ဤ ဇာတ်လမ်းတွင် ပါဝင်သော ဇာတ်ကောင်များမှာ စိတ်ကူးယဥ် များသာဖြစ်ပြီး ၊ ဇာတ်အိမ်မှာလည်း ကိုယ်ပိုင် စိတ်ကူးထားသော ဇာတ်ဖြစ်ပါသည်။
"ငါ လေ တီချယ် ကို သဘောကျနေတယ် ထင်တယ် သစ်"ဟု ပြောသည့် သူမှာ ဆယ်တန်းကျောင်းစစ် နှစ်လယ်စာမေးပွဲ နောက်ဆုံးနေ့မှာ ပြောသည့် သူငယ်ချင်းဖြစ်သူ ခက်ခက်၏ စကားကြောင့် သစ် အံ့ဩသွားတော့သည်။သို့သော်လည်း သူငယ်ချင်းဖြစ်သူ၏ အမူအရာများကိုကြည့်ရင်း အစောကတည်းက ရိတ်မိခဲ့သည်။
"ငါသိသားပဲ" ဟု ပြောသည့် သဉ္ဇာစကားကြောင့် ခက်ခက်လည်း လန့်သွားတော့သည်။
"နင်က ဘယ်လိုသိတာလဲ"
"နင်တီချယ်ကိုကြည့်တဲ့အကြည့်တွေကနေပေါ့"
"ငါ့အကြည့်တွေ.."
"အေးလေ..တီချယ်ကိုဆို အစိမ်းလိုက်ဝါးစားတော့မဲ့အကြည့်တွေနဲ့ကို "
သူငယ်ချင်းနှစ်ယောက်စကားပြောနေချိန် စာမေးပွဲဖြေရန် ခေါင်းလောင်းထိုးသည့်အတွက် စာမေးပွဲ အခန်းထဲဝင်သွားတော့သည်။ဖြေဆိုချိန် (၂)နာရီ အရောက် အကုန်ဖြေဆိုပြီးသည့်အတွက်ထိုင်နေသည့် ခက်ခက်။ သူမ သဘောကျနေသည့် ဆရာမဖြစ်သူ တေးနုယဉ် မှာ အခန်းရှေ့မှ ဖြတ်သွားသည်ကိုမြင်လိုက်ရသဖြင့် အနည်းငယ်ပြုံးမိသွားတော့သည်။
"လှလိုက်တာ" ဟု စိတ်ထဲမှ လည်း ရေရွတ်မိတော့၏။ တေးနုယဉ် မှာ တကယ့်ကို မြန်မာဆန်ဆန် ကိုယ်လုံးနှင့်အတူ အရပ်မှာလည ၅ပေ ၆ရှိကာ ကျောင်းရှိဆရာမများထဲတွင် အထင်းဆုံး ဆရာမတစ်ဦလည်းဖြစ်ပြီး အသက်မှာ ၄၀ ပတ်ဝန်းကျင်သာရှိသေးသည်။
စာမေးပွဲဖြေဆိုပြီးရန် (၅)မိနစ်ခန့်အလို ကျောင်းရှိဆရာမများ ရုတ်ရုတ်သဲသဲ ဖြစ်လာပြီးအခန်းစောင့်ဆရာမများလည်းအခန်းပြင်သို့ထွက်ရင်း မေးမြန်းနေတော့သည်။ အခန်းဝအနားတွင်ထိုင်နေသည့် ခက်ခက်လည်း ဆရာမများ၏ ပြောစကားများအား အလုံးစုံကြားလိုက်ရတော့၏။
"အစ်မ..ဘာဖြစ်တာလဲ"
"တေးတေး ပြုတ်ကျလို့အခုပဲ အရေးပေါ်ကားလာခေါ်သွားပြီ"
တေးတေးဆိုသည်မှာ တေးနုယဉ်ပင်။ သူမ သဘောကျရသည့် ဆရာမ၏ သတင်းကြားလိုက်ရသည့်အတွက်ချက်ချင်းဆိုသလို မတ်တပ်ရပ်လိုက်သည့် ခက်ခက်အား အခန်းစောင့်ဆရာမများမှတားတော့၏။
"ထိုင်ထိုင်..စာမေးပွဲခန်းထဲမှ ဒါ ဘာလုပ်တာလဲ" ဟု အခန်းစောင့်ဆရာမ ဆူသံကြောင့် ခက်ခက်လည်းထိုင်လိုက်မိတော့သည်။
