" أيـلاف "

تعريف الشخصيات

هلو 👋

أني أيلاف عمري 16 عاديه حالي حال أي بنيه عراقيه
بشرتي بيضه عيوني كبار بنيه وشعري طويل اسود لجوه خصري وطولي متوسط

عندي 2 أخوان وأخت وحده

اخويه الچبير مروان عمره 27 مهندس ومتزوج بنت جيرانه الاء عمرها 23 وهسه هيه حامل بنهاية شهر الـ8

اخويه مروان كلش عصبي اقل شغله ويعيط ويصيح قبل متحمل الاء جان شابعها كتل خطيه البنيه رغم هيه كلش حبابه بس اقل شغله غلط تسويها يعيط عليها ويضربها حالياً هسه هيه حامل ميكدر يضربها بس مشبعها رزاله خطيه

وأخويه الثاني سامر دخل 20 حاليا
مكضيها بنات وحجي وسوالف عل أنستا امي وأبويه ميحاجو عادي عدهم واذا اسئل امي ليش متوكفه عن حده ترزلني وتكلي هوه ولد عادي يسوي الي يعجبه والصوج مو بي من البنات الي يحاجو غير هنه المفروض يثكلن

بس اني شايفه الغلط من عنده يعني هوه يقشمر عله البنات ويحاجيهن ويقشمرهن بكلمتين وهنه اكيد صغار ميتجاوز عمرهن 13 وبسرعه يقنعن بي

المهم سامر ميكعد بالبيت هواي يكعد بالـ3 الضهر لأن يضل سهران يتغده ويطلع ويه جماعته بالـ8 يرجع للبيت محد يحاسبه أو يحاجي

وأختي الوسطانيه مريم 19 سنه
أبويه بطلها من المدرسه وهيه خامس أعدادي
لأن ابويه مو من نوع الي يخلينه نخلص دراستنه نوصل خامس اعدادي ونبطل يكول علمود لتنحرفن زايد

وأمي عمرها 53 مهره وأبويه عمار 57
ماعنده أخوان هوه الوحيد وأمي عدها اخت وحده  أميره 33 سنه عمرها ومطلقه كولش تدخل بحياتنه وحشريه لهذا ماحبها كولش تدخل وتنطي رأيها بكولشي

اني طلعت بيضه عله امي
امي كولش بيضه وعيوني هم مثلها كبار وبني
مروان هم طلع عله امي
سامر و مريم طالعين عله ابويه حنطاوي

ومثل مشفتو هاي عائلتي نشالله استمر بالروايه بس اتمنى تدعموني 💕