احببت مشهور

-انت رايحه فين يا داليا.

-انا لازم امشى من هنا.

-عاوزه تمشي بعد كل اللى عملتيه ده،عاوزه تمشي بعد مابوظتيلى حياتى.

-انا مبوظتش حياتك، حياتك بيه او من غيرى كانت كده كده بيظه،فامتلمنيش انت المفروض تشكرنى لأنى صلحتلك حياتك مش بوظتها.

-معاكى حق، بس مش دا اللى كنتى عاوزه من اول ماجيتى البيت ده.

-اه ده اللى كنت عاوزاه، ادهم انا ان اقف قدامك واتكلم معاك ده كان حلم بالنسبالى، واللى حصل ده فعلا انا كنت عاوزاه بس مش بالطريقه دى انا حاسه انى ارتكبت زنب فى حقك وفى حق نفسي.....

Flash Back
قبل شهر واحد و3اسابيع بالضبط

•فى احدى اشهر مجالات الأسكندريه:-

-ادهم ابو زيد ادهم ابو زيد، ادهم ابو زيد عامل جدل فظيع فى الفتره دى محدش كان يتوقع خالص خلال ال5سنين اللى فاتوا انوا يبقى اشهر فنان فى مصر ويثير الجدل للدرجه دى وخاصآ فى الفتره دى، جميع مجالات القاهره حابه تعمل معاه لقاء صحفى عادى بس احنا طبعا غير،وعلشان كده فى حد لازم يسافر القاهره ويعمل اكبر واضخم سبق صحفى مع ادهم ابو زيد ويجيب معلومات محدش يعرفها غيره.معلومات عن حياته الشخصيه..معلومات عن شغله  والخ.. ودى طبعا هتبقى نقله جامده جدا للمجله.

وياترى مين يا مستر طلعت اللى هيسافر علشان يعمل السبق الصحفى الضخم ده.

انا قررت اني ابعت الانسه رانده، الانسه رانده من اكفاء الصحفين عندنا وانا واثق انها هتقدر تعمل ده.

غضب غضب غضب.. تظهر جميع علامات واثار الغضب والاستغراب على وجه احدى فتايات الاجتماع والذى كانت تتميز بشعرها الناعم الاسود الكثيف المتسلسل كالحرير. واعيونها،واعيونها التى كانت تميزها عن غيرها بسبب لونها،لونها الرصاصى الغامق  الداكن جدا . وطولها الذى يبلغ حوالى 165سم. وكانت تتميز ايضا بجسمها الرياضى المنشوق. وشفايفها المرسومه.. وخدودها الورديه الصغيره مثل خدود الاطفال.... كانت تتدعى هذه الفتاه داليا وواضح جدا هى بتشتغل اى ع العموم داليا بتشتغل صحفيه رئيسه قسم الفنون وتخرجت من كليه اعلام قسم صحافه.. وعمرها26سنه.

-الانسه رانده بأسلوب مستفز جدآ:-تأكد يا مستر طلعت انك اخترت الاختيار الصح واوعد حضرتك ان اشرفك واشرف مجالاتنا ان شاء الله.

-مستر طلعت:-ان شاء الله يا انسه رانده... وبكده يكون الاجتماع انتهى. تقدروا تتفضلوا.

وتذهب الانسه داليا الى مكتب مستر طلعت وتتحدث معه بعصبيه شديده جدا:-مستر طلعت.

-مستر طلعت:-فى حاجه يا داليا.

داليا:-ازاى حضرتك تبعت رانده مع ان حضرتك عارف ان مستنيه الفرصه دى بفارغ الصبر،وان من ساعه ماتعينت هنا وانا مستنيه اى فرصه علشان اسافر القاهره.

مستر طلعت:-اهدى يا داليا.. عاوزه تعرفى لى هبعت رانده.... رانده عندها كفاءه عليا جدا مع انها لسه متعينه فاعلشان كده عاوزها تظهر كفاءتها اكتر فحاجه مهمه زى دى..

داليا:-طب وانا...

مستر طلعت:-انتى هتفضلى هنا يا داليا.. علشان المهرجان السنيمائى اللى هيحصل. وخلى فى علمك دى برضوا مش حاجه سهله، لاول مره هحصل مهرجان سنيمائى فى اسكندريه بالضخامه دى.

داليا:-طيب يا مستر طلعت متبعتنى انا القاهره وخلى رانده هنا.

مستر طلعت:-لا يا داليا انت اللى هتبقى هنا.

داليا:-يا مستر طلعت...

مستر طلعت:-قولت لا ياداليا.. اتفضلى.

اومأت داليا بالنهوض وذهب وهى حاله شديده من العصبيه....

مستر طلعت:-داليا...
داليا:-نعم يا مستر طلعت..

مستر طلعت:-انا عارف انك عاوزه تسافر القاهره بأى طريقه من الطرق.. علشان ادهم صح. انا عارف انك معجبه جدا بأدهم ابو زيد وهتموتى وتقابليه. بس متزعليش ان شاء الله تتعوض.

داليا:-كويس ان حضرتك عارف يا مستر طلعت. وانا موافقه على قرارك.. بس لو سمحت فكر، فكر فأنك تبعتنى انا لو سمحت.......

يتبع....
بقلمى: امنيه العدلى.