البارت الثاني♥.
ونرجع الـ علي :
مثل كل يوم امي كعدتني الصبح بـ5 عندي واجب صبحت عـلئ امي وبست راسهه ورحت بدلت ملابسي ونزلت اتريك وي امي، طبعآ عايشين بس انه وامي واخوي خواتي مزوجات وامي مره جبيره يعني متكدر علئ شغل البيت جبت الهه مره تساعده بالبيت ، المهم خلصت ريوك سلمت علئ امي وطلعت رحت للمركز والشغل حيل دوخه وقضايه شغلي كله وي المجرمين ومااحجيلكم علئ عصيبتي يعني اعصابي نارر ومن اعصب مااسيطر علئ نفسي وكلهه تخاف مني بالمركز لأن صوتي كلش عالي وي المجرمين واضربهم منا لحد مايغمـه عليهم وجانت عندي قضيه مجرم مغتصب طفله عمره 4 سنوات حاجيته ولك بس فهمني شلون دنت نفسك علئ طفله ولك طفله ماتسمعه من تبجي و ادكلك عوفني ها مكسرت خاطرك ها؟!
سيدي واللـه بسبب غريزتي
انجب لك وضربته ولك البنيه ماتت تفهم شنو ماتت؟ بوكسي علئ وجه واغمه علي وطلعت كلت للشرطي مااريد يوصله لا اكل ولا شرب ومن طلعت كلهه اتباوعلي اتخاف يعني من ايشوفوني هيج ايكولون ماعنده احساس ابد بس انه بالعكس مو هيج بس من وره هالقضيه صارلي يومين منايم مقهور ع البنيه الزغيره ماتت خلصت شغلي بـ12 الضهر رجعت للبيت سلمت علئ امي وصعدت سبحت وبدلت ملابسي ونزلت اتغده ومالي خلك فنتبهت عليه امي
خيرك يمه شبيك اكو شي مضوجك
لا يمه هيج تعبان من الشغل
يبعد امك علئ كيفك وي نفسك بالشغل ولا تعصب علئ كلشي تره اضر نفسك مااضر احد
صار يمـه بست راسهه وصعدت الغرفتي نمت ساعتين وكعدت بـ4 العصر غسلت وكعدت لزمت الجهاز شوي شفت الفيس وعندي حساب انستا وتليجرام دخلت البرنامج التليجرام عندي كروب بس مااحجي بي هواي كلامي قليل وبارد اغلبيتهم يكولون متكبر ومااحجي وي بنات يعني احجي بس قليل فدااحجي ويه صديقي بالكروب اجتي رساله بالخاص دخلت للخاص شفت بنيه دازه نقطه وانه مااحب هاي السوالف واني هوايه اكو عندي بنات ايدزن رسايل بالخاص واني ماارد عليهن لأن اعتبر حب الأنترنيت فاشل ، المهم بس بصراحه اكو شي حسيته يختلف بهايهه البنيه معرف شنو و أول مره اتجرأ و أرد ع بنيه رديت عليهه بصمه كلتله :
هلا منو وليش دازه نقطه اتفضلي محتاجه شي حاجيته بنبره عصبيه اني حتئ لو مواضيع عاديه اني مبين عليه عصبي من ملامح وجهي وصوتي
انتهئ البارت الثاني.
____________________________
