مشاعري مو بأيدي أو اني كلي مو اني.. اني روحي مسجله بأسمه وصلت لمرحله من الحب اهذي بأسمه واني نايمه... گلبي؟ صار گلبه لأن هوا الي تملكه واني تملكته بكل ما املك من حب اني أنانيه بحبي إله أريده كله الي تعلمت عالضلم والضرب واجه حبه بأمس لحظات الاحتياج ف...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أشهد ألّا امرأةً أتقنت اللّعبة إلّا أنت واحتملت حماقتي عشرة أعوام كما احتملتِ واصطبرت على جنوني مثلما صبرت وقلّمت أظافري ورتّبت دفاتري وأدخلتني روضة الأطفال إلّا أنت..
___________________
زهراء
كعدنا الصبح على الماي البارد وهوسه البيت كله فايض والفراش كله متبلل حرفيا البيت غرك والمي كله داخل للغرف ومبللها مدري شنو السبب كعدت كبل ركضت جوه اريد افتهم منين كاعد يجري
لكيت الكل نايمين وهوسه البارحة كلها بعدها خصوصا المطبخ صاير طشار والكراتين مال البارحة كلها بعدهم ما منضفيها وخصوصا المي واصل لجوه بس الصالة غركانه لأن المي كاعد ينزل من فوك
رحت كعدت امي هذا الحجي تقريبا بثمانية الصبح الكل كاعد يشوخر
"يمة البيت كله ماي مدري منين كاعد يجري ومبلل الفراش وداخل للغرف"
صارت هوسه نريد نعرف منين هذا المي كاعد ينزل تالي طلع من مبردة اية عايفين الصوندة مفتوحه طول الليل عليها ومفيضة البيت كلـه.
بلشنا نمسح ونرجع ليوره بس شنو المي بارد واني هستوني كاعده جرشت مع انو بعدنا صيف ضلينا اني وملاك نلعب زحليگه إلى أن أمي صاحت علينا واكلنا رزاله معدله يلا ارتاحينا والله مدري منين أجا الحيل كمنا جلفنا الحيطان والشبابيك ماخلصنا إله الساعه ب ٢ الضهر وسوينا غدة البيت ضل بدون فراش يجنن ويگزگز من النضافة بقت بس غرفتي المصيبه الچبيرة ما معزلتـها.
كفينا الشغل كله وحان وقت نومه الضهر إلي مانامها لو اموت ماعرف الناس شلون تنام الضهر بس اهلي عدهم هاي النومة شي روتينـي.
صعدت فوك ضليت اباوع عالغرفة شي خمس دقايق بس مابيه حيل اعزلها احتاريت منين ابلش لميت الملابس المطشرة كلها بالكنتور وشلت الفراش كله الي متبلل طلعته عالشمس والي ناشف عفته ومسحت الجام ومسحت الأرضية والله طلعت نضيفة ارتاحيت شويه وكمت ذبيت على راسي ماي.
