صوت تكسير في المطبخ خلاه يرمي التليفون من ايده ويجري على المطبخ، دخل وهو بيدور عليها بلهفة وهو شايف الأرض عليها ازاز مكسور
"جميله..جميله انتي فين "
كتمت "جميله" ضحكتها بايديها ، فضل يدور عليها في كل حته في المطبخ وهو خايف جدا ومرعوب لتكون عورت نفسها
"جميله اطلعي يلا...انتي مستخبيه فين..اطلعي عايز اطمن عليكي ..جميله "
" انا هنا اهو"
بص علي للصوت لقاها قاعده فوق الثلاجة الكبيرة في المطبخ ، قرب منها بلهفة وخوف
" جميله..انتي طلعتي ازاي كده "
جميله بطفوله وهي بتسقف
" عملت زي القطة ونطيت من علي الرخامة واتعلقت في التلاجة لحد ما طلعت زيها ، شوفت انا شاطرة ازاى "
" طب يلا انزلي "
" هنزل ازاي ، كده هتعور "
رد عليها بخوف وحنان في نفس الوقت
" متخافيش يا جميله ، انا معاكي ، يلا نطي وانا همسكك "
حطت ايدها تحت دقنها واتكلمت بطفولة
"هتديني شكولاته، وهتحكيلي حدوته لو نزلت "
" ايوا يا جميله ، بس انزلي يلا "
من غير اي أنزار نطت جميله من فوق التلاجة ، بس "مالك" كان مستعد و خدها في حضنه بسرعة اول لما نطت ، اتعلقت هي في حضنه جامد وهى بتضحك
"حرام عليكي يا جميله كنتِي هتوقفى قلبي "
بصتله وضحكت بطفوله زي ما بتعمل ديما ، رجع شعرها لورا واتكلم بحدة
"متعمليش كده تاني ، انتي كان ممكن تتعوري "
اخدها وخرج من الطبخ وهي لسه متعلقه في رقبته وهو حاضنها جامد ، دخل اوضتها وقعدها علي السرير وقعد علي ركبه قدمها
"مش انا قولتلك هعمل تليفون وراجع ، ليه تدخلي المطبخ بقي "
" اممم..كنت زهقانه وعايزه العب فلاقيت القطة بتجري علي المطبخ ونطت فوق التلاجة فعملت زيها "
" جميله بلاش تعملي كده تاني، انتي كان ممكن تقعي أو تتعوري"
" حاضر بس بلاش تسبني قاعدة لوحدي تاني "
" حاضر ، يلا بقي عشان تنامي "
" طب والشكولاته "
نايمها في السرير وقعد قصدها ولعب في شعرها بحنان وهو بيتأمل وشها
" الصبح هجبلك الشكولاته "
" مالك "
" عيونه "
" هو انت هترجعنى لأبيه أحمد "
اتفاجئ من سؤالها بس جاوب بتوتر
" انتي عايزة ترجعي عند ابيه احمد يا جميله "
اتعدلت وحضنته جامد من وسطه
" عايزة ارجع وانت معايا "
" بس مش هينفع يا جميله "
قالها بحزن شديد، رفعت جميله راسها وبصتله بطفوله وعيونها العسلي بتلمع جامد
" ليه انا بحبك وابيه احمد اكيد هيحبك ، ولا خايف من مامتك تزعقلك "
ابتسملها بحزن ، لو هي بعقلها كانت زمانها عايزة تهرب منه ، بس هي للأسف انسه بعقل طفله صغيرة متعرفش تعمل حاجة غير انها تحب وبس ، وده اللي بيخليه في صراع مع نفسه
رد عليها بجمود عشان ينهي الكلام
" خلاص يا جميله ، يلا نامي وبكرا نكمل كلام "
مسكت ايده وبصتله ببراءة وقالت
" تعالا نام جنبي ، مش عايزة انام لوحدي "
" بس!!… حاضر "
نام جنبها بعد ما شاف عيونها ابتدت تدمع ، في الحقيقة هو كان مستنيها تطلب ده عشان ينام جنبها مكنش عايز ينام لوحدة من غيرها ، حطت جميله راسها على صدره وهو لف ذراعاته القوية حولين جسمها الصغير ، وشد اللحاف عليهم عشان هي متبردش
حس بانفسها المنتظمة، غمض عينه وهو بيشم ريحة شعرها ، اول مرة يتعلق بحد كده واول مرة قلبه ينبض كده مع حد ، هو مكنش قصده يحس ناحيتها كده بس للاسف قلبه غلبه وبقي متعلق بيها بجنون وكأنها حتى منه و ده هيجننه لان دي اول مرة في حياته تبقي معاه " خارج عن السيطرة"
___________________________
رأيكم في الاقتباس ياة قمرااات☺♥️
