Itong tula na kinatha
Ay inaalay sa kanya
Binibining may mahika
Sakdal sidhi kanyang ganda
Sa mundo ko'y tinatangi
Sa 'king puso'y dumarampi
Minamahal kitang lagi
Sa buhay ko ika'y lei
Ngunit paano magagawa?
Kung may balakid oh sinta
Katunggaling alibugha
Asta sa aki'y uubra!
Ako'y hayaang mauna
Ako sa kanya'y bibira
Lalabag sa aking sekta
Itutudla itong pika
Pakakainin ng papel
Buto'y magsisilbing shrapnel
Ngipin ay bala sa baril
Ako'y hindi na hihimpil!
Hindi pa dyan nagtatapos!
Dahil dugo ko'y naglipos!
Hanggang puso ay umungos
Pahihibikin s'yang lubos!
At gagawin ko yan aba!
Sa kung sinong eeksena
Magsama man nang batalya
Pluma ang aking adarga
Kaya 'wag nang eepal pa!
Ako'y walang pang-andukha
Ito'y hindi mababata
Humarang sa aki'y giba!
At darating ang araw na
Ika'y mapapasakin na
Hindi ka na luluha pa
Panata ko sayo sinta
Aalagaan kailan man
Ang masakta'y iiwasan
Hindi ka pababayaan
Mahal kong dyosang kariktan
Bow.
(- 8 Pantigan, 4 na taludturan, 10 taludtod)
