل الفوت على الرواية و كمان الكومنتات ...
و كل يوم بإذن الله راح نزل جزء ...