Unicode version
Honeyနဲ့ Mommy
အပိုင်း (၆)
ကာဘွန်ဒိုင်အောက်ဆိုဒ် ဇုံထဲ တဖြေးဖြေးရောက်လာတဲ့
သူမတို့နှစ်ယောက် ၊
ဘယ်လောက်မှမကြာလိုက်တဲ့ အခိုက်အတန့်လေးတခု
၅ စက္ကန်လောက်လား....!!??
"ဒီကလေးက ဘာဖြစ်ချင်နေတာလဲ "
နိုရာ ထိုသို့ စိတ်ရှုပ်စွာ တွေးလိုက်ပြီး
"ချန်းကို ....နင့်မျက်နှာကို ၆ လက်မလောက် နောက်ဆုတ်လိုက်စမ်း "
.
.
.
ချန်းကို နောက်မဆုတ်ပစ်ပဲ ပိုတိုးသွားလိုက်သည်။
"ခဏလေး.....အို့.....ဒီမှာ ဆံပင်ဖြူ.....
နှုတ်လိုက်မယ်နော် မမ"
နိုရာ မျက်လုံးစုံမှိတ်ကာ သက်ပြင်းချရင်း
ငြိမ်နေလိုက်သည်။
"အမေ တောင် ဆံပင်ဖြူမပေါက်သေးဘူး
မမက ဆံပင်ဖြူတောင်ပေါက်နေတာလား "
"ဘာ ဆံပင်ဖြူမှ မပေါက်သေးဘူး။
ငါ အဲ့လောက် အသက်မကြီးသေးဘူးဟဲ့ "
"ဒီမှာ မယုံရင်ကြည့်လိုက် ဘာလို့ ထိပ်မှာမှ လာပေါက်နေရတာလဲ။
လူမြင်အောင်လို့ ....ဟီး ဟီး....
ကြည့် ကြည့် ဒီမှာ.. ..ဆံပင်ဖြူ ဟုတ်တယ်မလား"
ချန်းကို ဆံပင်ဖြူလေးကို သူမလက်ထဲ ထည့်ပေးလိုက်သည်။
"ဟယ်....ဟုတ်တယ်တော့...
ချန်းကို ထပ်ရှာကြည့်စမ်း နောက်ထပ်ရှိသေးလားလို့
အမလေး ငါတော့ အိုနေပါပြီ "
"ပြောပါတယ် ဆံပင်ဖြူပါဆို....လာ....တိုးခဲ့
ထပ်ရှာကြည့်ပေးမယ် ...."
နိုရာ.....ချန်းကိုနဲ့ နီးသွားအောင်
ခုံလေးကိုဆွဲယူကာ တိုးလိုက်သည်။
ဆံပင်ဖြူကပေးတဲ့ Depressionသည်....
တခြားဘာအကြောင်းမှတောင်
မစဉ်းစားနိုင်တော့လောက်အောင် ဖြစ်သွားခဲ့သည်။
"ချန်းကို သေချာရှာနော်...ဇာဂနာယူပေးရမလား
နောက်ထပ်ရှိသေးလား "
"ဟင့်အင်း မရှိတော့ဘူးထင်တယ်
အဲ့တပင်ပဲရှိတာလားမသိ .....
အို့.....ဒီမှာနောက်တပင် ....."
KAMU SEDANG MEMBACA
Honey နဲ့ Mommy
Romansaဒါကတော့ ကိုယ် ပထမဆုံးရေးဖူးတဲ့ Myanmar girl loveလေး ပေါ့။ အားလုံးပဲကြိုက်ကြပါစေ လို့မျှော်လင့်ရင်း...
