قنعتني المره و مشيت للاشجار
ظليت امشي و اباوع عليهن
شلون دا يتعاونن حتى ينتشلنه من بين الانقاض
صرت بعيدة و بعد ساعه اجه الرجال الي وصفنه الي
كالي بابا اصعدي خلي اطلعك منا
من سمعت منا كلمة بابا جسمي اقشعر
اتذكرت ابوي و امي
اوووف سودة عليه ما اعرف شنو اخبارهم
كتله عمووو فدوة لعمرك
ما اكدر اروح اذا ما اعرف شنو وضع وليد
متعرف هذا الموقف شكد اتكرر وياي و شكد مسببلي الم و وجع
كالي بابا الوضع ما يتأمن
اسمعي كلامي و نصيحتي الله يرحم والديج
كتله عموو روح انته اني مستسلمة لقدري و الله الحافظ
كالي استغفر الله هسه شرايده؟
كتله اروح اتاكد انو وليد ما بيه شي
و ارجع و وين متريد تاخذني اخذني
كالي لا مستحيل اخليك ترحين
ابقي هنا و اني اروح و ارجعلك خبرة
كتله عموو اروح وياك تقبل؟
كالي ليششش
كتله مو اخاف مو زين و تكلي زين علمود ما انقهر و هالشي
كالي ولو اني ما اكذب بس حقك متعرفيني
راح اصورة الك بالموبايل
فاني فرحت و صحت هياااااا
و ابتسمت من البهجه
راح هذا االانسان الطيب
و رجعلي بمقطع لوليد
كالي بيه(وليد ) : دنيا من اول ما شفتك كلت هاي البنية اصيله و بنت اجاويد
السويتيه يعجز عن فعله ارجال
تسلميلي يا درة
اني بخير و الحمد لله
و لا تنسي عمر الشقي بقي 😅
روحي لحال سبيلك اني بخير
اني اممممم طرت من الفرح
كتله عمووو رحمله والديك
الله يبرد كلبك مثل ما بردت كلبي
هسه وين انروح
كالي ما ادري
انتي امانه ولازم اوصلك لبر الامان
نطلع و اني سايق ستار اكس
و عندي هواي معارف اخابر و اشوف يا طريق امن حتى نمشي بيه
كتله اتوكل ع الله
فمشينه بطرق بعيده و طريق كلش طويل
يا منطقة مو امنه نفتر حواليها
مشينه ايام و ليالي
و هذا الانسان الطيب كل منطقة انروح الها يقبط منها حتى لو كم نفر
علمود يطلع فلوس الكاز و مصرفنه و هم يبعد العيون عنه
بطالع الروح
وصلني لبغداد
بس المشكله احنه عائلة معتمدين كل الاعتماد ع الاب
يعني لا عدنه معارف و لا نكدر اندبر امرنه
كتله عمو تره اني كولشي ما اندل و ما اعرف احد
و اذا اتعوفني والله اتيه اهنا
فكالي الرجال بابا عندي بيت اختي بكربلاء اوديك يمهم؟
كتله يمممه كربلاء
تريد توديني للموت برجليه
اروح للصفووين الفرس؟!!
.. يتبع
أنت تقرأ
السبية بلا سبي
Proză scurtăقصة واقعية، تتحدث باللهجة العراقية عن محنة فتاة افقدتها الحرب اعز ما تملك بهذه الحياة
