يا الله
و اخيرا لكيت وليد و وليد عايش
كمت اشيل البلوك و عيوني مغرغرة دموع
و ما بطلت الصيح ووووليد ووووليد
لحد ما وصلت اله صارت فتحه زينه
و دخله منها الهوه و النور
شفته دا يحرك باصابيعه
ااااف شلون منظر يفطر الكلب
خرم زغير بين الركام
و اصابعه من بعيد اشوفها تتحرك
دنكت و نمت ع صدري
و دخلت اله ايدي
انوب من وصلت اصابيعي لاصابيعه
ما لمستهن
سحبت ايدي
و حشرت جسمي و طببت راسي بالكوة لحد وصلت بوزي لايده
و بست اصبعه
و كتله و الله فلا اعوفك يا ابن الاجاويد
لحد ما اطلعك من هاي المحنه
انوب كمشت ايده بايدي
خطيه سودة عليه
حسيت اديه باردات كلش باردات
خطيه من حس بايدي
لزم ايدي حيل
حسيته يكول
لا تعوفيني
اتذكرت من عافني بالخرابه
و طلعت اصبعي اله
و كتله
كتله اني امانه بركبتك مو تعوفني
دنگ ع اصبعي وباسه
كالي بشاربي يا بنت الاجواد
انوب كمت التفت
و اصيح
ياااا ااااهل الرحممم يا اااااهل الغيررررة
الحكووووني
صدك
اجت مره تركض
كالت انتي مخبله
مو امس يردون يقتلوك لو يسبوك
شعندك كاعده تلعبين بالتراب و الطابوك
امشي اشردي لا يجون من باقي القرى مدري الاميركان يرجعون
كتله خاله فدوة هذا وليد
هنا مجروح و يتالم
كاالت صدك
كلت الها اااي تعالي و شوفي بعينج
اجت المره شافت وليد
حاجكته ما رد بس اصابعه تتحرك
كالت المره
يمه روحي انتي و اني و الباقيين هنا انطلعه
كلت الها خاله ماكو احد غيري و غيرج هنا
كالت لا يمه الناس خاتله هسه كلها تطلع
روحي انتي و خلصي نفسج
كلت الها مو اريد اطمان ع وليد
و الله ما اكدر اعوفه هيج
كالت هسه راح اجيب بنات وياي حتى انطلعه
و راح اكتب الك رقمي بورقه فد كم يوم و خابريني حتى اكلك شنو اخبار وليد
شفته خوش حل
هم اني اخلص روحي من هاي الناس
و هم بعدين اكدر اعرف اخبار وليد
بس كلت اول اتاكد اكو من يساعدها
صدك راحت و بسرعه رجعت
وياها كم مره جبيره بالعمر
و بيدها ورقه انطتها الي
و كالت هذا رقمي و اطلعي هناك وره الشجر اختلي
راح يجي زوج هاي المره و اشرت ع وحده من الي اجن وياها
و كالت راح ياخذج و يطلعج من هاي المنطقه كلها
.
... يتبع
أنت تقرأ
السبية بلا سبي
Короткий рассказقصة واقعية، تتحدث باللهجة العراقية عن محنة فتاة افقدتها الحرب اعز ما تملك بهذه الحياة
