The Deadly Hunter

Masiyahin, maganda at inosente, iyan ang mga katangian ni Kisses na nagdala sa kaniya sa buhay na hindi niya inaasahan. Ni hindi niya naisip na agad siyang magugustuhan ng isang lalaki na may kakaiba at delikadong trabaho. Nagawa naman niya itong tanggapin, pati ng pamilya niya. Ngunit sa paglipas ng panahon—sa paglago ng relasyon nila ay nakaramdam na siya ng kakaiba sa lalaki. Tila ito may itinatago mula sa kaniya.

At nang dumating na nga ang araw na may natuklasan siya rito ay nasaktan siya nang sobra at nagalit sa nalaman. Iyon din ang naging dahilan kung bakit siya natakot nang husto sa lalaki dahil sa kaya nitong gawin, kaya’t naisipan niyang pagtaguan ito.

Ngunit kung ano naman ang ikinatahimik ng lalaki, kabaliktaran naman ito ng isip nitong mas barumbado pa sa barumbado. Iyon ang hindi alam ng dalaga noon kaya nagpakampante ito.

Ngayong natakot na sa kaniya nang husto ang dalaga dahil sa isang sikretong aksidenteng naibulgar, kailangan niyang ibalik ang babae sa dapat na puwesto nito—at iyon ay sa bisig niya—sapilitan man o hindi.

Gustong-gusto niyang naghahanap ng mga nagtatagong tao dahil iyon ang trabaho niya, kaya ano ang magagawa ng isang babaeng anak ng mayamang tao sa tulad niya na barumbado?