صدفة احببتك❤😍👍

1

8:00
ناضت بطلتنا منال صباح  بقطرة ماء طاحت من السقف لي متحملش المطر من عاصفة تاع لبارح و  تشوف في سقف دارهم المصنوع من الحطب(الخشب)  وتقول في روحها لوكان جا عندنا دراهم لوكان صلحنا هادا السقف
ناضت من  بلاصتها لي كانت عبارة عن مجموعة من زرابة يعني الفراشها ديالها كان يابس و رقيق
راحت توضات صلاة دعاة ربي باش يرزقهم و زيدهم. كملت صلاة خرجت من الشمبرة تلاقيها مرت عمها  بتشناف وتقولها: اسمعي روحي طيبي لفطور او كي. تكملي روحي اسرحي الكباش والمعيز. او لوكان ما ديريهاش تعرفي واش يصرا
منال:  اسمعي انا مانيش خدامة عندك باش  تعطيني الاوامر(منال وحدة من الناس لي متسكتش عل حقها)
مرت عمها:  مادامك هنا في داري ندير واش نحب ونمد الاوامر لي حب حب ولي ماحبش يخبط راسو في الحيط. او ديجا لابالك ماعندك لا أب ولا أم باش تحميك  . تعرفي واش يصرا لوكان ما ديريش واش قتلك😈😈 تولي عندك هادي المرة ضربة في وجهك ماشي في  يدك حطت يدها على كتفها  وتنهدت وقالت: ايه خلاص
هنا منال ناضت وراحت دير واش قلتلها ذهبية(مرت عمها) راحت طيبت او هي كلها هموم او كي كانت10:00 ناضو قاع لي كانو راقدين لتم
ولي هوما بشرى او سارة هوما خواتات أي انهم بنات عم منال مي هوما مايحبوهاش علا خاطر شابة او يماهم تحرشها  عليهم بشرى عمرها 19او سارة 16سنة
او عندهم خوهم صهيب عمرو 22 سنة او هوا يحب منال ملي كانو صغار مي هيا لالا
او عمها سعيد هو تان يحبها لأنها أمانة من خوه ومرت خوه ربي يرحمهم.
ايه منال يتيمة الابوين باباها مات قضاء والقدر لكن امها مرضت هداك المرض اوماتت لأنو ماكنتش عندهم الامكانيات باش يدوها ولا حتى يشرو الدوا حكم انهم يعيشوا في ريف او في الجبل
هدوا هوما عايلة منال او هياتحبهم بزاف وگأن ذهبية وسعيد يماها وباباها و سارة وبشرى وصهيب خاوتها ولكن العكس كانو مايحبوهاش
هنا منال راحت تسرح مع الكباش والمعيز و تشوف دارهم من فوق التلة و تتفكر معناة مرت عمها معها وخصوصا كي هددتها بضربة الجاية في وجها ماشي في يدها«هنا في واحد نهار منال رفضت واش قالتلها ذهبية ديروا لتم شحنت فيها او تحماو معها بناتها او حرقوها في يدها ايه حرقوها او قعدتلها شامة تاع حريق على مستوى الكتف  باش مايشوفهاش عمها او صهيب لاخاطر يحبوها لوكان يعرفوا راح تصرا مشكلة او هي خبات» او هي قعدة سارحة حتى تديها عينينها او ترقد تحلم انها راحت للجامعة لكانت هي حلم ديالها انو تلتحق بالجامعة

وهنا نخلو منال تحلم ونروحوا لعند عماد

هنا عماد ناض او كانت الساعة12:00 (يعني الظهر) حتى يعيط للخادمة يقوللها: جيبيلي فطور صباح لهنا
الخادمة: دوكا مسيو عماد
راحت الخادمة  او هوا دخل لدوش دوش و خرج دخل واحد شمبرة فيها غي اللبسة او غير الماركات لبس كمل خرج بڨوص او زاد عمر روحوا بالريحة
هنا هو كي كمل لبس جات الخادمة  عطاتوا الفطور فطر كمل جا هابط يسمع في العياط(الصراخ) عرف بلي هدا لعياط تاع يماه تضارب مع باباه لي خان يماه اكتر من مرة مي هو اعتاد الامر ولا يشوفوا نورمال ولكن راح يسلك يماه لي جا باباه راح يضربها كف شدلوا يدوا أو قالوا:(بالعياط) ماتزيدش ترفد يدك علي يما مرة واحدوخرا كي كنت صغير صح كنت مانقدر ندير والوا مي دوك بلاك تزيد ترفد يدك.  رمالو يدوا او جا خارج قال باباه: شفتي تربيتك وين وصلت ولا يعيط على باباه
ولا عماد لعندوا  قالوا:  عمرك ماكنت باب (قالها او هو زعفان)
خرج و خبط لباب عيط لصاحبوا معاذ قالوا نتلقاو ف........
꧁وهنا وصلنا ال نهاية الحلقة الاولى اعطونا رأيكم اودا كانت عندكم افكار
مرحبا بيهم꧁꧂