دفاتر عتيقه (عشق سني)

بارت اول

#دفاتر عتيقه (عشق سني)
الكاتبه مرجان
بارت1

ابو زهره، يلا بويه كومي اكعدي راح تفوتج صلاه الفجر
زهره، حاضر بويه كمت صباح الخير
ابو زهره، صباح النور بويه يلا بويه كومي صلي صلاتج وجيبي كتبج اقري
زهره، حاضر بويه
طبعا هسه احنه بفتره العطله الصيفيه بس كتبي اليحجي عنهن ابوي كتب عن الدين والاسلام يحب يخلينا نتعرف عن الدين وحياه المسلمين بزمن الرسول انطاني اقره كتب الاسلام من جان عمري 13سنه كال كبرتي ودخلتي فتره مراهقه اريدج تكضينها بمعرفتح عن حياه الانبياء
طبعا اني بكلشيء معتمده بابوي لين امي حايره بالبيت وتنضيفه وباخواني ونسوانهم ف ابوي مهتم بيه بكلشيء اني وامي علاقتنا مو قويه مثل كل ام وبتها لا علاقه سطحيه بيناتنا
كمت غسلت وجهي وتوضيت ورحت اصلي كملت صلاه وقريت قرآن شويه لين كل يوم اقره قرآن وي كل فرض صلاه وهذه الشيء تعودت عليه من عمر 7سنين جنت طفله واشوف ابوي وي كل فرض يصلي ويقره قرآن كمت صدقت وسديت القرآن لميت المصلاه وحطيتهن علئ صفحه رحت شفتها ب5.33يعني اخذت ساعه بصلاتي اقره ادعيه وقرآن واصلي للأمه كل فرض امامين اصلينزلت من الدرج بيتنا جبير طابقين اني واخوي رامي بالطابق الثاني واخوي سامي وامي وابوي بالطابق الاول احنه ماعدنا
جهال يوصخون حتئ جهال سامي رغم صغر سنهم الا هم عقال وحبابين ابوي هوه رباهم بايده وعلمهم كل قيم وتعاليم المسلمين حياتنا هادئه وحلوه مابيوم طلع صوتنا بشيء عركه بالمنطقه الناس تحلف بينا حضرت الريوك لبوي اندك الباب رحت فتحته طلع ابوي جان رايح ياذن اذان الفجر بالجامع لين هو الشيخ بجامع القريب علينا ويعرف عن كل شيئ حتئ اكو ناس تجيه من محافضات يقره عليهم اذا بيهم جن او مس يعالجهم لوجه الله ببلاش طبعا حالتنا الماديه زينه لا اغنياء ولا فقره الحمدالله
زهره كواك الله بويه
ابو زهره يكوي حيلج اي بويه سويتي ريوك
زهره اي بويه حضرته بس اكعد رامي وسامي يجون وياك
ابو زهره اي بويه يله روحي واني اغسل واطب
زهره رحت دكيت الباب علئ اخواني لكيتهم كاعدين بس ينزلون نزلت كبلهم حضرت استكاين الجاي والريوك مديت السفره بالكاع ونقلت الاكل مانحب ناكل علئ الطاوله رغم عدنا وحده بس مانحبها اتريكنا وسرئ مرت سامي كالت تغسلهن كالتلي روحي اقري عمي من يجي يمتحنج
زهره اي فدوه اروح اقره يلا حبيبه بايرحت قريت الدروس المنطيني ياهن ابوي طبعا هنه تلث كتب لازم كل كتاب خمس اوراق قريت ال15ورقه خلصتهن نزلت الساعه ب11ساعدتهن بالغده وسرئ مرت سامي تخبز عليها الخبز وتنضيف الطابق الجوه
مرت رامي عليها المواعين مال كل وجبات اني علي الريوك واني ومرت رامي الطابق الفوك
امي عليها الغده والعشه وهيج روتين تنضيفنا للبيت
وروتين حياتنا يرحون الاطفال للمدرسه واني لمدرستي وي بت عمي نروح مشي المدرسه قريبه علينا بفرعنا
صار وكت الغده تغدينا وخذت مرت رامي المواعين ويتساعدن بالشغل هيه ومرت سامي اني سويت الجاي ابوي يحب اني اسويه اله لين علمتني عليه جدتي ام ابوي يحبه علئ طريقتها ف اني اسوي الجاي صبيت الجاي شربنا وغسلت الكلاصات بت سامي عليها الخفايف امي تكول خليها تصير مره معدله بت بيت امي صارمه وشرسه بقراراتها صح هيه صارمه بس تحبنا والتسويه لمصلحتنا نحبها وتحبنا بس ماتحب اطلع حنيتها النه طبعا زواج اختي فاطمه ماجانت قابله بيه ابن عم ابوي لين ببغداد بيتهم تكول بتي اريدها يمي بس هم فاطمه كل 6اشهر يجيبها زوجها هوه سيد وحباب ولد خلوق. وماشفنه الموزين منه بس امي تكرهه تكول اخذ فطيم من يمي كتله اشتري بيت هنا ماكوطبعا احنه محد بينا يتزوج غير سيد او علويه ماناخذ من العامه مو استنكار الهم او همه اقل منه بس اهلنا من زمان مايقبلون بس ماجنت متوقعه اني راح اطيح بيها بسبب عاداتهم اللي يمشون عليها اجه ابوي وامتحني كل مايمتحني واحل عدل يطيني عشره اخذهن واضمهن ما اصرف منهن هوه ممخليني معتازه
صارن500كلت احضر روحي للجامعه بيهن صح البس عباه بس احتاج ملابس جواهن وبوتينات واحذيه فلات احجبه شيء طبيعي وهم اشتري ملابس للبيت رحنا العصر للسوك اشترينا هدوم وغراض ماضل شيئ للجامعه جنت متحمسه جان بعدني مامقدمه معدلي يطلعلي تعليم جنت رايده طب بس شسوي الكاتبه الله يصير
قدملي اخوي رامي كاله ابوي كون هنا تطلع جامعتها لين معروف بسبب التقديم الغلط اغلبهم جامعتهم بغير محافضات تطلع هوه كال اي بويه لا تخاف زهرتك يمك سوه التقديم فتره وطلع جامعتي ببغداد امي كلبت الدنيا وتصيح لبوي. شنو هم توديها لبغداد مثل فطيم من راحت بس ابوي ماسمعلها وخلاني اداوم ببغداد والحلو بت عمي رقيه هم طلعت جامعتها بغداد وياي هم تعليم حضرنا نفسنا اليوم نروح لبغداد فاطمه رادت اروح يمها بس ابوي ماقبل كال تردن اقسام لو انئجرلجن شقه ويكعدون رامي ومرته يمجن بس ردنا اقسام رحنا لبغداد هسه احنه بالطريق والجاي يسوق سامي لين رامي سواقته متهوره كلللش يموتنا وفرحان يطش جكليت خلص مني ههههه وصلنا لبغداد سامي سوه المعامله ونطونا غرفه  اني ورقيه بيها وكالوا ويانا بنيه اسمها شمس العرفنا عنهم عائلتها اغنياء ب بغداد وهيه سنيه صح اهلها هنا بس جانت رايده ادخل اقسام داخليه مرت ايام واجه اول يوم دوام لبست بنطرون ومانتو جوه الركبه وشالي وفوكهن العباه ولبست
حذاء فلات دخلت للجامعه اول مره اشوفها شكد رادت رقيه نشوفها مقبلت رحت شفت نفسي بالقاعه الاولئ اني ورقيه رحنا للكافتيريا الئ ان يجي موعد المحاضره الاولئ جنت اشوفهن ليكول كائن فضائي لبسهن كله قصير والشعر مفلول جنت اكول هنه هم يشوفنه كائن فضائي بسبب لبسنا للعباه او لا اجت بنيه طبت للكافتيريا جانت لابسه بدي ابيض ضيك وقصير بطنها طالعه وبنطرون كابوي مشكك جان الجو مو بارد وكتها وبوت ابيض شعرها قصير مفلول ومكياج قووي وصارخ شكلها كلش حلو وتضحك للهوه فطيره يعني اجت كعدت كبالنا وكالت شمس،هلاووو بنات اني شمس زميلتجن بالغرفه وبالقاعه هم انتوا شنو اسمكن
عرفنا عن نفسنا طلبنا عصير واني خلصت اول وحده دفعت الحساب وصار وقت المحاضره دخلنا قبل ليدخل الدكتور وهيج مر اليوم بين تعارفنا لزملائنا بس ما اخذنا دروس ضل اليوم تعريف عن نفسنا بس من رجعنا سبحنا وقسمنا الشغل علئ نفسنا المطبخ لرقيه التنضيف علي وشمس كالت علي مسح المرايات
947كلمه صوتوا للبارت2