UNICODE
ပန်းပင်ငယ်နှင့် သစ်ပင်ငယ်လေးများဖြင့် အလှဆင်
ဖန်တီးထားကာ ဆေးပန်းရောင်ခြယ်မှုန်းထားသော
အခန်းကျယ်လေးသည်အခန်းပိုင်ရှင်ဖြစ်သူလေး၏
စိတ်ကူးဉာဏ်ကွန့်မြူးဖန်တီးထားမှုကြောင့် အခြား
အခန်းများနှင့်မတူဘဲ တမူထူးခြား၍ နေခဲ့ပါလျက်။
စာဖတ်ရသည်ကိုဝါသနာပါပုံပေါ်သောအခန်းရှင်က
အခန်းကျယ်အတွင်းတွင်ပင် စာကြည့်စားပွဲလေးကို
နေရာချထားကာစားပွဲခုံပေါ်တွင်လည်း သူနှစ်သက်
သဘောကျသောအပင်ငယ်လေးများစိုက်ထားသည့်
အိုးများဖြင့်ဖြည့်စွက်ထား၏။ စားပွဲဘေးတွင်လည်း
စာအုပ်စင်နှင့် အပင်ထားသောစင်အား အတူယှဥ်တွဲ
အလှဆင်ထားသည့်အပြင် အခန်း၏ပန်းနုရောင်နံရံ
ကွက်ကြား၊ကွက်ကြား၌လည်း အပင်ငယ်ထားသည့်
စင်များနှင့် နံရံတစ်လျှောက်အစိမ်းရောင်အရွက်များ
ချိတ်ဆွဲအလှဆင်ထားသည်ကြောင့်အခန်းတွင်းသို့
ဝင်လာလိုက်လျှင် အေးချမ်းမှု ခံစားရမည်မှာအမှန်။
သို့သော်ခက်သည်ကား ယင်းအခန်းမှာ အစိမ်းရောင်
သစ်ပင်ပန်းမန်များဖြင့်သဘာဝတရားဆန်စွာ အလှ
ပြင်ထားသော်လည်းပန်းရောင်ဆေးသုတ်ထားသော
နံရံများနှင့်တော့ မလိုက်ဖက်ဘူးမလား။ ပြောရလျှင်
အခန်းပိုင်ရှင်ကိုယ်တိုင်မှာလည်း မလိုက်ဖက်နိုင်မှန်း
သိလျက်နဲ့ အမှန်တရားကိုလက်မခံနိုင်ဘဲတဇွတ်ထိုး
ဆန်စွာဖန်တီးတည်ဆောက်ခဲ့ခြင်းဖြစ်ပါလိမ့်မည်။
ယခင်ကမူ ထိုအခန်းကျယ်သည် အမြဲတမ်းလိုလိုပင်
နေထိုင်သူမရှိဘဲအလွတ်ဖြစ်နေပါသော်လည်း ယနေ့
အချိန်တွင်တော့ ကောင်လေးနှစ်ယောက်သည် အတူ
ရှိနေခဲ့ပါလျက်။ တစ်ဦးကမူ စာကြည့်စားပွဲ၌ ထိုင်၍
စာအုပ်ဖတ်နေခဲ့ပြီး နောက်တစ်ဦးကမူ ပန်းနုရောင်
မွေ့ယာပြင်ထက် မင်းသားလေးတစ်ပါးပမာ
အိပ်မောကျနေခဲ့ရင်းပေါ့။
"ဒါက ဘယ်နေရာလဲ"
အိပ်မောကျနေခဲ့သူလေးသည် အချိန်အတန်ကြာ
သတိမေ့ နေခဲ့ပြီးသည့် နောက်၌တော့ နိုးထခြင်း
ဆီသို့ ရောက်ရှိလာတော့၏။ ထို့အတွက်ကြောင့်
တဆစ်ဆစ် ကိုက်ခဲနေခဲ့သော သူ၏ဦးခေါင်းအား
လက်သီးဆုပ်ဖြင့်ထုရိုက်လိုက်ရင်းမျက်လုံးတို့ကို
ဖွင့်ကြည့်လိုက်မိတော့ သူနှင့်ရင်းနှီးကျွမ်းဝင်ခြင်း
မရှိသည့်နေရာကိုရောက်ရှိနေခဲ့မှန်းsleeping
princeလေး Jinတစ်ယောက်သိသွားခဲ့ပါပြီ။
တစ်ဆက်တည်းမှာပင် သူ့အကြည့်ကအခန်းထဲရှိ
လူတစ်ယောက်ထံရောက်သွားမိတော့ချက်ချင်းပဲ
လှဲနေရာမှထထိုင်လိုက်တော့...
YOU ARE READING
Fate (Or) Fake? (Completed)
Fanfiction(Both Zawgyi & Unicode) Which started the beginning of this story; fate or fake? If it's because of fate, how will the goddess lead the story? If not? Written By W ❌Not In English❌
