المي وملاذي

البارت السبعون 70(ج2)

لاتنسون التصويت وتعليقاتكم الحلوه على فقرات 💛

السلام عليكم 🌺🤍
★#ألــــمـــي_ومــــلاذي★
★البارت السبعون 70(ج2)★
الكاتبة اساور حسين★
،اصالة گالت بغصة خيبة:
تذكر اللحظات الي بعتني فيها!!
نظرتي ونبضات قلبي.. وأنت تطفيها
رجعت گالت بنفس اللحظة بنبرة قوة:
هدمتني..
بنيت نفسي وعشت ونسيتك خلاص🔥!

اقتباس من متابعة القصه ❤

♡♡♡♡♡♡♡♡♡♡♡♡♡♡♡♡♡♡♡♡♡♡
رهف ..

اني اكتفيت اوكف بعيد وبس عيوني يجرن على خددي..
ڪام ابو رقيه يفتررر اخذ التلفون خابر على ابو فاطمه الحمدالله بيتا قريب اجه يركض
بين مااكلبه ابو رقيه وعدل نومته لان صارت على وجهه
اجه ابو رقيه قاس ضغطه هو بالكاع قاس نبضه
صرخ بعلو صووته:-لكك الحكك شيله وياي ضربته جلطه ..

تعاونو شالوه كوه واجه وياهم واحد من الجوارين
صعدو بالسياره وراحوو ..
رجعت للغرفه دخلت ام رقيه مدت ايدها
وهمست بخوف:-يمه جسمي كله يرجف من المنظر شلون وكع وكعه كون يطلع منها سالم خطيه والله كسر ڪلبي .

رديت بكلمتين :-الله يشافي ..

ام رقيه :-اوفف رهف شلون حاركين كلبي انتو الاثنين يمكن اني حسدتكم شكد مااجنت امشي واحجي بحبكم
بمعاملتج السند وبدلاله الج
حتى مرات اكول الابو رقيه ليش متصير رومانسي مثل سند
ميهتم للكل عيونه تنعمي بس يشوف رهف يركز عليها وبعد ماايرفعها على اي احد ..

رهف:-هو خرب كلشي هدم حبنه بيوم الهان عنده حبي
وتعبي ..باعني واشتره وين وحده لحمها رخيص..

ام رقيه:-بس مااكدر اتخيلكم تتفاركون مااعتقد راح تكدرون تعيشون وكل واحد بيكم بصفحه ..

رهف:-شفتي بيوم احد مات وره اليحبه ناادرررااا
جددا ..اماا سند واني حبنه صار ينداس بالرجلين
وراح ينضرب بي المثل بالغدر والخياانه والتعب والذل والرخص ..

ام رقيه:-لا ابدد حبكم ينضرب بي المثل شكد حلو ومترابط واثنينكم تعبتو الى ان وصلتو لهناا وخربوكم الماايخافون ربهم ..

رديت بضحكة كلها وجع :-محد خربنا غيره هو مشى وره نزواته الى ان خسرني وخسر نفسه وحياتنه العشناها سووه ..

راح انام ام رقيه عيوني اذا تصير الصلاة عادي دكعديني ..

ام رقيه:-من عيوني حبيبه ادلليي ..

عافتني وطلعت خليت راسي على مخده ومنظره ماايروح من بالي ..بس بنفس الوقت كلبي مارف عليه بعدني ضايجه حييييل منه وكارهه وجهه ..

حلفت ماارجع واخلص نفسي من هل عذاب لان اذا ابقه وياا مااراح انخلص من هل مصايب وراح ارجع النقطة الصفر ..

بقو ويا الثاني يوم بالمستشفى حتى ابو رقيه ماارجع للبيت خابر زوجته كاللها تقفل البوب بين ماايطلع سند ويجي اخو ياخذه عود يروجع ..