#كحل_عرب
(الفوضى)
((( بقلم زينب ماجد )))
الحلقة_الأخيرة
(الانفجار )
يا عصر الفواتح ويا زمان الموت
كافي من الذبح مو ناس ما ظلت
ضاكت گاعنا من گبور فوگ گبور
فوگ گبور اهلنا گبورنا تعلت ..
لعريان السيد خلف
ركض مأمون صعد ، كضاها وهي تصرخ وتبجي وتصيح : هدوني احرك رووووحي واخلص من هالعيشة هاييييي هدوني .
جرها حيل وطببها بغرفتها وهي تصيح : حسبي الله ونعم الوكيل عليكم ، مساندينه ياخذ عليه ، الله ياخذ حوبتي منكم ، كلكم صافين وياه عليه ومستحكريني جيف ما عدي اهل .
طب مامون للغرفة وكاللها: تحسبتي وتجاوزتي هواي ، كعدي واريد اشوف قصورنا وياج شني واني راضي بكل مطاليبج واليوم رايد انصفج ما انصف اخوي ، اكعدي .
كعدت ودموعها بس تكت ، حجه هو : بيوم رضيتله يطكج ؟ جاوبينييييي
نتر بيها
حجت : لا
- بيوم رضيت بيه يخونج
- بس ادافعله
- انت لو عدج اخت وما عدها غيرج توكفيلها لو تتبرين منها احجيلي .
-اقلها تحجيلك حجاية حق
- واني يمتى كايل الباطل ، كل عمري ما ارضى تطلكون وتفترقون واجره من درب الاعوج واذبه بدربج واكول مرت زغيرة وجهاله خطية ، الحك اليرضيج خوية شنو طلاك ؟
- ولو اطلكت تعوفولي جهالي
- انا ابيوم كاعد عمي وكتلج رايد انصفج واكول الحك وياج ، اطلبي مني ويجرالج التريدينه شنو اخوي سوالفه مكسرة وما ينعدل المطلوب مني شنو هاطر اسوي ؟
- تخليه يطلكني وتحطلي بيت اني وجهالي وما تاخذوهم مني .
- اسمعي خوية انا كل عمري كارهلج كلمة الطلاك لو تظل على مروان سواها من زمان بس اني الاوزه هاطر يردلج ويرد العائلته بس الظاهر يردح حيل الما شايفها وانت ما ضايكة لوعت الطلاك خوية ، انا لهنا وابري ذمتي وياج ، واوعدج احطلج بيت واجره واني خسار ايجاره ، وجهالج عدج ما طول انت ما تفكرين بغيرهم ، وعيشتج وعيشة جهالج على ابوي يحددلج مصرف كل شهر ، راضية ؟
سكتت ، كام وكال : هاهيه اعتبري طلاكج واصل
ظلت تبجي ، مأمون عافها ونزل ، ونوسة طبت يمها وتكلها : ولج والله تعوفين بيتج وتخربينه من ورى وحدة ما تستحي تالي هي تاخذه وانت تصفين نبوذة ومحد بحالج .
- اعيش منبوذة ولا اعيش بقهر ويا مروان .
نوسة : بكيفج بعد انت تتحملين قرارج .
مشى مأمون خابر على مروان وانطاه خبر بالصار كله وكاله تمشي : اطلك وسن وتعقد على هاي السز .
مروان : طلاك ما اطلك وسن ، ولا اكدر اعوفها واعوف جهالي، اني غلطت صح بس هي شتريد اني مستعد انفذ .
- الرايدته ما تتزوج التورطت بيها تكدر ؟ لا ما تكدر ، طلك خوية جزعت فكني ، خل اشوف اني شلون صاف وياك وراضي بعمايلك ، الا امشيك حسب ما كل واحد يريد ، لبوي يطردك وطردتهم مرتك تطلك و يطبها مرض ، وشيصير بيك حيل وابو زايد ، جزعت مليت كافي مروان احصد الزرعته بسنينك .
كتلك مرتك سايسها وصارحها عزيت بروحك وهسه جاي تكول ما اطلك غصبا ما عليك اطلك ، افتهمت .
- لعب براسك ابوي واتبريت مني مأمون
- خوية اني هيج هيج محد راضي علي لو احرك روحي واضوي دروبكم هم تكولون عمانا بدخانه .. مالي غرض خل اروح احل مشاكل عائلتي واحط حد لذيج الطفر فوكانا يلا اجي احل اموركم .
سد التليفون منه وطلع لبيت ام مروة ، كعد ويا وسولف وياها بحدة ، تخبلت شلون ابو الاكبر زعلان ومغتاض منهم ، كالتله : بتي احركها لو حاولت توصل بابكم والله ، انت ابو الاكبر تتضايق والله مو هاي جزاتك وحرام لو رضيتها ،واني هسه اخذ مروة واروح تعتذر من مرتك وتنطي عهد والله ما تتعرضلها ولا توصلها .
وبالفعل لبست رادت تاخذ مروة ما رضت طلعت لبيت حاكم وحدها ، طبت وهي تنطي عهد لبطة مروة ما توصل بيتها ولا تكربهم ، وظلت تبجي وتكللها: والله اني مستحية من ابو الاكبر مواقفه ويانا اخو ما مسويها ومتفدينا بروحه واليطلع من عدنا خراب بيته ، والله يا بطة اذا ما رجعتج بديه لبيتج اني ما ارتاح ، مأمون مو هذا اليستحقه ولا انت ناس طيبين ما شفت منكم غير الطيب والكلمة الطيبة والمواقف الحلوة بس بنتي فشلتي وياكم البنية من يوم المات ابوها ولليوم صرت ابنية ثاني مدا اكدر اسيطر على حالتها من اللي تعرضناله من خطف وتهديد وتهجير من بيت البيت ، صارت ادور الها رجال يكون الها سند ، وهي من شافت مامون تمنت رجال يسندها وتعيش بسده و يحبها ويخاف عليها مثل بطة ، شكد حاولت اغير فكرها وابعدها منكم ، بنتي صارت مريضة واني عجزت من علاجها .
ظلت كواغد تكلها ؛ البزر يتعبون دية وبنرادلهم كلب كوي وبال طويل ، دموعج خالية دية .
بطة :، والله خالة ميهونن عليه دموعج بس الرجل عزيو واني احب مامون واغار عليه مو بيدي .
اميرة : حقج خالة اكو مرة ما تغار على رجلها ميت ومن دريت ماخذ عليه ضرة ومخلف منها ، هاج شوفي شعري كله اشتعل شيب من ذاك اليوم الهاليوم ، بس امانة الله مروة لو تقربت منج لو وصلت بابج ، بس تخابرين عليه ، اني اخابر خوالها يأدبوها .
- لا خالة ما احط عقلي وياها ، لا يأدبونها ولا هم يحزنون اني على دموعج هاي والله ما اكدر اطلب منج ولا افرض عليج وتعرفين بيه شكد احبج على حب واحترام مأمون الج .
- الله يحفظج حبيبتي ، ما دام تحبيني خليني ارجعج لابو الاكبر بيدي اقلها اوفيله ولو قطرة من افضاله عليه .
- صدك جذب هسه ابدل اني وجهالي ونكوم وياج .
كامت بدلت وراحت ويا
