كتله خايفه و اريد اختل بحماك
تخليني؟!!!
كالي اكعدي بمكانج و اسكتي
تره هسه اعوفج و اروح
كتله عود انته شبيك قبيص و غثيث
يلا ابقى لا تتعجرف و تنتر عليه
بس تسمحلي انام تعبانه كولش
كالي براحتج
عاد نمت
ما فزيت الا الصبح
لكيت وليد هم نايم يمي
كلت خلي اسويله ريوك
بصل عالريك حتى يشووف معاناتي
صدك سمعني افتح بالكونيه
كعد باوعلي و كال شتسووين؟
كتله اسويلك ريوك
كالي ههه ريوكي بصل؟!!
كتله اي يااابه و شبيه البصل
مو حضرت جنابك انطيتني نص كونيه و كلت الي اقتصدي
ضحك هههه كال لا جايبلك جبن و كيمر
كتله صدددددك يمعود اذا تشاقه هسه ينفطر كلبي و اموت
كالي اني ما اكذب حتى بالشقه
كتله امممممم يله وينه يمعود الحكني
صدك طلع للسيارة جاب منها علاگه
بيها جبن عرب و كيمر اربيل و عسل
هفففف خمشت العلاكه من ايده
و كمت اكل باثنين اديه
شفته رجع للسيارة
ظليت اكل و اتابعه بعيوني
جاب وياه بعد علاكه و جلكان مي
استغربت
اجاني كالي هاي ملابس الج بدلي ملابسج
و هذا جليكان مي اسبحي بيه
و اني رايح
كتله لا فدوة ابقه وياي بعد
كالي لا اخذتني النومه
و لازم اروح هسه
لان اكيد هسه عرفوا اني خارج القريه
فكمشت بيه بالكوه انطيته كم لكمه اكلهن و طلع
اول ما راح شفت زاويه و سبحت بيها
و لبست ملابسي و كمت اكفكف بيهن لمن سويتهن ع كدي
قبل الظهر ما احس الا الباب اندفر
باوعت ذوله كومه مسلحين امطاوقيني
سحلوني من الخرابه طلعت بره
شفت وليد مجتف و الدمايه تجري منه
لبسو وصلة قماش مثل الجيس ع راسي
و تجتفوني و ذبوني
بسيارة ثانية
غير السيارة البيها وليد
.. يتبع
أنت تقرأ
السبية بلا سبي
Cerita Pendekقصة واقعية، تتحدث باللهجة العراقية عن محنة فتاة افقدتها الحرب اعز ما تملك بهذه الحياة
