journey of an army!

My dream ?

야 너 꿈이 뭐야
හේ ඔයාගෙ හීනෙ මොකක්ද ?

කොරියන් කියන භාෂාව ජීවිතේට අහල නැති කෙනෙක්ට හදවත හරහා මොළයට එක පුංචි සිංදු කෑල්ලකට වෙනස් කරන්න පුලුවන් කියල මං දැනගෙන හිටියෙ නෑ...

ඇත්තටම ඒක හීනයක් වගේ

(පසුබිම් කතාවක් ...)
"ඔය මෝඩිට මොනවද කරන්න පුලුවන්
හරියට වැඩක් කරගන්න බෑ...
හැමදේම කඩල විනාස කරල දාන්න විතරයි දන්නෙ..."

ඒ සුපුරුදු කතාව කම්මලේ බල්ල වගේ අහන් හිටිය මට මොනා කියන්න ද තියා හිතා ගන්නවත් බෑ...
ඇයි මං නිසා තවත් කෙනෙක්ගෙ හිත මේ විදිහට හැමදාම පෑරෙන්නෙ
මං මොන දේ කරත් වැරදි
පාඩුවේ ඉන්න හැදුවට ඒක කරන්නත් බෑ
මං දන්නෑ මට ඇත්තටම තේරෙන්නෑ මොනා කරන්නද

සිතුවිලි සාගරයක ගිලී හිටිය මට අඩනවා ඇරෙන්න කරන්න දෙයක් දැනගෙන හිටියෙ නෑ...

මං ඇත්තටම මෝඩද ?
හැමදාම ඇහෙන දේ ඇත්තක් කියල මං මටම කියා ගත්තා ඒකෙන් උනේ ජීවිතේ තවත් එපා වෙන එක විතරමයි...