سحر الكون

الفصل السادس عشر

الفصل_السادس_عشر
سحر_الكون
زين وصل لبيت ايهاب و رن الجرس محدش رد فضل يرن شوية مفيش حد بيفتح ف زين اتخض اكتر فقرر انه يكسر الباب خبط فيه اول مرة و جه يخبط التانية بس كان الباب حد فتحه بص لقى ايهاب بيقول بهزار  : ايه يا عم هو باب بتكو هتكسر ايه
زين بيتكلم و هو مخضوض : فى ايه بس يا بنى ، و مش بترد ليه
ايهاب و هو بيدخل : ادخل و انا هقولك
دخل زين و قعد فى الرسبشن و سئل و قال : هى سارة مش هنا
ايهاب و هو داخل المطبخ : لا عند جميلة خد راحتك
زين و هو مكانه : يا بنى انت روحت فين
ايهاب بيرد و هو فى المطبخ : عملتلك عصير من ايدى انما ايه ، عسل 
زين و هو قايم رايحلو : انت عبيط يا بنى مش قلت فى مشكلة
ايهاب خد العصير و طلع و قال ل زين : ما انا لازم احكيلك على روقان
زين مشى وراه و قال : ما تهدى بقا يا ايهاب فى حتة دوختنى وراك
ايها قعد على كنبة و قال : ادينى قعدت اهو ، امسك اشرب العصير بقا و انا بحكيلك
زين خد منه العصير و بدأ يشرب و قال : طيب قول فى ايه
ايهاب : ايمن طلع ابن خالتى بجد
زين باستغراب : ابن خالتك ازاى يعنى
ايهاب : هحكيلك
و بدأ ايهاب يحكى لزين كل حاجة و بعد ما خلص قال ايهاب : و طلع هو ايمن ابن خالتى
زين ابتسم و قال بنعاس : طب كويس الحمد لله ، هقوم اغسل وشى فى الحمام و جاى عشان مش عارف نعسان ليه
ايهاب قعده مكانو و قال : لا انا اللى هدخل الاول و جرى ايهاب على الحمام
زين لنفسه : مجنون دا و لا ايه
بعد شوية طلع ايهاب و لقى زين نام مكانه على الكنبة فعدله و نيمه حلو و غطاه و بعد كدا قال : نوم الهنا يا زين ، و قال ايه البت سارة تقولى اشغله شوية ، دا لو كان قعد خمس دقايق تانية كان فهم كل حاجة هى بتلعب على مين دا اسد مخابرات 
و بص لزين و قال : كنت بفكر اضربك ضربة يغمى عليه فيها على طول بس خفت على نفسى بصراحة فكان المنوم اسهل
****************************************
فى مكان تانى كانو نفس الرجالة المجهولين بيتكلمو فى الفون
الراجل الاول : ها لقتوه
الراجل التانى : لا ملوش اثر نهائى لحد دلوقتى
الراجل الاول : طب لقيتو الورق
الراجل التانى بهدوء : ما هى المشكلة فى كدا
الراجل الاول باستغراب : ايه اللى حصل
الراجل التانى بغموض : الورق مش موجود فى الخزنة
الراجل الاول اتخض و قال : ايه !!! ازاى يعنى مش انت شوفته و هو بيحط الورق فيها
الراجل التانى : ايوة فعلا بس دلوقتى الخزنة فاضية
الراجل الاول : حاول تشوفلى كاميرات المراقبة و اسئل صحاب البنك اكيد هيعرفوا حاجة و بلغنى
الراجل التانى : تمام
و قفل معاه و هو بيفكر فى اللى هيحصل بعد شوية رن عليه الراجل تانى و قال : شوفتا الكاميرات كانو اتنين اجانب و معاهم المفتاح عشان كدا بتوع البنك دخلوهم
الراجل الاول اتخض اكتر و قال : اجانب !! الموضوع بيكبر اوى ، الورق دا لو وقع فى ايد حد
الراجل التاتى : و الكاميرات اللى برا البنك كانت متعطلة اليوم دا فرقم العربية مبنش و لا المكان اللى هما راحو فيه
الراجل الاول : طب فى نفس الوقت دا زين و ايهاب كانو فين
الراجل التانى : كنا مراقبنهم  كانو فى بيت زين عادى مطلعوش دا غير ان احنا مرقبنهم ٢٤ ساعة و حاطين اجهزة تصنت كمان و مفيش اى حاجة غريبة بتحصل
الراجل الاول بجنون : امال ايه اللى بيحصل فهمنى ، الزفت اللى خد الورق اختفى و كمان الورق اختفى و مع مين ؟ مع اتنين اجانب ،  اجانب !!! انت فاهم دا لو وقع فى ايد حد منهم هيحصلنا ايه 
الراجل التانى بغموض و هو بيغكر فى اللى ممكن يحصل : هنروح كلنا فى داهية
*************************************
ايهاب كان قاعدة بيتفرج على التلفزيون و بعد كدا جرس البيت رن راح يفتح و كان ايمن سلم عليه و ايمن قال : مسألتش قلت لما اجيلك انا
ايهاب دخلو و رد عليه قال : داخل على شغل جامد اليومين دول
دخل ايمن و بعد على كنبه فى الرسبشن و بص لقى زين نايم فقال باستغراب : ايه دا فى ايه
ايهاب قعد و ضحك و قال : نيمته
ايمن ضحك و قال : عملت فى ايه ياض
ايهاب : ابدا بتاع حبتين منوم كدا
ايمن استغرب و قال : و تنيمو ليه اصلا
ايهاب ضحك و قال : اوامر وردة و محدش ليه دخل فيها
ايمن قال بضحك : دا انتو ناس غريبة
ايهاب ضحك و قال : فكك منا المهم تشرب ايه
ايمن بتفكير : اممم عندكو ايه يتشرب
ايهاب ضحك و قال : هسيبك تدلع براحتك عشان اول مرة و كدا لكن بعد كدا هدخلك تعمل ليا و ليك زى الجزمة
ايمن : اذا كان كدا اخد راحتى اوى المرادى ، بص عاوز كباية شاى بلبن و عاوز بسكوت و بعديهم بقا لو فى اكل عادى ممكن اكل عشان جعان و بعد كدا عصير مانجا و ....
ايهاب قاطع كلامه و هو بيشده من التيشرت  و بيقومه من على الكنبة و قال : لا يا روح امك تقوم كدا تعمل اللى انت عاوزه
و قعد. ايهاب و قال : و تعملى انا كمان
ايمن ضحك و قال : ماشى هتتردلك بس خليك فاكرها
ضحكو و دخل ايمن المطبخ و ايهاب بيقلب فى التلفزيون بعد كدا سمع صوت ايمن بيقول : فين البراد يالا
ايهاب : فى الرف الاول
بعد شوية ايمن قال من المطبخ : الشاى فين
ايهاب : فى الرف التانى ، ما تدور على الحاجة عدل يا عم
ايمن : مش موجود فى الرف التانى
ايهاب : خلاص يبقى مفيش
ايمن : نعم امال انا واقف بعمل ايه
ايهاب : اقلبها ينسون معلش
ايمن طفى البوتجاز و طلع برا المطبخ و قال : لا انا عاوز شاى دلوقتى حالا
ايهاب قام من مكانه و قال : اما انت ضيف سئيل بجد استنى البس و ننزل نشترى شوية حجات
ايمن ضحك و قالو : ماشى يلا
*******************************
واحد مراقب بيت ايهاب و لقى ايمن و ايهاب نزلوا عرف ان زين لوحده جوة و عارف انه نايم بسبب اجهزة التصنت و اول لما ايهاب و ايمن بعدوا شوية طلع العمارة و جه عند باب الشقة و حاول يفتحو كذا مرة معرفش فقرر انه يكسر الباب بس افتكر انه لازم زين و ايهاب ميحسوش انهم متراقبين فحاول يفتح الباب تانى بس سمع صوت حد طالع على السلم فجرى للسلم و عمل نفسه واحد من العمارة نازل و عبال ما الشخص اللى كان طالع طلع ، هو طلع تانى لباب الشقة و وقف قدامه و بعد كدا سمع صوت واحدة ست وراه بتقول : اهلا يا استاذ فى حاجة و لا ايه
الراجل حاول ميبصش عليها و ينزل الكاب على وشو عشان هى متعرفش شكلو و قال : لا مفيش مستنى الاستاذ ايهاب بس
الست قالت ببتسامة : انت صاحب ايهاب ، دا شاب جدع اوى ربنا يحميه يارب هو و اخته و يبارك فى شبابه ، اما قولى صحيح انت زيه ، ظابط يعنى
الراجل قال لنفسه : دى رغاية لا هعرف ادخل و لا هعرف انزل قبل ما يجوا
بعد كدا بصلها و قال : ايوة ظابط ، انا هنزل دلوقتى عشان متأخر و منقوليش ل ايهاب انى جيت ، يلا مع السلامة
و نزل قبل ما هى تلحق ترد عليه فهى بصت عليه بعدم اهتمام و دخلت شقتها 
********************************
بعد فترة رجع ايهاب و ايمن و كانو اشتروا حجات كتير و وهما طالعين على السلم قابلو الست جارة ايهاب
الجارة : اهلا يا ايهاب يا بنى عامل ايه
ايهاب ببتسامة : ازيك يا ام سرور عاملة ايه
ام سرور : بخير با بنى الحمد لله
بعد كدا بصت على ايمن و قالت : مش انت اللى كنت هنا من شوية يا بنى
ايمن استغرب و بص ل ايهاب و قال : كنت هنا من شوية ازاى
الست دققت فى ملامحه و بعد كدا قالت : لا لا مش انت ، التانى كان لابس كاب و تيشيرت اسود مش انت
ايهاب ركز فى كلامها و قال : كان فى واحد هنا
ام سرور : ايوة كان فى واحد صاحبك جه و قلتلو انك مش موجود و طلع ظابط زيك
ايهاب شك فى حاجة و قال بسرعة و هو بيفتح الباب : ماشى شكرا يا ام سرور مفتحتلهوش ليه الباب يدخل بالمفتاح اللى معاكى
ام سرور : لا يا بنى المفتاح مفتحش بيه غير ل سارة غير كدا لا احسن يحصل حاجة ، و لا هو كان لازم ادخله
ايهاب فتح الباب و قال : لا كويس انك مدخلتيهوش الحمد لله
ام سرور ابتسمت و قالت : طب الحمد لله ، يلا مع السلامة
و دخلت شقتها و دخل ايهاب و ايمن و ايمن سئل : هيكون مين اللى جه
ايهاب راح عند زين و فضل يبص حاوليه و يبص عليه و ايمن مستغرب و قال : فى ايه يا بنى
ايهاب بصله و قال : لا مفيش بتأكد انه مصحيش بس
ايمن : بس مين الست دى
ايهاب ضحك و قال : واحدة من الجيران بتنقل الاخبار للى طالع و اللى نازل و اول ما تشوفها تعرف ان فى حاجة حصلت 😂
ايمن ضحك و قال : و انت سايب مفتاح للشقة معاها
ايهاب : ايوة عادى رغم انها رغاية ايوة بس جدعة و  احيانا بنحتاج مفتاح زيادة لو حصل حاجة لمفتاحى انا او سارة و كدا يعنى 
ايمن : ايوة فهمت
و بعد كدا راحو فضو الحاجة اللى جابوها و بعد لما عملوا  شاى و قعدوا ايمن قال : بس البت سارة اتغيرت
ايهاب : اتغيرت ازاى يعنى
ايمن : اليومين اللى فاتو فى الشغل مبقتش بتتكلم كتير و خلصت شغل كتير على عكس المعتاد و مش راضية تتكلم معايا عدل
ايهاب ضحك و قال : عندها حق فى حد يتكلم مع حد بارد
ايمن ضحك و قال : لا والله بتكلم بجد
ايهاب : هى متلغبطة شوية و كدا
ايمن : امممم لما نشوف اخرتها
بعد كدا فون ايهاب رن مسكه و ضحك و قال : لو كنا جبنا سيرة مليون جنيه كانت جت
و رد و قال : كنا لسة جايبين فى سيرتك يا سارة
سارة : بتجيبو سيرتى فى ايه يا محترم
ايهاب : انا و ايمن كنا بندردش
سارة باستغراب : ايمن !!! و زين فين يا بنى
ايهاب ضحك و قال : زين نايم ، ايه انتو مخلصتوش
سارة : لا يلا خلاص خلصنا
ايهاب :  تمام نص ساعة كدا و نكون عندكو
سارة : ماشى يلا
ايهاب قفل معاها و قال : يلا بقا هات الحاجة اللى جبناها و انا هحاول اصحى زين
ايمن قام و جهز الحاجة و ايهاب بيحاول يصحى زين و بيهزو و يقول : زين قوم يلا ...... زين
ايمن سئلو : انت حطيت كام حباية منوم
ايهاب : اتنين
ايمن : ايه الشطارة اللى انت فيها دى عاوز تنيمه كام ساعة تديله منوم بينيم يومين
ايهاب : لا ما انت متعرفش حاباية واحدة مش بتعمل حاجة مع زين
و حاول يصحيه تانى و قومه من مكانه و فضل يقول : زين ركز معايا زين لازم تفوق دلوقتى
زين فتح عينه و قال بعدم تركيز : فى ايه
ايهاب بتركيز و نبرة جادة : زين لازم تركز استجمع تركيزك دلوقتى حالا انت فى مهمة
زين بصوت واطى : انا مركز
ايهاب بصوت عالى: لا مش مركز خالص فين صوتك
زين قفل عينه بس على صوته اكتر : انا مركز
ايهاب : لا انت نايم
زين : لا صاحى
ايهاب : انت مش مركز
زين : لا مركز
ايهاب و هو بيمد ايده عشان يدى زين بوكس بسرعة : طب اثبتلى
زين مسك ايد ايهاب قبل ما توصل عنده و قال و هو مغمض عينه : ركزت خلاص بس مش قادر افتح عينى و مصدع
ايهاب : متخافش كباية قهوة هتفوقك
و بص ل ايمن و قال : اعمل قهوة بسرعة يا ايمن معلش
ايمن : ماشى اما نشوف اخرتها مع العفاريت دى
و كمل و هو داخل المطبخ : انا مشوفتش حد بياخد منوم و ميأثرش معاه ، لا و وهو نايم صاحى عادى و بيصد الضرب ، و كل اللى عمله المنوم حبة صداع هيشلهم قهوة
ايهاب من برا : احنا اسود يالا مفكر ايه
و بص لزين و قال : ايه انت تعبان اوى كدا
زين حاول يقوم يقف و قال : هو ايه اللى حصل اصلا
ايهاب سنده و وقفه و قال : هقولك بعد ما تشرب القهوة
زين مشى كام خطوة و حاول يجرى او ينط عشان يفوق و دخل غسل وشه و كان ايمن عمل القهوة شرب القهوة و هو واقف و بقا فايق شوية و قال : خلاص يا جماعة كل حاجة بخير ، فى ايه بقا
ايهاب مسك شنطة فى ايده و ايمن مسك شنطة و ايهاب شد زين من ايده و قال : تعالى ورايا
و نزلو من البيت و ركبو عربية ايهاب و زين قال : يا بنى واخدنى على فين
ايهاب : هخطفك كدا شوية و ارجعك
زين بزهق : لما نشوف اخرتها معاك يا ايهاب
ايمن : انت لسة مصدع ؟
زين : شوية يعنى بس بقيت احسن
ايمن : كويس حاول تريح راسك كدا لورا و تغمض عينك
زين عمل زى ما ايمن قاله و مخدش باله من الطريق و لما وصلوا
ايهاب : يلا يا زين وصلنا اوعا تكون نمت تانى
زين فتح عينه و قام و قال : لا مش نايم
بعد كدا بص من الشباك لقى انهم قدام الفيلا بتاعة باباه 
زين باستغراب : ليه جينا هنا
ايهاب : يا بنى مش وردة كانت جيالك ، جت فجبتك بس
نزلو كلهم من العربية و زين فتح الباب و دخلو لقو الدنيا ضلمة زين راح مكان النور و فتحو و اتفاجأ باللى موجود كلو موجود شاكر و سامية و جميلة و وردة و سارة  و ريم و مى و رهف و ايهاب و ايمن و عمو شكرى و المكان متزين و شكلو جميل و و قالو كلهم مرة واحدة : Happy birthday
زين باستغراب : what
كلو ضحك و ايهاب قال : انت بقالك تقريبا خمس سنين مش بتحتفل بعيد ميلادك عشان كنت بتبقى مسافر
وردة كملت و قالت : ف قولنا نحتفل بين السنادى
زين : ايوة صح انا كنت ناسى انه النهاردة اصلا
جميلة : كنت بتفتكر و بتستنى بسبب نور
وردة كملت و قالت : لكن دلوقتى هتفتكر و تستنى بسببنا كلنا
ايهاب : كلنا معاك يا زين انت مش لوحدك
شاكر : كلنا فاكرينك و كلنا بنحبك
شكرى : رغم انك رخم و ميبنش عليك انك ظابط ، بس جدع و يعتمد عليك فى كل حاجة
سامية ابتسمت و قالت : شوف بقا التورتة دى انا اللى عملاها
بص ع التورتة و كانت عليها صورته هو و نور و عينه دمعت و قال : جميلة اوى يا ماما تسلم ايدك
و بدأ يغنو اغانى اعياد الميلاد و يسقفو و كله كان فرحان و زين طفى الشمع و بدأ كل واحد يديلو الهدية بتعتو و بدأت وردة و قالت : بص بقا هنبدأ بنور  ، الحاجة اللى نور كانت سايباها معايا ليك كانت هدية عيد ميلادك
شاكر : نور كانت بتهتم جدا بالمناسبات و خاصة اى حاجة تخص زين
سامية : و المرادى برضو منسيتكش
مسكت وردة ريموت و فتحت الشاشة اللى فى الرسبشن اللى هما فيه و الشاشة اتفتحت و كانت نور ، كانت مبتسمة و كانت قاعدة فى عربية و بتقول : مالك ، مالك قلبى القمر ، كل سنة و انت طيب و يارب عبال سنين كتير اوى مع الناس اللى بتحبهم عيد ميلادك المفروض فى الوقت اللى بسجل فيه انا دلوقتى بعد خمس ايام لكن هتشوفوا يوم عيد ميلادك ان شاء الله *بصت حواليها و قالت * حاليا انا فى تاكسى و رايحة للناس دى مش عارفة بصراحة هعرف اعمل حاجة و لا لا * ابتسمت و كملت * بس فداك يا مالك عادى اهم حاجة عندى تكون كويس ، سجلت دلوقتى عشان باين التاكسى اللى ركباه فى عطل او حاجة و انا بجهز لعيد ميلادك من شهر تقريبا و اجي اموت قبلها * ضحكت و كملت * عاوزاك يا مالك تكون زى ما انت دايما زى ما عرفتك على طول قوى و شجاع و جدع مش عاوزة حاجة تحبطك و لا حاجة تشيل الجزء المرح اللى فيك عشان دى احلى حاجة فيك * ابتسمت و قالت * و خلى بالك من ايهاب كويس * قالت بصوت واطى كأن ايهاب سامعها * بينى و بينك كدا ايهاب بيغير منى اصلا  * ضحكت بصوت و قالت * طبعا يا بنى هو انا اى حد ، خلى بالك منه لإنو بجد نعم الصاحب و الصديق و عمرك ما هتلاقى زيه * ابتسمت بحب و قالت * خليك بخير عشانى و عشان اهلك ، عشان ايهاب ، عشان كل اللى بتحبهم و بيحبوك ، خليك زى ما انت اوعى حاجة تغيرك ، الفديو دا هبعته لصحبتى وردة و هى هتورهولك يوم عيد ميلادك زى ما انا قيلالها ان شاء الله و فى هدية كمان اوعى وردة تضحك عليك و تاخدها هى * ضحكت و كملت * لكل اللى بحبهم كل حاجة خير و كل حاجة بتحصلنا بحكمة و تدبير مش مجرد صدفة ، كل واحد يخلى باله من الناس اللى بيحبها و ميزعلهمش احنا مش هنفضل لبعض دايما يا جماعة ، فوردة اوعى تزعلى جميلة منك ابدا و لا العكس انتو و نعم الصحاب و مش عاوزة علاقة زى دى تتفكك لأى سبب ربنا يارب يديمكو لبعض و انت كمان يا ايهاب خليك مع مالك دايما متسبهوش * ابتسمت و كملت * و اخر حاجة يا مالك كل سنة و انت طيب و يارب تبقى دايما فى تقدم و جمال * ابتسمت و قالت * بحبك يا مالك قلبى " و ابتسمت و عملت باى باى باديها و الفديو خلص
كلهم بصو على زين لاقو عينو مدمعة ضحكو و قالت وردة : طول عمرها كانت جميلة و بتحب الناس اللى حواليها
جميلة بصت ل وردة بغيظ و قالت : كانت ايه !!
وردة ضحكت و قالت : كانت روحها حلوة يعنى * و كملت و هى بتغمز * انتى بس اللى جميلة يا قمر
جميلة ضحكت و قالت : ايوة كدا اتعدلى
ايمن : بتجيبى ورا بسرعة يا وردة
وردة ضحكت و قالت : لا احنا مش بنخاف من حاجة
زين قال ببتسامة جميلة : فين باقى هدية نور و لا هتضحكى عليا زى ما قالت
وردة ضحكت و قالت : لا هدهالك
و راحت جابت بوكس هدايا و حطتو قدام زين و قالت : وقتها قبل ما نور تسجل الفديو كلمتنى و قالتلى على المكان اللى سايبة فيه البوكس و انا رحت جبته اتفضل بقا افتح و ورينا فى ايه
زين مسك البوكس و حس بحجات كتير اوى افتكر نور لما كانت بتديله الهدايا كل عيد ميلاد و كانت بتتمناله الخير على طول و قد ايه كل هدية بتجبها كانت بتبقى مميزة اوى فتح البوكس و لقى كتاب كبير و معاه ورقة صغيرة فتحها و كان مكتوب فيها بخط جميل " كل سنة و انت طيب يا مالك قلبى " فتح الكتاب و كان عبارة عن صور كتير ليهم ، زين لما شاف كدا مقدرش يمسك نفسه و عيط فعلا قدامهم كلهم  بس كان عياط من الفرحة فرح جدا ان حجات زى كدا موجودة لسة ، فرح ان فى حاجة من نور موجودة معاه لقى صور كتير اوى و كل لما يبص على صورة يفتكر الذكرى دى ، ايهاب لما لقاه كدا راح وقف جمبه و باس راسه و طبطب عليه
مسح دموعه و  بص زين ل ايهاب و قاله : بص يا ايهاب فى صورة ليك
بص ايهاب و كانت الصورة عبارة عن ايهاب و هو حاطط دراعه على كتف زين و بالايد التانية بيشد خده و بيضحك و زين بيحاول يشيل ايده اللى على وشه ، الصورة كانت بتضحك جدا و ايهاب و زين ضحكو عليها و ايهاب قال : كويس انها موجودة ، و بعدين انا مش بغير من نور مين قال كدا
زين بصله و قال بنص عين : يا كداب
كله ضحك و زين جاب اخر الصور و لقى مكتوب فى ورقة
" مالك الكتاب فى كل اللحظات الجميلة اللى كانت فى حياتى و حياتك و فرحانة إنى قضيت معاك اوقات جميلة اوى كدا ، الكتاب معاك دلوقتى عاوزاك تكملخ و تحط فيه كل اللحظات اللى بتحبها صور الناس اللى بتحبهم ، عيش اوقات جميلة يا مالك ، بتمنالك السعادة "
مع تحياتى
نور حياتك.
زين قفل الكتاب و بص عليهم كلهم و لقاهم فرحانين زين طلع الفون بتاعه و قال : اول صورة هتتحط فى الكتاب صورة لينا كلنا يلا
و وقفو كلهم و اتصوروا صورة جماعية حلوة
وردة ابتسمت و قالت : يلا نكمل بقا و هنتصور كتير بس لازم تشوف هديانا كلنا و لا هو كفاية عليك نور  
زين ضحك و قال : لا طبعا ورونى
بدأ كل واحد يدى ل زين الهدية اللى جابها و الوقت كان مليان فرحة و ضحك و بعد لما خد الهدايا قال : مش عاوز حاجة تانى من الدنيا خلاص ، اخد الهدايا دى بقا و اهرب برا البلد
كلو ضحك و ايهاب قال : والله هى لو كانت الناس بتهرب برا البلد بهدايا كان زمان الناس كلها سافرت
ضحكو و سامية قالت : يلا تعالو ناكل التورتة
قطعت التورتة و ادت لكلو و قعدو ياكلو و اختارة العاب و     كلو قعد يلعب و قضو يوم جميل كلهم و كلو خد على ايمن و حبوه .
على الساعة ٦ قامت وردة هى و جميلة و قالت وردة : هنمشى بقا احنا دلوقتى
زين بصلها و قال : ليه لسة بدرى
جميلة : هو اليوم كله هيبقى ليك و لا ايه يا زين باشا سبهالى شوية
ضحكو و زين قال : خلاص ماشى انا عاوز اقول حاجة بس قبل ما تمشو
كلو بصلو و قال : انا اترقيت
كلو فرح و وردة قالت بفرحة : بجد الف مبروك
شاكر حضن زين و قال : مبروك يا زين
ريم قالت بفرحة : يعنى قمر
كملت مى : و ظابط
كملت رهف : و بعيون خضرا
و قالو التلاتة سوا و هما بيغمزوا :  و كمان ترقية يا واد يا  جامد
ضحكو عليهم و زين قال : بس الترقية المرادى مختلفة
شاكر : ازاى
شكرى : اقولكو انا ، زين هيبقى حارس من حراس نائب الوزير
كلو استغرب و سامية قالت : يعنى هتمشى من هنا
زين راح وقف جمبها و قال : ايوة يا ماما بس فترة بسيطة مش هطول
شاكر : مش هتطول ازاى
شكرى : دى الترقية بتعته لو نفع فى شغله هيكمل لو لا هيجى تانى هنا و هيترقى فى منصبه اللى هنا عادى
ايمن باستغراب : اشمعنى زين بس يعنى اللى اترقى الترقية دى ليه ايهاب لا
شكرى : دى حجات تبع الشغل لسة محدش يعرف حاجة
وردة ابتسمت و قالت : تمام باين ان احنا مش هنعرف نوقف حاجة زى كدا ف خلى بالك من نفسك
جميلة : ايوة و عاوزينك ترفع راسنا
رهف : ايوة فعلا هيبقى حد نعرفه من حراس الوزير يسلام
ريم : نائب الوزير يا بنتى
سامية حضنت زين و قالت : هتوحشتنى يا زين
زين : والله كلكو كمان هتوحشونى اوى بس هعمل ايه شغل و انا مش هأخر عليكو
ايمن لسارة بصوت محدش يسمعو غيرهم : يا بت اخوكى كان قايلى انه وراه شغل مهم بس طلع زين مش هو يبقى ليه قال كدا
سارة : معرفش يا عم انا مالى
ايمن : هتفضلى عبيطة كدا و متعرافيش حاجة دايما
سارة بصتلو بغيظ و مشيت من جمبه
وردة : يلا مع السلامة يا جماعة
و مشيت وردة و جميلة بعد ما سلمو على الكل و اتفقو مع سارة انهم هيشوفوا بعض ف الشركة بكرة
سارة بصت ل ايهاب و سئلتو : هتفضل قاعد يا ايهاب و لا هنمشى
ايهاب : لا هنقعد مع بعض شوية
سارة : طب خلاص همشى انا
سامية : ليه بس خليكى اقعدى مع البنات شوية
راحت ريم مسكت اديها من ناحية و قالت : ايوة ايوة خليكى معانا يا سارة
راحت مى مسكت اديها من الناحية التانية و قالت : ايوة ايوة خليكى
و رهف وقفت قدامهم و قالت : يلا بينا على فوق
سارة كانت لسة هتعترض راحت ريم همستلها : بس بقا مش عاوزين نذاكر
سارة ضحكت و قالت : بقا عشان كدا يا اندال
و فعلا طلعت سارة تقعد معاهم و قعد شاكر و شكرى مع بعض و زين و ايمن و ايهاب طلعو قعدو فى الجنينة
زين : شكرا يا ايمن على الهدية الحلوة دى و اتشرفت بيك
ايمن : انا اللى اتشرفت بيك فعلا يا زين
ايهاب : ايمن دا يا زين كان من اعز الناس ليا و انا صغير فعلا
ايمن غمزلوا و قال : و هيفضل و انت كبير برضو يا بوب
ايهاب و زين ضحكو و ايهاب قال بجدية : من بكرة زين هيبدأ شغل جديد و انا هاخد كام قضية كدا جداد فعاوز منك خدمة يا ايمن
ايمن : اتفضل يا ايهاب
ايهاب : عاوزك تخلى بالك من سارة
زين : عاوزينك تفضل مكانا هنا تخلى بالك من سارة و جميلة و وردة و العيلة كلها  لإن ممكن بسبب شغلنا حد يتعرضلهم
ايمن : متخافوش كدا كدا البنات معايا فى الشركة و هخلى بالى منهم متشيلوش هم انتو و خلو بالكو من نفسكو
ايهاب : هو كل الموضوع على زين هو اللى هيمشى لكن انا معاك عادى
ايمن : مهما حصل انا معاك يا بوب والله و مش هسيبك تانى انا مصدقت لقيتك اصلا
ايهاب ابتسم و قال : هو دا العشم برضو يا يويو
ايمن بفيظ : ما قلتلك متقليش يويو دى
ضحكوا و فضلو قاعدين مع بعض بيتكلمو و كان معظم الكلام عن ايمن و ايهاب و هما صغيرين ، و بعد شوية مشى شكرى و ايهاب قرر انه يبات مع زين الليلة دى قبل ما بمشى و سارة كانت قاعدة مع البنات فوق  و فضلو سهرانين مع بعض كتير اوى بيتكلمو و بهزروا و يلعبو و ياكلو و قضو سهرة جميلة اوى و نامو هما التلاتة فى الجنينة جابو بطاطين و اتغطو بيها و اتفرجو ع النجوم و نامو هما التلاتة على الساعة ١ بليل على الساعة ٤ كان الفجر اذن قام زين و صحاهم و دخلو الفيلا يتوضوا و صلو هما التلاتة مع بعض و بعد كدا و هما رايحين ينامو جه لزين اتصال و كان عمو شكرى زين رد عليه و قال : اكيد وحشتك انا عارف مش بتعرف تستغنى عنى
شكرى بجدية : زين يلا معاد سفرك دلوقتى
زين باستغراب : دلوقتى ازاى يعنى
شكرى : النائب عاوزك تبقى عنده الصبح يبقى لازم تمشى دلوقتى عارف الطريق صح
زين : ايوة
شكرى : خلى بالك من نفسك
زين بطمئنة : متخافش
قفل معاه و دخل لبس الزي الرسمى بتاعهم و سلم على اللى صاحين فى البيت  و قام ايهاب و حضن زين و قال : لو حصلك حاجة وقتها هبقى يتيم بجد
زين حضنه اكتر و قال بهزار : هو انا خلفتك و نسيتك يا بنى
ضحكو و بعد كدا ايمن حضن زين و قالو : ترجع بالسلامة
زين : ان شاء الله و مش هوصيك بقا
ايمن : متخافش
و طلع زين الفيلا خد شنتطه و ركب العربية بتعته و ايهاب قاله : خلى بالك من نفسك ماشى
زين بصله و ابتسم و قال : هكون كويس متخافش
  و بعد ما مشى فضلو باصين  على المكان اللى مشى منه زين و بعد كدا ايمن قال : الاهبل دا مشى و سابنا فى بيته
ايهاب ضحك و قال : عادى هنكمل نوم و نصحى الصبح نفطر و نمشى
ايمن باستغراب : عادى كدا
ايهاب : عادى جدا
و قال فى نفسه : ان شاء الله تبقى بخير يا زين و انا مش هسيبك عند زين كان مشى بالعربية بتعته و كله ثقة بإن كل حاجة هتبقى كويسة و بقا عنده ثقة اكبر فى نفسه بسبب اليوم الجميل اللى قضوه كلهم النهاردة و حس ان فى ناس كتير جمبه و انه مش لوحده و فضل يعيد على نفسه كالعادة اللى هيعمله عشان مينساش حاجة و بعد كدا لقى رسالة مبعوتة على الفون عنده و كان مضمونها........
****************************************
و بس لحد هنا 😂 دا لحد دلوقتى اطول فصل كتبتة
مين اللى بعت رسالة ل زين و كانت عبارة عن ايه ؟
مين الرجالة المجهولة و ايه الورق و الناس اللى بيدوروا عليهم؟
كان هيعمل ايه الشخص اللى بيراقب زين و ايهاب لو دخل الشقة ؟
ايه رايكو فى المفاجأة و هدية نور 😂 ؟
ايه اللى هيحصل مع زين ؟
و ليه معظمهم خايف مع انه رايح بس يشتغل حارس ؟
هنعرف دا كلو المرة الجاية ان شاء الله ⁦⁦♥️⁩
الفصل_السادس_عشر
سحر_الكون⁦♥️⁩
رحمة_محروس