الدكتورة أسيرة الزعيم 🔫👩‍⚕️

الحلقة 38

ناضت ميار صباح فرحانة انها رجعت لدارها ناضت بكل نشاط دوشت و لبست روب قصيرة مع باسكات و مونتو و طارت للورشة ...
غير وصلت وفتحت الباب قابلوها لي طابلو و التصاميم تاعها : اوووووه توحشت كل حاجة فيك حتى تعبي لي يخرج هنا و توحشتو و بقات تمشي في يدها  على القماش  و التصاميم تاعها حتى جاها صوت : و انا متوحشتينيش! عرفت صاحب الصوت  قبل ما دور ضحكت و جاوبت  و هي دايرة : اممم يعني ماشي حاجة.
راح ليها  و وقف قبالها : زعما صح؟
ميار: شحال عندي  معيطتلكش!
سام: من لولبارح فليل علاه؟
ميار: هذا الشي يعطيك  الجواب اني متوحشتكش تبسمتلو في وجهو و راحت توجد قهوة .
اما هو حبس في بلاصتو يشوف فيها و بغزرة تاع عندها  الحق ..
شاف فيها و جا رايح حتى جات تجري موراه : حبيبي وين؟
سام نحالها يدها  من كتفو و هدر: عندي لي تتوحشني آنسة ميار و دار و خرج و خلاها تشوف فيه مخلوعة: يعني دوك راح هكدا اوكي اصلن توحشت خدمتي و بدات تخدم (البنات ننصحكم كونو كيما ميار😂) خرج و هو يضحك : حبيتي تلعبي راح نلعبو بزاف يا حبيبي..
نولو لابطالنا ..
ناضت صباح على صوت زغاربت فتحت عينيها تتاكد من الصوت و قفزت تجري خرجت من بيتها و حبطت الدروج عين مفتوحة و وحدة مغلوقة حتى لحقت و تصوطي على وحدة : حلوفتيييييييييييي
توحشتك يا كلب البحر و بدات تعنق و تزير
ياسمين:جوريييييييي اااي بلعقل عظامي راح يتكسرو نزيد نروح لعرسي باابلاتر علاجالك
جبدت روحها تجري جوري: عرسك ! ههه شكون يقبل بيك انت منيتك سليمان ؟ بلاق هايلة و الله 😂
ياسمين: كملتي؟
جوري: وي😊
طلعتلها ياسمين يدها في وجهها و شرتلها على الخاتم: احم... خالتو واحد الناس قالولي شكون يقبل بيك مي على حساب الشوفة راح يقعدو مقابلينك ديري حسابك من دوك يعني .
لامية: ايه راني نشوف 27سنة و قاعدة مقابلتني..
جوري: قاعدة فوق قلوبكم ولاا....اسناااااي منيتك راح تتزوجي ؟
ياسمين: لالا  راني نخرط 😑
هنا جوري الدمعة طاحتلها و هي تشوف في ياسمين بنت خالتها لي كبرت معاها و تعتبرها كي ختها تزوجت و راح تروح و هي ماعلابالهاش ، راحت تجري عنقتها و بداو يبكو بين زوج
جوري: مبروك عليك مزيان السعد ان شاء الله تتهناي و تفرحي معاه و لعقوبة للذرية الصالحة يا رب .
ياسمين: الله يسلمك عمري لعقوبة ليك نشوفوك خارجة عروسة منا
جوري: زوجوني الله تعرفو غير لعقوبة ليك
لامية: لي يديها يرجعها في نهارها
جوري: احااي و تشوفيه يا ماما كيفاش دايررر
ياسمين: سمعينااا
جوري: والو بلعي
بقاو يقصرو و يضحكو
نولو لسام لي راهو يخطط لخطة جهنمية باش يغير ميار قعد يخمم يطلع و يحبط حتى شعلت فوق راسو لمبة تاع سوبنج بوب 💡رفد التليفون و عيط و هو يضحك.....
بعد شي ساعة من الوقت دخلت مرا عند ميار جاية متوسطة في الطول شعرها قصير كحل كانت لابسة جيب قصيرة نواغ مع شوميز مفتوخة القفالي اللولين بيضة و طالون كحل مع غوجالاف غوز
ميار : كيف يمكنني مساعدتك؟
كاتي: انا بحث عن الآنسة ميار هل هي هنا يا ترى!
ميار بابتسامة : نعم انها انا تفضلي و شرتلها باش تقعد
ميار: ماذا تشربي ؟
كاتي : لا بأس بكأس من العصير
ميار بابتسامة : حسنا
راحت جابتلها واش تشرب و جابت ليها كاس قهوة و قعدو حتى هدرت ميار : حسنا كاتي الان لقد تعرفنا على بعض و لكنكي لحد الان لم تقولي سبب مجيئك الى هنا .
كاتي: نعم لقد نسيت تماما سبب تواجدي هنا آسفة
ميار: لا عليك
كاتي: نعم لقد كنت ابحث عن مصممة ازياء ناجحة في عملها بحثت كثيرا لكن كلهم نفس الشيء الى ان اخبرني صديقي انه هناك صديقة له مصممة ازياء ز فجئت على الفور
ميار: شكرا لك هذا شرف لي لكن هل يمكنني معرفة هذا الصديق يا ترى !لانني عامة لا املك العديد من الاصدقاء هنا في كاليفورنيا لان معضم اصدقائي في إسطنبول
كاتي: انه سام صديقك.
ميار: سام !!
كاتي: نعم ام انني اخطأت لكن لا اظن ذلك على كل حال..
ميار و الدمعة في عينيها : لا ابدا لم تخطئي انه صديقي سام لقد عرفته نعم . و هنا شافت فيها ميار و في عينيها و هدرت: حسنا كيف يمكنني مساعدتك! ما التي انت بحاجة له ؟
كاتي: هناك حفل افتتاحي لشركتنا و انا اعد الشريكة ذات اكبر أسهم لذلك اريد شيئا مناسبا
ميار: حسنا هل يمكنني أخذ مقاساتك !
كاتي: بالتاكيد
جابت ميار واش تسحق و خدمت خدمتها تقيس و تكتب في ورقة
ميار: حسنا هل يمكنك الوثوق بي؟
كاتي بعدم تفهم: لم افهم قصدك!
ميار: الان لقد اخذت مقاساتك لذلك اريد ان اصمم لك فستان لكن دون استشارتك بأي شيء و انا متأكدة انه سينال اعجابك
كاتي: حسنا لم يخطئ سام عندما قال انك مميزة و موهوبة
ميار ابتسمت برك
كاتي : حسنا شكرا لك على مجهوداتك نلتقي مرة اخرى حتما .
ميار: الى اللقاء ..خرجت و غلقت الباب موراها
راحت المراية و قعدت تشوف في روحها و الدموع يشرشرو و هي تتفكر كل لحظة معاه حتى فاض الكاس و دارت رمات كل واش كان فوق البيرو و هي تعيط باعلى صوت: كذاااااب كذب عليا يا الخدااع كلكم كيفكيف قاع كدابيين قاع خداعين قاااع تعيط و تبكي و صوت شهقاتها يزيد الورشة ولات خردة البيرو مرمي في الأرض الأوراق تاع التصاميم مرميين يعني خربت الحالة قاااع كذاااب كذبت علياا و خليتني نامن بلي تحبني اما انا لي نستاهل انا لي امنتك و قلت سام ماشي كيف لوخرين اما خرجت كتر منهم ااااااااه بعدما ساغت و عيطت و فرغت قلبها قعدت و حطت يدها على راسها تزير فيه راحت قعدت في الفوتاي و طمت رجليها و حطت رأسها و قعدت تبكي في السكات حتى طلعت راسها قابلتها حاجة شافت فيها و هي مترددة حتى صوت من داخلها قاللها : هيا ما بقالك حتى واحد في هاد الدنيا  الشخص لي كنت تقولي نحبو تخلى عليك...ناضت شدتها في يدها و ساغت سوغة تهز المكان من صداها و طاحت .....

خرجت كاتي من عند ميار و عيطت
كاتي: لقد لمعت عيناها من شدة رغبتها في البكاء
سام: ماذا قالت لكي !
كاتي: لم تقل شيئا لكن اضن انه من الافضل ان تذهب اليها الان
سام: حسنا كاتي شكرا لك
كاتي: لا شكر على واجب..

سام: اااه يا ميار علاه تجبريني علاه ..
و راح طيارة للورشة تاعها قارا الطونوبيل و حبط شاف الضواوي شاعلين راح فتح الباب واش شاف خلاه يحبس في بلاصتو معرفش يزغد و لا يعيط حتى فطن على روحو و هدر بكل هدوء بسبب الصدمة لي طغات عليه : م..مي..ميار!

                  علابالي طولت عليكم حقكم عليا  ❤اعطوني افكار لانو راسي تغلق و هربولي الأفكار 💡
في ميزكم واش صرالها ميار ؟ و واش راح تكون نهاية هاد الزوج ؟ و ماكس و جوري واش راح يصرالهم !!
نحبكم ❤🖇