خلوني ببدي سيارة و اخذوني و وليد ما ادري بيه وين اخذوه
المهم
سجنوني بسجن انفرادي
غرفه ظلمه حتى صوت البره ما اسمعه
ما ادري قبو تحت الارض ما ادري وين
ظليت هناك كم يوم بعدين عرضوني ع الشيخ
الشيخ حقق وياي
افتهمت من اسئلته متوقع اكو علاقة بيناتنه اني و وليد
و حسباله بالمرتين الي باتهن وياي وليد بالخرابه
صارت بيناتنه علاقة جسدية
و كل هاي الايام
كانوا يعذبون بوليد يردوه يعترف
طبعا وليد صدك ما سوه شي وياي و هوه بالفعل كان قادر
بس عفته و مرؤته منعته من هذا الشي
الشيخ من حقق وياي سمع نفس الكلام الي كاله وليد
يعني حجينه ثنينه متطابق
انوب جمعنه سوه و كدام حضور كان موجود يمه
كال راح انسووي كشف بكاره لهاي البنيه
و يقصد عليه و كشف البكارة يعني يعرضوني ع قابله مال توليد نساء
تكشف عليه تشوفني باكر يعني بنيه لو ثيب؟!
طبعا اني رطينه عليه كلامهم ما اعرف هاي المصطلحات
المهم ردت اخلص روحي قبلت
فالشيخ كال اذا صدق كلامهم و البنيه طلعت باكر
ازوجهم دنيا و وليد
و حتى مهر ادفع
كالو شنو رايكم
اني من سمعت زواج كمت ارجف و ابجي
كلت اله عموو و الله اني تايهه
و ما اعرف مصير ابوي و امي شنو
الله يخليك ما اريد اتزوج
اني بعدني طفله و احسبني مثل بنتك
الشيخ باوع لوليد
كاله راح انعوفكم ثنينكم
اذا قنعتها بالزواج كان بها
و اذا ما كدرت انقيم عليكم الحد
صدك طلعوا و عافونه
اجاني وليد خطيه جسمه مزوركيه من الدك و بالكوه يحجي
كالي انتي بنيه لو لا
كتله اكيد بنيه
كالي تمام
شووفي الامور اتغيرت
كتله اشلون
كالي اسكت خلي اكمل كلامي لا تقاطعيني
كتله اسفه
كالي الامور و الاحداث اتغيررت
كتله اشلون؟
كالي اكو رجل كبير من النجف ما اتذكر شنو اسمه
انطه فتوى للجهاد ضد تنظيم الدولة
و المقاييس كلها انكلبت رأساً ع عقب
و الامور اتدهورت
و تقدم الدولة اتوقف
الي فهمته من كلامه
الزحف لبغداد اتوقف و حتى المحافظات الي استولوا هسه خايفيين عليها
اي
كتله يعني شنو المطلوب
كالي وافقي و احفضي دمي و دمك
و اوعدج وعد شرف اطلعك منا و ما المسك بصفة زوجة
كتله ما ادري حيرتوني
عود اني سنيه منكم و بيكم و هيج تسوون بيه
انتم راح تخربون كل الي بناه الخلف الصالح و راح تعيدونه للجاهليه قبل الاسلام
كالي هاي حرب و الحروب و الغزوات تصير بيها انحراف بسيط عن المسار و بعدين يتصلح
كتله اذا ما وفقت شراح يصير
كلت الها اول شي اني يكطعون راسي كدامك
كتله اسمله عليك
كال ثاني شي انتي على الاكثر تصيرين (أمه) عند الشيخ
كتلخ يعني سبيه
كالي تقريبا هيك معنى
كتله موافقه بس ع الوعد الي قطعته الي
لا تلمسني و تخلصني من هاي المحنه
كالي توكلنا ع الله
صدك بلغ الشيخ بالموافقه
و الشيخ دزني
للقابله كشفت عليه
بلغت الشيخ
الشيخ ما صدك
دزوني لقابله ثانيه
و نفس الشي
النوب الشيخ
كال هم ما اصدك
كل الكاعدين و احنه باوعنه عالشيخ
الشيخ كال ما اصدك ابد
فعليه اتزوجها اول اني حتى و اتاكد بنفسي
و بعدين اطلگها و ازوجها لوليد؟!!!
... يتبع
أنت تقرأ
السبية بلا سبي
Contoقصة واقعية، تتحدث باللهجة العراقية عن محنة فتاة افقدتها الحرب اعز ما تملك بهذه الحياة
