حرب المافيات (روايات ليبية)

#حرب المافيات1

#حرب المافيات
الكاتبة:اروى الشريف
الحلقة 1
مقدمة عن الابطال .....
عائلة ال شاهين
شاهين: زعيم مافيا معروف بقوته وعصيبته ونيته لجعل ابنه أمير رئيس طاولة
سهيلة:زوجة شاهين معروفة بتحكمها وسيطرتها على عائلتها وقساواته على الجميع
أمير:الابن الاكبر هادئ ومتقف ومنظم ونائب ابيه يكره انه من عائلات المافيا لكنه يضحي باي شي مقابل عائلته
آسيا:الابنة الوحيدة نقطة ضعف العائلة وفي نفس الوقت تعمل محامية تساعد والداها في الاعمال القانونية وهي بعيدا عن الاعمال غير القانونية
الياس:الابن الاصغر مدلل يحب السهرات والحفلات والسفر عديم مسؤولية وكثير المشاكل
______________________
عائلة ال رشيد
رشيد:زعيم مافيا رئيس طاولة المافيا حاليا معروف بسرعة ذكائه والهدوء في حل المشاكل
نرمين:زوجة رشيد معروفة بطيبة قلبها وحبها شديد لاولادها تسعى لأبعاد اولادها عن طريق المظلم
نضال:الابن الاكبر وهو اليد اليمنى لرشيد وصندوق اسراره ونائبه بطاولة
دارين:الابنة الكبرى كانت تعمل صحفية تكره والداها ولاسباب سنعرفها لاحقا
ريحان:الابنة الصغرى تحب الحياة والمرح والضحك طيبة قلبها الزائد توقعها بمشاكل تدرس في جامعة وهذة سنتها الاخيرة
ثيم:الابن الاصغر لرشيد يعاني من اكتئاب وحالة نفسية صعبة بسبب حادت حدث في الماضي
____________________
عائلة ال فخري
فخري:زعيم مافيا معروف بمشاكله الكثيرة مع زعماء المافيات ويسعى للانتقام من اجل ماحدث بالماضي
ياسين:الابن الاكبر يسعى مع والداه للانتقام ولديه مشاكل مع ابناء العائلات ونائبه بطاولة
ركان:الابن الاصغر لفخري يقتل كل من يغصبه ويخالفه الراي لا يعرف شفقة
نسرين(سيلين) :الابنة الصغرى تعمل جراحة دماغ واعصاب بالرغم من انها جراحة تحمل السلاح في كل مكان
_____________________
رشيد:الليلة شحنة تسليم مع الروسي
شاهين:امير بيستلم عملية تسليم
فخري:شبحله بنظرة حادة لأمير
شاهين: اي أمير عندك اعتراض
فخري:لو صار اي شي تتحمل المسؤولية
رشيد:تمام امور التسليم عند أمير
فخري:كان بيضرب يده على طاولة بس مسكه ياسين
ياسين:اهم شي تمسك اعصابك وكل شي بوقته حلو
فخري:عندك خطة
ياسين:اكيد
أمير:في داخله نار بس مايبيش يكسر كلام بوه وين التسليم
نضال:الساعة 11 في منطقة مهجورة (مش ضروري اسمها )
رشيد:انتهى الاجتماع بس يا أمير رد بالك راهي مافيا روسية وزبون مهم عندنا
امير:تمام حط ايديك ورجليك في ميه باردة
طلعو كلهم من الاجتماع وكانوا الكل عارفين انه ليلة هادي ما بتمشيش على خير كل شخص يبي يقتل تاني
_________________________
على سفرة الفطور ال شاهين :-
سهيلة:صباح النور
آسيا&الياس:صباح النور
سيهلة:الياس
الياس:نعم
سهيلة:علاش متاخر امس في المراوح
الياس:بتوتر وخوف ءءااااا كنت مع امير وكان عندنا تسليم(كان ايخاف من امه لان كان خبرت بوه بيحرمه من فلوس وكل شي)
سهيلة:البنت يلي لابسة قفطان احمر مانبيهاش جنبك مرة تانية
الياس:بلع ريقه اعتبريها ماتت
آسيا:نستأذن اني ماشية للشركة وطلعت
الياس:وين امير وبوي
سهيلة:عندهم اليوم شحنة التسليم مع الروسي وامير بيستلم العملية
الياس:انتي مفروض اتكوني رئيسة طاولة حتى انا ماعنديش علم
سهيلة:لازم ايكون عندك اذن في كل مكان
الياس:حفلة امس منو يلي كان اذنك
سهيلة:نعطيك الاسم تمشي تقتله زي كل مرة (انها المافيا ياسادة )
________________________
على سفرة الفطور ال رشيد:-
نرمين:اليوم ثيم عنده موعد خايفة عليها ايدير شي في نفسه
ريحان:راح يتحسن ويرد لحالته طبيعية
دارين:مش حيتحسن مادام رشيد حي مش حيتحسن وبدت تعيط كل شي صار بسببه وطلعت فوق
ريحان:ماتزعليش القصة ليها 5سنوات ومش قادرة تنساها ريان كان كل شي بالنسبة ليها
نرمين:الله يسامحه رشيد علاش دار هكي مش عارفة
ريحان:اكيد عنده سبب وايجي يوم ونعرفوه
نرمين:نمشي نشوف ثيم
ريحان:اوكي اليوم مش جاية على العشاء عيد ميلاد صاحبتي
نرمين: ردبالك على روحك وخلي سواق يرفعك
ريحان:تمام😘وطلعت
_____________________
على سفرة الفطور ال فخري:-
نسرين:اتصلت بياسين تالفونه مقفل
ركان: في الاجتماع
نسرين:اوكي
ركان:عندك شي اليوم
نسرين:لا بس شن فيه
ركان:بنخطفك تتغذي معايا على الغداء
نسرين:😅 تخطفني بس تراجعني والله بوي يقتلك
ركان:تمام😅 بس انا بنختار المطعم
نسرين:ماترفعنيش لمطعم المافيات نبي نشوف شوية ناس
ركان:😅 عروق المافيا تمشي في دمك ماتقدريش تخفي شي هاذا
نسرين:😅
ركان:توا اني نستأذن عندي شغل
نسرين:شغل وين ومع منو
ركان:قلت شغل
نسرين:كلمة شغل في قاموسك يعني قتل وحركة واكشن
ركان:😅
ركان:باي
نسرين:👋🏻
__________________
نضال:شني انقيمها بيهم ليلة
رشيد:لا خليك في مكانك في حد غيرنا بيتحرك
نضال:فخري
رشيد:100%
نضال:تمام انراقب من بعيد
رشيد:كان هكي تمام
نضال:توا نستأذن بنرفع ثيم اليوم عنده موعد
رشيد:مافيش تحسن في حالته كل يوم للاسوء كان هاذا نشوفوا دكتور ثاني
نضال:دكتور كويس واهم حاجة موثوق ونعرفوا عليه كل شي
رشيد:كان ماريتش تحسن نرفعه برا
نضال:يلي تشوفه
________________________
شركة ال شاهين:-
(طبعا كل مافيا لازم ايكون عندها شركات واستثمارات اتبيض فيهن الفلوس واتكون نظيفة قدام الدولة وشي هاذا معروف بيش ما ايعرضهم للمساءلة من الدولة)
في الاجتماع:-
آسيا:حبيت انقولكم اليوم تعقدنا مع اكبر شركة روسية للطائرات وهي بتمولنا باجود انواع طائرات
المديرين&الموظفين:برافو برافو 👏🏻👏🏻
آسيا:شكرا شكرا
آسيا:اليوم في حفلة على شرف شركة روسية وياريت الكل ايكون موجود
المديرين&الموظفين:اكيد
آسيا:انتهى الاجتماع تقدرو تتفضلو
آسيا:طلعت وركبت في الأسانسير
الشرطي:لو سمحت سلاحك يا استاذ
ركان:سلاحي شني اتخرف انت
سكيورتي :لو سمحت انت في شركة محترمة ماتقدرش تدخل ومعاك سلاحك
ركان:تعرف اني منو
سكيورتي :لا مع الاسف
ركان:شد الشرطي ولصقه على الحيط اولا اني اسمي ركان فخري ( لقبي عزرائيل) تانيا يلي اتقول عليها شركة محترمة كلنا عارفين انه شركة مافيات
سيكورتي:مشى يجري
ركان:ماخلانيش انقول ثالتا هرب 😅
(لابس بدلة كاجول سودة ونظارات وسبيدرو ابيض كان طالع ايجنن مافيا يعني فخامة هيبة بعيدا عن الاشياء السيئة يلي ايديرو فيها)
ركان:دخل لشركة وكان الكل مصدوم كيف قدر يدخل شركة بسلاحه
موظفة ريسبشن:تفضل كيف نقدر انساعدك
ركان:نبي انقابل محامية شركة
موظفة:عندك موعد
ركان:ماعنديش موعد
موظفة:مانقدرش انساعدك
ركان:بس اني شخص مهم ونزل نظارات
موظفة:اول غرفة
ركان:اوكي اوكي
آسيا:فجآة وقف بها الاسانسير ودخلت في حالة هستيرية استخدمت زر طوارئ وبدت تعيط وتخبط ساعدوني ساعدوني
ركان:يسمع في صوت وبدا ايقرب من الاسانسير
آسيا:صوتها بدا ينقطع ومش قادرة تتنفس سسي.....
(تخيل ايصيرلك موقف هاذا موقف صعب وني عن نفسي صارلي في وحسيت روحي بتطلع ومستحيل نركب في الاسانسير بروحي😂)
ركان:وقف قدام الاسانسير
آسيا:حست بصوت ساعدوني مش قادرة نتنفس
ركان:اولا شي اهدي وخودي نفس
آسيا:خدت نفس وحاولت تتمالك نفسها
ركان:بعدي عن باب الاسانسير
آسيا:اوكي وطاحت على الأرض
ركان:طلع سلاحه من خصره وضرب بيه الباب وانفتح (قتلكم مافيا يعني اكشن حركات)
ركان: شافها طايحة رفعها بين ايديه
_____________________
نضال:يتصل طوط طوط
نرمين:الوووو
نضال:توا جاي بنأخد ثيم للموعد
نرمين:تمام
نضال:دقايق ونوصل سكر الخط
نضال:وصل نزل من السيارة
الحارس:اندخل سيارة
نضال:لا عندي موعد
الحارس: تمام
نضال:اهلا وسهلا بأحلى ماما وثيم
نرمين:اهلين بيك
نضال:ثيم ثيم
ثيم:ايهز برأسه
نضال:شد ثيم من يده ورفعه
نرمين:لا وصار اي شي كلمني
نضال:تمام
نرمين:ماتستخدمش لسلاح حالته تسوء أكثر
نضال: احني مافيا وعندنا اعداء في اي دقيقة ممكن ينهونا لازم نستخدم لسلاح
نرمين:الله يحفظكم
نضال:مش حنستعمله الا للضرورة
نرمين:👋🏻
نضال:👋🏻
نضال:ركب ثيم في سيارة وركب
الحارس:تؤمر بشي سيد نضال
نضال:فتحو عيونكم عشرة عشرة لو في اي حركة مش مزبوطة عطوني خبر
الحارس:تمام سيد نضال
نضال:ولع سيارة ومشوا
نضال: لاحظ سيارة سودة تلاحق فيهم حاول ايكون هادئ عشان ثيم في سيارة وما يظطر يستعمل لسلاح سيارة سودة بدت تضرب في لسلاح عليهم ولا ينزل عليهم رصاص زي مطر
ثيم:انصاب برصاصة في راسه
نضال:يعيط ثيم ثيم خليك معاي ماترقدش
تيم:سكرو عيونه
نضال:شاف نبض كان فيه بس ضغيف
نضال:تحمل يا أسدي
فتح روشن سيارة وبدا يضرب بالسلاح قتلهم كلهم وبدا يجري بالسيارة همه يوصل خوه للمستشفى
_____________________
شاهين:اسمعيني يا امير عملية تسليم اليوم مهمة ونبيك تفتح عيونك عشرة على عشرة
أمير: خديت كل تدابير الامنية
شاهين:خلي شباب يراقبو فخري لان واضح ناوي على شي اليوم
أمير:تمام
أمير:عارف اني مانحبش الدم والقتل وكل شي متعلق بشغلكم اهوا ومع كل هذا تجبر فيا علاش
شاهين:هاذا يلي يعحبني فيك انت عكسي في كل شي ويلي في راسك اديره بدون ماتأخد أذني
أمير:ابتسم نبي نعرف هذا كويس ولاشني
شاهين:هههههههه😄
أمير:😄 (رغم كره من عائلة المافيا لكن مستعد ان يفعل كل شي من اجل عائلته وحمايته )
شاهين:في موضوع نبيك فيه
أمير:تكلم
شاهين:بعد العملية نتكلمو فيه
أمير:عائلي ولا وعملي
شاهين:على العشاء تفهم كل شي
أمير: يعني عائلي
شاهين:هز برأسه
أمير:هيا سلام (وفي نفس الوقت خايف ومش على بعضه)
يتبع...............
عطوني رأيكم بالرواية صوتوا وتفاعلوا مش حنزل لو تفاعل ضعيف قيموا القدر ❤🔥