رواية لبوة ثائر
للكاتبه M. A. M
بارت25
يگول
وگتلهه سهلة وهي ابد مو سهلة
اليرضى بفراگچ رضى بموت اهلة!
༺༽لبوه༼༻
اول ما كعدت لكيت راسي بحضن ثائر و ريحانه مخليه العطر يم خشمي اذكرت يالي شفته و كمت اضربه على صدره و اصيح
ـ خاين خاييين
ريحانه تحاول تلزم اديه و ثائر يسالني اشبيه
بقيت اضرب بي و ريحانه تلزم بيه لحد ما نهد حيلي
كعدت و دموع صارت تنزل من عيوني لزم ايدي بس بعدت عنه
ـ لبوه حبيبتي شنو صاير وياج
بصياح ـ انوب تسال لك بعيوني شفتها نايمه يمك انوب بمكاني بأي عين جاي تباوع عليه وخر من يمي
ريحانه ـ لج لبوه شبيج منو نايم بمكانج
ثائر ـ لبوه حبيبتي بس اهدي و فهميني شكو
ـ اسكت ماريد اسمع صوتك امشي اطلع من الغرفه ماريد اشوف وجهك كرهتك و كرهت اليوم يالي شفتك بي
ثائر ـ لبوه شكاعد تحجين انتي تخبلتي
بصياح ـ اي تخبلت تخلبت لعد اني تزوج عليه انوب منو سحر
ريحانه ـ شنو هل حجي لبوه
ـ والله بعيوني شفتها دخلت شفتها هنا....هنا نايمه بمكاني و هو يمها
ثائر ـ لج مجان اكو احد بالغرفه غيري انتي جاي تتخيلين انتي اول مدخلتي لغرفة تخربطي
بصياح ـ جذاب انته اكبر جذاب و خاين
ثائر ـ نصي صوتج لبوه و الا والله
ـ شنو تكتلني لانو عرفت عملتك
ثائر بعصبيه ـ استغفر الله لبوه كافي عاد
ريحانه ـ ثائر فدوه اطلع خل انه احجي وياها
ـ وخري اني اطلع من هنا
وكفت كدام ثائر و كتله ـ لعبة نفسي منك و من غرفتك اليوم اطلكني ما ابقى وياك لك اني تخوني ثائر اني
ثائر ـ لبوه
تركتهم و طلعت من غرفه ابجي اجتي ريحانه ورايه بسرعه و ثائر يكول
ـ ريحانه عينج عليها لا تسوي شيء بنفسها
ريحانه ـ انته بس ابقى هنا انه اتفاهم وياها
نزلت دخلت للاستقبال
الشيخه ـ يمه شكو ليش اصواتكم طالعه
مجاوبة عليها شفت سحر كاعده هجمت عليها كعدت فوكاها و صرت اكتل بيها هيه تصيح جوايه و ريحانه و رجاء يوخروني منها و البقيه يصيحون وخروني منها
لبوه ـ عوفوني اشرب من دمها اليوم الا اكتلها
ام حسام ـ لج بنيتي اكعدي بس اكعدي
لبوه ـ عمه ثائر تزوجها مو تزوجها قبل شويه جانت بغرفتي و الله بعيوني شفتها
ام حسام ـ و الله ماواصله لغرفتج من جيتها وهيه كاعده هنا
صرت الطم على وجهي و اصيح جانت بغرفتي لا جذبون شفتها بعيوني اجت نرجس حضنتني
نرجس ـ كافي لبوه حبيبتي كافي والله ماكو هيج شيء حبيبتي اخاغ تتخيلين بسبب وجع راسج
ـ ليش متصدكوني والله شفتها بعيوني هسه يجي ثائر و يطلكني هسه
الشيخه غزاله ـ اسم الله عليج شنو صار وياج و گلب حالتج هيج
ام سحر ـ مصاير بيها هيه وحده مخبله باعي شنو سوت بنتي
ام حسام ـ اخذي بناتج و روحي بلا مشاكل
ام سحر ـ هسه احنه صرنه امهات مشاكل
الشيخه غزاله ـ اخذي بناتج و طلعي يله
أنت تقرأ
لبوة ثائر
Mystery / Thrillerفتاة تهرب من بين يد الارهاب﴿داعش﴾ لتقع بين ايدي ﴿رجال عشائر﴾ وتكون اسيره لعادات وتقاليد لا علاقة لها بها #لبوه..........
