لم يكن ذنبي

مشهد مستقبلي

يوم الأحد 2012/4/10
الساعة ١٠ بليل
بغداد منطقة الشعب
تاريخ مستحيل انساه
لا سامحك الله!!
جرحت قلبي الذي لم يجرؤ على خدشك ليلعنك الله مع كل امين يبوح بها المسلمين بعد سورة الفاتحة..
لا سامحك الله ولا عفا عنك ولا تقبل منك توبة واذاقك الله بنفس الشعور وبذات الشدة وذات الطريقة لا أكثر ولا أقل وأطال عمرك لترى جزائك ولا دمت سالماً.....
ظننتك رجلا وها انا العن ظني في اليوم الف مرة..

كرم : شوفي لج لا دوخيني خطوبة مااخطب اني اصلا موعدتج بخطوبة انتي لطشتي شسويلج الظاهر علمود فلوسي والا وحده مثلج حلوه وزغيره شعدها باقيه ويه واحد مثلي اكبر منها ب١٧ سنة
حنين : ليش هسه يله كلت وذيج السنين الضاعت وليش املتني وخليتني اتعلق بيك احجي وابجي واحس كلبي يريد يوكف من القهر اخخ يحنين ضاكت بيج الأرض وماعندج غير الله تشكيله كملت كلامي وشلون مواعدتني بخطوبة مو كلت بس استلم فلوسي وماشاء الله استلمت والله شتكول اسوي بس لا تعوفني
كرم : اهو هاي شلون ورطه بابا اني ماتزوج وحده الشارع كله دره بيه مسوي علاقة وياها اضل من افوت يعفطولي عندي فكرة الج اذا تردين اصبري اتزوج واخذج ثانيه غير حل ماعندي ولا تبجين ودوخيني فكري بلحل الكلته الج
حنين : مو انته الخليت الشارع يعرف بينا مرتبطين اني شنو ذنبي وعلاقتنا شريفه متجاوز النظره ليش هيج تكول وين ذاك كلامك مااكدر بدونج وانتي الون الوحيد الون حياتي
كرم : انتي شكد فطيره حنونه هو اكو أسهل من الحجي طبعا هيج اكلج غير ردت اصيدج بس هسه بعد اكتفيت اتركيني يا بت الناس لا اروح العمامج يله ولي طوط طوط طوط
سد التليفون
حنين : رجعت خابرت مغلق دكيت ع رقم الثاني همين مغلق شمرت تليفون ودكيت ولطمت احس دكات كلبي تصرخ شلون راح أواجه العالم وليش اختار هلوقت الحرج امتحانات وزاري شلون أنجح ياربي دتشوف شيصير بيه بعد ثاني يوم واني نفس البجي لا اكل ولانوم ولازمه الجهاز وكل دقيقه اتصل على أرقامه كله مغلق شويه ودك رقم غريب كيفت وكلببي طار عبالي هو من رقم ثاني لان دائما يسويها وجاوبت بلهفه الو
::الو شلونج
حنين : منو
:: اني _______ وحقيقه ماريد اقهرج بس كلت خاف ماعندج خبر دتسمعين الرمي اليمي حاليا احنا بعرس كرم لا تضوجين يابه الف من يتمناج ههه واني اولهم
حنين : الحروف متطلع من حلكي معقولة.!! يعني غير خطوطه وتزوج واني هنا داواجه الموت! احجي ويه روحي وميته بجي مديت ايدي غلقت الجهاز ونمت او اغمى عليه الاعرفه انو نشلت كل اعضائي ورجفه صارت بجسمي والحسره ماليه صدري...... #يتبع