My mom lover is my sister

Episode 24

Jennieသည် ​နောက်ရက်တွင် jisooအိမ်သို့ကူးလူးသွားလာခြင်းမရှိ​တော့။နင့်မားဟု ချွဲပျစ်ကာ စကားလုံးအလှ​တွေနဲ့လည်း jisooကိုသွားမချွဲ​တော့။

တရားရုံးနှင့်ရဲစခန်းကို အသွားအပြန်လုပ်နေရသဖြင့် Lisaက သူ့ကား​လေးဖြင့် အပို့အကြို လုပ်​ပေးရှာသည်။အမှုကြားနာမည့်ရက်နီးလာ​လေ jenမှာ ရင်ထဲ​လေးပင်လျက် တွန့်ဆုတ်မိ​လေ​လေဖြစ်​နေသည်။သို့​သော် ရပ်တန့်ပစ်ဖို့​တော့ စိတ်ကူးမရှိ။နောင်တွင် နာကျင်စရာ အတိတ်အတွက်  jennie​ရော jisooပါ လိပ်ပြာလုံချင်ပါသည်။jisooအပြစ်ကို ​ဆေး​ကြောပစ်ခြင်းက jenရင်ထဲ နက်နက်နဲနဲစိုက်ဝင်​နေသည့် ဆူးတစ်​ချောင်းကို ဖယ်ထုတ်ပစ်လိုက်ခြင်းသာဖြစ်သည်။

Jisooထိုင်သည့် barတွင် လူသိပ်မရှိ။အရင်လိုပင် ​ကောင်မ​လေးတစ်ချို့က jisooအနားတွင် ရစ်ဝဲ​​နေ​သော်လည်းမျက်နှာမသာ​သော သူမ​​ကြောင့် အသီးသီး သူမဆီက ထွက်သွားကြသည်။jisooဘီယာ ​အေး​​အေး​လေးကို တစ်ငုံချင်းငုံ​နေစဥ်တွင် ​ဘေးတွင် လူတစ်​ယောက်လာရပ်သည်။

               "Hello မဒမ်" ချယ်​ယောင်းက jisoo​ဘေးရှိထိုင်ခုံတွင် ဝင်ထိုင်လိုက်သည်။

                 "တိုက်ဆိုင်​နေပါလား လာ​သောက်တာလားမင်းက"

Jisoo၏ တိုက်ဆိုင်သည်ဆို​သော စကား​ကြောင့် ချယ်​ယောင်း သူ့ဖက်သို့လှည့်ကြည့်လာသည်။jisoo၏မျက်နှာ​လေးမှာ မီး​ရောင်မှိန်မှိန်၌ ခပ်နီနီ​လေးဖြစ်​နေသည်။မူး​ဝေဟန်မရှိ​သော jisooသည် ချယ်​ယောင်းဖက်သို့ လှည့်မကြည့်ပဲ တစ်​နေရာ၌ ​တွေ​တွေကြီး​ငေးစိုက်ကာ အသက်မဲ့စွာပြုံး​နေသည်။

                  "အင်း လာ​သောက်တာ ပျင်းလို့​လေ"

ချယ်​ယောင်းသည် Lisaဆီမှ သတင်းကြားပြီးသည်နှင့် မဒမ်​နောက်သို့ ​တောက်​လျှောက် ​နောက်​ယောင်ခံလိုက်လာခဲ့သည်။ ဒီbar လာတာက တိုက်ဆိုင်ခြင်းမဟုတ်​ကြောင်း jisooကို ချယ်​ယောင်းမရှင်းပြခြင်ပါ။မဒမ်သည် သူ၏ သမီးမှအပ ဘယ်ဟာမှစိတ်ဝင်စားမည်မဟုတ်​ကြောင်း jenကို လာ​ခေါ်သည့်ညကတည်းက ချယ်​ယောင်းနားလည်ခဲ့ပြီမို့​လေ။