#فلاش_باك
جالسة مي في بلاصتها كيف خلاها أيمن كاتفكر فهادشي لي قالها وكاتساءل هاد الدين شنو ممكن يكون ؟
ماتنكرش حسات بشوية ديال الفرحة من مسألة الطلاق حمل وغادي ينزاح من على كتافها، أكيد ديما كاين احتمال أن أيمن وأرمان بنفسهم ناويين على شي حاجة، عمر هاد الاحتمال ماكايزول من بالها كاترد البال بحذر مع أي شخص كايقرب منها، قبل سلطان كانو سلاطين طامعين يستغلو ظروفها وقفاتهم عند حدهم بدون ما تعطي فرصة لشي واحد يضحك عليها، لو أن سلطان ماستعملش ورقة صالح كان ببساطة غايكون واحد منهم.
فحتال هنا ماكاينش مناش تخاف وتوسوس الطلاق مسألة توقيع أوراق ماغاديش تجي وتوقع حتى تعرف علاش.
زارت بالها فكرة الهجرة لأرمينيا مع ايمن وأرمان، ولكن مازال ماعندهاش معلومات كافية على هاذ جوج غرباء لي بانو فحياتها
بعد مدة دقت نوال عليها هازة بين يديها لغداء
نوال : هاني رجعت ههه ، سي أيمن قالي نجيب لك لغدا لهنا
مي ابتسمت ليها متبعاها بعيونها وهي كاتقرب حتى حطاته على طاولة قدام كرسي كبير وهي مراقباها فكرة طاحت عليها، حست بالقليل من تأنيب الضمير على التحايل والإستعباط لي غاذي تلعب على نوال، ولكن ماعندهاش طريقة أخرى، خذات نفس عميق وقالت
مي: سمحيلي نوال بسبابي كل مرة يأمرو فيك شوفي شنو خصها ! طلعيلها لغدا ! سمحيلي الى سببت لك شي مشكل
نوال (تلفتت بسرعة عندها): وييلي لا ختي مي ماتقوليش هاكداك،،أولا على الراس والعين وجهك وجه الخير تساهلي
(تبسمات لها مي بامتنان)
وعاد زيد سي أرمان وسي أيمن غاع مادايرين بحال هاكذا بالعكس الخدمة معهم زوييينة كايعاملوني مزيااان بجوجهم
مي : همم..مزيان هاكداك....
باش حتى نتي تخدمي ونتي مرتاحة
سكتت شوية بعد ماعاوناتها نوال تجلس على الكرسي، رجعت قالت بمكر بهدف تعرف العلاقة لي جامعة أيمن وأرمان
مي : يمكن حيث من عائلة وحدة داكشي باش طباعهم متقاربة وبجوج كايتعاملو مزيان حتى أنا لاحظتها....
نوال: لااااا لااا ماكايجيو والو لبعضهم.
هههه لاااا سي أيمن خدام عند سي أرمان بحال إلى قلت ذراعو ليمين ملي وهو صغير وكايعاملو بحال خوه .....
أما عائلة سي أرمان فين وعائلة سي أيمن فيين
وعلاش نتي ماعرفتيش هادشي ياك نتي بنت خال أيمن ؟
مي: ااه علاش ماقالك أيمن والو؟
نوال بابتسامة: اه أختي ...قالي نتي بنت خالو وبلي عاد لقاوك
